Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արամ Խաչատրյանի խոսքը Լոռու մարզխորհրդի նիստին 09.08.2022թ. 09.08.2022
Հարգարժան սրբազան հայր, հանրապետական գործադիր մարմինների, ուժային կառույցների, մարզային ծառայությունների հարգելի՛ ներկայացուցիչներ, համայնքների ղեկավարնե՛ր, ներկանե՛ր, հրավիրյալնե՛ր: Ողջունում եմ ձեզ և շնորհակալություն հայտնում Լոռու մարզխորհրդի նիստին ներկա գտնվելու համար: Հայտնի պատճառներով, ինչպես գիտեք, առժամանակ մարզխորհրդի նիստեր չէին հրավիրվել և բոլոր պատասխանատու մարզային կառույցների և համայնքների ղեկավարների մասնակցությամբ նման մասշտաբային խորհրդակցություն անցկացնելու անհրաժեշտությունն, իհարկե, հասունացել էր:
Անցկացվեց Լոռու մարզխորհրդի նիստը 09.08.2022
Օգոստոսի 9-ին Վանաձորի Էդ. Կզարթմյանի անվան երաժշտական դպրոցի դահլիճում անցկացվեց Լոռու մարզխորհրդի նիստ՝ մարզպետ Արամ Խաչատրյանի, Գուգարաց թեմի առաջնորդ գերաշնորհ տեր Հովնան եպիսկոպոս Հակոբյանի, հանրապետական գործադիր մարմինների, ուժային կառույցների, մարզային ծառայությունների, համայնքների ղեկավարների, քաղհասարակության ներկայացուցիչների մասնակցությամբ: Հնչեց ՀՀ օրհներգը, ապա իր օրհնությունը ներկաներին հղեց Գուգարաց թեմի առաջնորդը՝ երկրին մաղթելով խաղաղություն, հայ ժողովրդին՝ բարեկեցություն և տոկունություն:
Անցկացվեց Ստեփանավան համայնքի սեղանի թենիսի բաց առաջնություն 08.08.2022
Ստեփանավանի մարզադպրոցում Լոռու մարզպետի օգնական, Լոռու մարզի թենիսի ֆեդերացիայի նախագահ Էրիկ Կոստանյանի նախաձեռնությամբ և Լոռու մարզպետարանի աջակցությամբ առաջին անգամ անցկացվեց Ստեփանավան համայնքի սեղանի թենիսի բաց առաջնություն, որին մասնակցում էին մարզիկներ Հայաստանի տարբեր համայնքներից, ինչպես նաև Լիբանանից: Մրցաշարն անցկացվում էր մինչև 2005 թ. ծնված մարզիկների միջև(տղաներ, աղջիկներ): Ներկա էին մարզպետարանի և Ստեփանավանի համայնքապետարանի պաշտոնյաներ, մարզիկներ, հյուրեր: Բացման խոսքով հանդես եկավ Էրիկ Կոստանյանը: Վերջինս ներկաներին ողջունեց իր և մարզպետ Արամ Խաչատրյանի անունից՝ մաղթելով հաղթական մասնակցություն: Նա իր խոսքում ընդգծեց Լոռու մարզպետարանի՝ ի դեմս մարզպետ Արամ Խաչատրյանի, դերակատարությունը մարզական կյանքի ակտիվացման և մարզական միջոցառումների անցկացումը խրախուսելու գործում:
Լոռու մարզի Տաշիր խոշորացված համայնքի Սարատովկա և Շնող խոշորացված համայնքի Քարկոփ բնակավայրերում տեղի ունեցան նախադպրոցական կրթության այլընտրանքային ծառայությունների բացման արարողություններ: Մասնակցում էին Լոռու մարզպետի տեղակալ Հովհաննես Ավետիսյանը, ՅՈՒՆԻՍԵՖ-ի ներկայացուցիչ Քրիսթինե Վայգանդը, Եվրոպական միության պատվիրակության միջազգային աջակցության/համագործակցության պատասխանատու Բրունո Մոնտարիոլը, ԵՄ ներկայացուցիչները, մարզպետարանի պատասխանատու պաշտոնյաներ, համայնքապետեր, գործընկերներ, ՀԿ-ների ներկայացուցիչներ, ծնողներ, հյուրեր: Նախադպրոցական կենտրոնները ստեղծվել են ԵՄ աջակցությամբ և ՅՈՒՆԻՍԵՖ-ի կողմից իրականացվող «Ապագան այսօր» ծրագրի շրջանակներում՝ ՀՀ կրթության, գիտության, մշակույթի և սպորտի, ՀՀ տարածքային կառավարման և ենթակառուցվածքների, Լոռու մարզպետարանի, տեղական ինքնակառավարման մարմինների և այլ գործընկերների հետ համագործակցությամբ: Մանկապարտեզների բացման առիթով ներկաներին ողջունեց և շնորհավորեց Հ. Ավետիսյանը.
Վահե Անախասյանը նշանակվել է «Տաշիրի բժշկական կենտրոն» ՓԲԸ-ի տնօրենի ժամանակավոր պաշտոնակատար 04.08.2022
Այսօր Տաշիրի բժշկական կենտրոնում Լոռու մարզպետի տեղակալ Հովհաննես Ավետիսյանը կենտրոնի աշխատակազմին է ներկայացրել նորանշանակ տնօրենի ժամանակավոր պաշտոնակատար Վահե Անախասյանին: Լոռու մարզպետ Արամ Խաչատրյանի և իր անունից նա շնորհավորել է Վ. Անախասյանին պատասխանատու պաշտոն ստանձնելու կապակացությամբ և հույս հայտնել, որ կարճ ժամանակամիջոցում բուժհաստատությունում կիրականացվեն էական բարեփոխումներ՝ քաղաքացիների բուժսպասարկման որակը բարձրացնելու նպատակով:
Երկաթուղայինների մասնագիտական տոնին ընդառաջ «Հարավկովկասյան երկաթուղի» ՓԲԸ-ի «Վանաձոր» գծակայանային միավորումում կազմակերպվել էր հանդիսավոր միջոցառում, որին ներկա էին Լոռու մարզպետի տեղակալ Հովհաննես Ավետիսյանը, Վանաձորի համայնքապետի ժամանակավոր պաշտոնակատար Արկադի Փելեշյանը, մարզպետարանի և համայնքապետարանի պաշտոնյաներ, հյուրեր: Ողջունելով ներկաներին և շնորհավորելով երկաթուղայիններին տոնի կապակցությամբ՝ «Հարավկովկասյան երկաթուղի» ՓԲԸ-ի «Վանաձոր» գծակայանային միավորման պետ Սերյոժա Մկրտչյանն ամփոփ ներկայացրեց ընթացիկ տարվա ցուցանիշներն, ունեցած ձեռքբերումները և առաջիկա ծրագրերը:
