Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանրային քննարկում՝ Սպիտակի համայնքապետարանում 22.02.2023
Լոռու մարզպետի տեղակալ Գոռ Ասրյանը և մարզպետարանի աշխատակազմի ՏԻ և ՀԳՄՀ վարչության պետ Մհեր Խեչումյանը Սպիտակի համայնքապետարանում ներկա են գտնվել Սպիտակ համայնքի ավագանու «Սպիտակ համայնքի 2022 թվականի բյուջեի կատարման տարեկան և 2022 թվականի հաշվետու տարում 2022-2027 թվականների համայնքի հնգամյա զարգացման ծրագրի իրականացման վերաբերյալ հաշվետվությունները հաստատելու մասին» որոշման նախագծի վերաբերյալ հանրային քննարկմանը։ Քննարկումը վարել է համայնքի ղեկավար Քաջայր Նիկողոսյանը։ Հանրային լսմանը մասնակցել են Սպիտակի համայնքապետարանի պաշտոնյաներ, Սպիտակ համայնքի ավագանու անդամներ, շահագրգիռ այլ անձինք։
Սպիտակի բժշկական կենտրոնը համալրվել է գերժամանակակից համակարգչային տոմոգրաֆիկ սարքով 22.02.2023
ՀՀ առողջապահության նախարար Անահիտ Ավանեսյանը և Լոռու մարզպետ Արամ Խաչատրյանն այսօր Սպիտակի բժշկական կենտրոնում ներկա են գտնվել համակարգչային տոմոգրաֆիկ կաբինետի հանդիսավոր բացման արարողությանը: «Սիմենս» գերմանական ընկերության համակարգչային տոմոգրաֆիկ սարքը ձեռք է բերվել բժշկական կենտրոնի միջոցներով՝ տնօրեն Վարդուհի Սիսակյանի նախաձեռնությամբ: Այն ժամանակակից չափորոշիչների համապատասխանող սարքավորում է, որի առավելություններից է նաև այն, որ ավելի կարճ ժամանակամիջոց է պահանջում հետազոտությունների համար, ինչպես նաև՝ քիչ կոնտրաստ նյութ, փոքր է ճառագայթման չափաբաժինը և կարող է հետազոտել մինչև 230 կգ քաշ ունեցող բուժառուներին: Կարևոր է նաև, որ հետազոտությունները կիրականացնեն 10 և ավելի տարիների փորձառություն ունեցող, բարձր որակավորմամբ մասնագետները:
Անցկացվեց «ՀՀ վարչապետի գավաթ» սեղանի թենիսի Լոռու մարզային մրցաշարը 20.02.2023
Փետրվարի 18-19-ը Վանաձորում անցկացվել է «ՀՀ վարչապետի գավաթ» սեղանի թենիսի Լոռու մարզային մրցաշարը, որին մասնակցել է ընդհանուր առմամբ 191 մարզիկ՝ Լոռու մարզի տարբեր համայնքներից: Մրցաշարի կազմակերպչական աշխատանքներն իրականացրել է Լոռու մարզպետարանը՝ Լոռու մարզի սեղանի թենիսի ֆեդերացիայի հետ համատեղ՝ ի դեմս Լոռու մարզի թենիսի ֆեդերացիայի նախագահ, Լոռու մարզպետի օգնական Էրիկ Կոստանյանի: Ողջունելով ներկաներին՝ Է. Կոստանյանը Լոռու մարզպետ Արամ Խաչատրյանի և իր անունից բարի երթ է մաղթել մրցաշարի մասնակիցներին:
2023 թ.-ին Լոռու մարզում կհիմնանորոգվի 109.8 կմ երկարությամբ ճանապարհ՝ 14.8 միլիարդ դրամ արժեքով 17.02.2023
Լոռու մարզում 2023 թ.-ին նախատեսված ճանապարհաշինական աշխատանքների ընդհանուր արժեքը կազմում է 14.8 մլրդ դրամ, որով նախատեսվում է հիմնանորոգել ընդհանուր 109.8 կմ երկարությամբ ճանապարհ: Նախատեսվում են հետևյալ ճանապարհաշինական ծրագրերը՝ 1. Կմեկնարկի Մ6՝ Վանաձոր – Ալավերդի - Վրաստանի սահման միջպետական նշանակության ավտոճանապարհի հիմնանորոգման աշխատանքների երկրորդ փուլը: 2023 թ.-ի ծրագրային արժեքը կազմում է 1.245 մլրդ դրամ: Կապալառու կազմակերպություններն են «Հորիզոն-95» ՍՊԸ-ն, «ԱԱԲ ՊՐՈՅԵԿՏ» ՍՊԸ-ն և «Սուարդի» ԲԸ հայաստանյան մասնաճյուղի իտալական կազմակերպությունը:
Մեկնարկում է զարգացման նոր ծրագիր Լոռու մարզի համար 17.02.2023
2023 թ.-ից Հայաստանում մեկնարկել է «Կայուն ներառական աճ լեռնային Հայաստանում» (SIGMA) ծրագիրը: Այն ուղղված կլինի գյուղատնտեսության, ագրովերամշակման և զբոսաշրջության ոլորտների զարգացմանը՝ հաջողված ծրագրային առաջարկների ֆինանսավորման միջոցով և կիրականացվի Լոռու, Տավուշի, Շիրակի և Գեղարքունիքի մարզերում: Այսօր Լոռու մարզպետարանում ներկայացվեցին ծրագրի մանրամասները:
Անցկացվեց Հաշմանդամություն ունեցող անձանց հարցերով զբաղվող Լոռու մարզային հանձնաժողովի նիստը 15.02.2023
Այսօր Լոռու մարզպետարանում անցկացվեց Հաշմանդամություն ունեցող անձանց հարցերով զբաղվող Լոռու մարզային հանձնաժողովի այս տարվա առաջին նիստը, որը վարում էր մարզպետի տեղակալ Գոռ Ասրյանը: Վերջինս, ողջունելով հանձնաժողվի անդամներին, նշեց, որ պետական և հասարակական կառույցների, ինչպես նաև հանրության կողմից բարձր է գնահատվում հանձնաժողվի աշխատանքը, ընդգծվում է իրականացված ծրագրերի արդյունավետությունը, ինչը շատ ողջունելի է: Նա նաև մարզի ղեկավարի անունից շնորհակալություն հայտնեց հանձնաժողվի անդամներին ներդրած ջանքների համար:
