Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Քաղաքացիների ընդունելություն՝ Լոռու մարզպետարանում

22.11.2023

Այսօր Լոռու մարզպետ Արամ Խաչատրյանն անց է կացրել քաղաքացիների ընդունելություն:
Ա. Խաչատրյանին դիմել է թվով տասը քաղաքացի՝ մարզի տարբեր բնակավայրերից, սոցիալական աջակցության, զբաղվածության ապահովման, միջհամայնքային տրանսպորտի գործարկման և այլ հարցերով:
Ընդունելությանը ներկա են եղել նաև մարզպետարանի պատասխանատու պաշտոնյաներ՝ քաղաքացիներին մասնագիտական խորհրդատվություն տալու, ուղղորդելու նպատակով:
Աշխատանքի տեղավորման խնդրանքով եկած քաղաքացիներին առաջարկվել է հետևել թափուր աշխատատեղերի մրցույթներին: Միաժամանակ նշվել է, որ մարզպետի աշխատակազմը պատրաստ է աջակցել անհրաժեշտ տեղեկատվությամբ և խորհրդատվությամբ:
Միջհամայնքային տրանսպորտի անխափան գործունեության հարցի վերաբերյալ մարզի ղեկավարը պարզաբանել է, որ խնդիրն արդիական է ամբողջ հանրապետությունում, և ներկա դրությամբ ՀՀ կառավարության կողմից քննարկումներ են տարվում հարցի օպտիմալ լուծման նպատակով:
Բոլոր քաղաքացիների հարցերին տրվել են սպառիչ պատասխաններ՝ խոստանալով հետևողական լինել խնդիրների լուծման ընթացքին:
Անհրաժեշտության դեպքում քաղաքացիներին առաջարկվել է համապատասխան բովանդակությամբ դիմումներ ներկայացնել:
 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-04-12 17:30:44