Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԱԱԾ սահմանապահ զորքերը համալրելու նպատակով հայտարարվում է ընդունելություն 02.03.2023
ՀՀ ԱԱԾ սահմանապահ զորքերը մասնագիտական կրթությամբ սպաներով համալրելու նպատակով հայտարարում է ընդունելություն ՌԴ անվտանգության դաշնային ծառայության Կուրգանի և Կալինինգրադի սահմանապահ ինստիտուտներում ու ՀՀ պաշտպանության նախարարության Վ․ Սարգսյանի անվան ռազմական համալսարանի սահմանապահ ծառայության նորաբաց հոսքում՝ 17–18 տարեկան միջնակարգ կրթությամբ, ինչպես նաև մինչև 23 տարեկան պարտադիր ժամկետային զինվորական ծառայություն անցած ՀՀ արական սեռի քաղաքացիների համար։
Ներկայացվել է Ալավերդի համայնքի 2022 թվականի բյուջեի կատարման տարեկան հաշվետվությունը 01.03.2023
Փետրվարի 28-ին Լոռու մարզպետի տեղակալ Գոռ Ասրյանը, Լոռու մարզպետարանի ՏԻ և ՀԳՄ հարցերով վարչության պետ Մհեր Խեչումյանը, մարզպետարանի պատասխանատու այլ պաշտոնյաներ ներկա են եղել Ալավերդի համայնքի 2022 թվականի բյուջեի կատարման տարեկան հաշվետվության հանրային քննարկմանը:
Ֆրանկոֆոն երկրների պաշտոնական կայքէջում լույս է տեսել Լոռու մարզի մասին պատմող ընդգրկուն հոդված 01.03.2023
Ֆրանկոֆոն երկրների միջազգային ասոցիացիայի պաշտոնական կայքէջում հրապարակվել է ընդարձակ հոդված «Հայաստանի Հանրապետության Լոռու մարզը» խորագրով: Հոդվածում ներկայացված է Լոռու մարզի մասին պատմող ամբողջական և հետաքրքիր տեղեկատվություն՝ աշխարհագրական դիրքի, սահմանամերձ համայնքների, զբոսաշրջային հնարավորությունների, տեսարժան վայրերի, խոհանոցի, պատմամշակութային արժեքների, արտադրական հզորությունների, համայնքների հնարավորությունների մասին: Հոդվածն անդրադառնում է նաև մարզպետարանի և մարզի ղեկավարի գործունեությանը, Ֆրանսիական ռեգիոնների հետ Լոռու մարզի համագործակցությանը և այլն:
Լոռու մարզպետի տեղակալ Գոռ Ասրյանը և մարզպետարանի ՏԻ և ՀԳՄ հարցերով վաչության պետ Մհեր Խեչումյանը ներկա են եղել Ստեփանավան և Տաշիր խոշորացված համայնքների ավագանու ընդլայնված նիստերին, որոնց ընթացքում Ստեփանավան համայնքի ղեկավար Արմեն Գրիգորյանը և Տաշիր խոշորացված համայնքի ղեկավար Էդգար Արշակյանը հանդես են եկել 2022թ բյուջեի կատարման տարեկան հաշվետվություններով:
Անցկացվեց Լոռու մարզխորհրդի նիստը 28.02.2023
Այսօր Լոռու մարզպետարանում անցկացվեց Լոռու մարզխորհրդի այս տարվա առաջին նիստը, որը վարում էր մարզպետ Արամ Խաչատրյանը: Ներկա էին ՀՀ ՊՆ 3-րդ բանակային կորպուսի հրամանատար, գնդապետ Ալեքսանդր Ցականյանը, ՀՀ ոստիկանության Լոռու մարզային վարչության պետ, գնդապետ Արթուր Զաքարյանը, ՀՀ ՊՆ զորակոչային և զորահավաքային համալրման ծառայության Լոռու մարզի տարածքային ստորաբաժանման ղեկավար, փոխգնդապետ Սամվել Գևորգյանը, Լոռու մարզի փրկարարական վարչության պետ, գնդապետ Սերոբ Գաբրիելյանը, մարզի համայնքների, մարզպետարանի ստորաբաժանումների ղեկավարները:
Լոռու մարզպետ Արամ Խաչատրյանի ուղերձը ՀԿ-ների միջազգային օրվա առթիվ 27.02.2023
Հասարակական կազմակերպությունների, քաղհասարակության հարգելի՛ ներկայացուցիչներ, ՀԿ-ների միջազգային օրվա առթիվ սրտանց շնորհավորում եմ ձեզ: Հասարակական կազմակերպություններին, կամավորական աշխատանք կատարող մարդկանց միավորում է հանրությանը սատարելու, աջակից լինելու նպատակը, շրջապատն ավելի լավ դարձնելու, բարին տարածելու գաղափարախոսությունը, և դրանով իսկ ամեն ինչ ասված է: Մեր համայնքներում իրականացված բազմաբնույթ ծրագրերը մեծ աջակցություն են պետության համար, և մենք երախտապարտ ենք, որ պետական ինստիտուտներին զուգահեռ գործունեություն են ծավալում այնպիսի կառույցներ, որոնք փոխլրացնում են, օգնում, որ հանրությանը մատուցված ծառայությունները լինեն լիարժեք, բավարար, որ երկիրը լինի ավելի զարգացած, իսկ կյանքը ՝բարեկեցիկ:
