Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզի և ՌԴ Սամարայի շրջանի միջև համագործակցության շրջանակներում անցկացվեց առցանց քննարկում 30.03.2023
Լոռու մարզի և Սամարայի շրջանի միջև համագործակցության շրջանակներում տեղի ունեցավ հերթական առցանց հանդիպումը, որին մասնակցում էին Լոռու մարզպետարանի պատասխանատու պաշտոնյաներ, տարբեր ոլորտների ներկայացուցիչներ։ Լոռու մարզը ներկայացնում էր մարզպետի տեղակալ Գոռ Ասրյանը, Սամարայի շրջանը՝ Սամարայի մարզի ղեկավարի տեղակալ Նատալի Կատինան:
Մարտի 28-ին և 29-ին աշխատանքային խումբն ընտրանքային մոնիթորինգ է իրականացրել Փամբակ և Թումանյան համայնքների աշնանացան ցորենի ցանքատարածություններում: Ծրագրի շրջանակներում Փամբակ համայնքում կատարվել է 198 հա ցանք, որը նախորդ տարվա համեմամատ ավելի է 96 հա-ով, փոխհատուցում կստանա 195 շահառու՝ ընդհանուր առմամբ 197.15 մլն դրամ:
Մարզի ղեկավարն աշխատանքային այցով Լերմոնտովո և Ֆիոլետովո համայնքներում էր 29.03.2023
Լոռու մարզպետ Արամ Խաչատրյանն այսօր աշխատանքային այցով Լերմոնտովո և Ֆիոլետովո համայնքներում էր: Նրան ուղեկցում էին մարզպետարանի ՏԻ և ՀԳՄ հարցերով վարչության պետ Մհեր Խեչումյանը, մարզպետարանի պատասխանատու այլ պաշտոնյաներ: Լերմոնտովո և Ֆիոլետովո համայնքները մեծամասամբ բնակեցված են մոլոկաններով: Շրջայցի ընթացքում Ա. Խաչատրյանը ծանոթացավ համայնքներում իրականացված ծրագրերին, նախատեսվող աշխատանքներին և ընթացիկ խնդիրներին:
Քաղաքացիների ընդունելություն՝ Լոռու մարզպետարանում 29.03.2023
Այսօր Լոռու մարզպետ Արամ Խաչատրյանն անց է կացրել քաղաքացիների ընդունելություն: Ա. Խաչատրյանին դիմել են 15 քաղաքացիներ՝ մարզի տարբեր բնակավայրերից, բնակարանային ապահովման, սոցիալական աջակցության, առողջապահական, աշխատանքի տեղավորման հարցերով: Ընդունելությանը ներկա են եղել նաև մարզպետարանի պատասխանատու պաշտոնյաներ:
Մեծարվեցին թատրոնի և գրականության նվիրյալները 27.03.2023
Այսօր Լոռու մարզպետ Արամ Խաչատրյանը հյուրընկալել էր թատրոնի և գրականության մի խումբ նվիրյալների՝ Թատրոնի միջազգային և օրեր առաջ նշված՝ Պոեզիայի համաշխարհային օրվա կապակցությամբ նրանց շնորհավորելու նպատակով: Հանդիպմանը ներկա էին նաև մարզպետարանի մի խումբ պատասխանատու պաշտոնյաներ: Մարզի ղեկավարը շնորհավորեց սիրելի բանաստեղծներին, մարզի թատրոնների սիրված արտիստներին և աշխատակիցներին՝ չափազանց բարձր գնահատելով նրանց մեծագույն ներդրումը մարզի մշակույթը Հայաստանում և նրա սահմաններից դուրս ներկայացնելու և հանրահռչակելու համար: - Ուրախ եմ, որ այս հանդիպմանը գրականության և թատրոնի ներկայացուցիչներդ միաժամանակ եք ներկա, որովհետև արվեստի այս երկու ճյուղերը առանձնակի սերտությամբ են իրար կապված:
Մարտի 23-ին լրանում է Ամենայն հայոց բանաստեղծի հիշատակի 100-րդ տարելիցը 24.03.2023
Լոռու մարզպետի խորհրդական Տիգրան Հովսեփյանը, Լոռու մարզպետարանի կրթության, մշակույթի և սպորտի վարչության պետ Արամ Գրիգորյանը, մշակույթի և սպորտի բաժնի պետ Արամ Ռևազյանը մասնակցել են Հովհաննես Թումանյանի մահվան 100-րդ տարելիցին նվիրված միջոցառմանը: Այն կազմակերպվել էր Դսեղի՝ բանաստեղծի անվան տուն-թանգարանի բակում, որտեղ և ամփոփված է Մեծն Լոռեցու սիրտը:
