Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ ՊՆ Վ. Սարգսյանի անվան ռազմական ակադեմիայի ղեկավարները Վանաձորում ներկայացրեցին բուհի գործունեությունը
25.12.2023
Լոռու մարզպետ Արամ Խաչատրյանը, մարզպետի տեղակալ Գոռ Ասրյանը, ՀՀ ՊՆ Վ. Սարգսյանի անվան ռազմական ակադեմիայի պետ, գնդապետ Արթուր Երոյանը, Զորակոչային և զորահավաքային համալրման ծառայության Լոռու մարզի տարածքային ստորաբաժանման պետ Սամվել Գևորգյանը ռազմական կրթության նկատմամբ հետաքրքրության բարձրացման նպատակով հանդիպել են մարզի ավագ և միջնակարգ դպրոցների տնօրենների և զինղեկների հետ։
Հանդիպման ընթացքում Վ. Սարգսյանի անվան ռազմական ակադեմիայի ղեկավարն անդրադարձել է բուհի գործունեությանը, նորացված ուսումնական ծրագրերին, կուրսանտների, ինչպես նաև շրջանավարտների համար նախատեսված արտոնություններին:
Լոռու մարզպետ Արամ Խաչատրյանն իր խոսքում կարևորել է նման հանդիպումները, որոնք օգնում են դպրոցականներին կողմնորոշվելու մասնագիտության ընտրության հարցում:
Ներկաների հետ քննարկվել են հետագա համագործակցության հետ կապված հարցեր:
Հանդիպման ավարտին պատվոգրեր են ստացել Լոռու մարզի այն դպրոցների տնօրենները, որոնց շրջանավարտները բարեհաջող ընդունվել և բարձր առաջադիմությամբ սովորում են ՀՀ ՊՆ Վ. Սարգսյանի անվան ռազմական ակադեմիայում:
