Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզ էր այցելել ՀՀ գյուղատնտեսության նախարար Սերգո Կարապետյանը 25.10.2011
Հոկտեմբերի 22-ին Լոռու մարզ էր այցելել ՀՀ գյուղատնտեսության նախարար Սերգո Կարապետյանը, ում առաջին կանգառը Սպիտակի տարածաշրջանի Մեծ Պարնի համայնքն էր, որտեղ նախարարը ծանոթացավ կարտոֆիլի բերքահավաքի ընթացքին: Գյուղնախարարի հետ հանդիպման ժամանակ գյուղացիները նաև իրենց մտահոգությունն արտահայտեցին տրամադրվող վարկերի բարձր տոկոսադրույքի, վառելիքի և պարարտանյութերի թանկություններից:
300 քաղաքացիներ օգտվեցին անվճար սրտաբանական հետազոտությունից 24.10.2011
Արդեն երրորդ տարին է, Երևանի Նորք – Մարաշ բժշկական կենտրոնը ՀՀ նախագահի բարձր հովանու ներքո անվճար հետազոտություններ է իրականացնում հանրապետության բոլոր մարզերում: Հոկտեմբեր ամսվա ընթացքում կենտրոնի բժիշկները եղել են Լոռու մարզի Ստեփանավան, Տաշիր և Ալավերդի քաղաքներում՝ սպասարկելով շուրջ 300՝ սրտի հետ կապված խնդիրներ ունեցող քաղաքացիների: Հոկտեմբերի 22-ին կենտրոնի աշխատակիցները եղան Վանաձորում:
Լոռու մարզպետը կարևորում է համագործակցությունը ՀԿ-ների հետ 23.10.2011
Վանաձորի «Գրին Հաուզ» հյուրանոցում Լոռու մարզպետարանի և «Վորլդ Վիժն» կազմակերպության նախաձեռնությամբ հրավիրվեց աշխատաժողով, որին մասնակցում էին մարզի երեխաների, կանանց հիմնախնդիրներով զբաղվող ՀԿ-ների նախագահները և պետական կառույցների ներկայացուցիչներ։ «Վորլդ Վիժնը» հանդիպման կազմակերպմանը ցուցաբերել էր ֆինանսական աջակցություն, իսկ կազմակերպչական հարցերը կարգավորվել էին մարզպետարանի կողմից
Ծննդաբերական բաժանմունքի եւ դիահերձարանի միջև պատ կկառուցվի 22.10.2011
Առողջապահական հիմնարկների պայմաններին ծանոթանալու նպատակով Լոռու մարզպետ Արթուր Նալբանդյանը նախատեսել է շրջայցեր կատարել և առաջինը եղավ Վանաձորի թիվ 1 հիվանդանոցային համալիրում։ Այցելության առաջնային նպատակը ծննդաբերական բաժանմունքի մասնաշենքի և դիահերձարանի միջև հենապատ կառուցելու հարցի քննարկումն էր։ Այս երկու մասնաշենքը գտնվում են հարևանությամբ, ինչը դժգոհության է առաջացնում բնակչության շրջանում։
Ասպետն իր ասպետության համար արժանացավ Լոռու մարզպետ ,,Ոսկե հուշամեդալին,, 21.10.2011
Լիբանանահայ, Փարիզի համալսարանի ուսանող, 20-ամյա Ասպետ Հարմանդանյանը այս տարվա փետրվարին, ՙՅութուբում՚ դիտելով տեսանյութ՝ Լոռու մարզի Հագվի գյուղում բնակվող Արթուր Դանիելյանի 9 անձից բաղկացած բազմանդամ, անօթևան ընտանիքի մասին, դրամահավաք է կազմակերպել և բնակարան գնել նրանց համար։ Այսօրինակ ասպետությունը չէր կարող ուշադրության չարժանանալ մարզային իշխանությունների կողմից։ Ասպետ Հարմանդանյանին արժանին մատուցելու համար Լոռու մարզպետ Արթուր Նալբանդյանի որոշմամբ շնորհվել է ՙՈսկե հուշամեդալ՚։
,,Ոչ մի անձնական հարց անուշադրության չի մատնվի,, 20.10.2011
Հոկտեմբերի 20-ին Լոռու մարզպետ Արթուր Նալբանդյանը Թումանյանի տարածաշրջանի համայնքների բնակիչների ընդունելություն անցկացրեց Ալավերդի քաղաքում: Մասնակցում էին Ալավերդու քաղաքապետ Արտավազդ Վարոսյանը, մարզպետարանի կառուցվածքային ստորաբաժանումների, Ալավերդի քաղաքի սոցիալական, էներգետիկ, կոմունալ և այլ ծառայությունների ղեկավարներ: Ընդունելության եկած շուրջ 20 քաղաքացիների խնդրանքների գերակշիռ մասն ուներ սոցիալական, առողջապահական ուղղվածություն:
