Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Համագործակցություն ու զարգացում 18.01.2012
Հունվարի 17-ին Լոռու մարզպետարանում մարզպետ Ա.Նալբանդյանի մասնակցությամբ տեղի ունեցավ խորհրդակցություն նվիրված Լոռու և Ֆրանսիայի ՊԱԿԱ մարզերի միջև համագործակցությանն ու Ֆրանկոֆոնիայի զարգացմանը: Մասնակցում էին արտաքին կապերի գծով մարզպետի խորհրդական Լ. Ասլանյանը, մարզպետարանի աշխատակազմի կրթության, մշակույթի և սպորտի վարչության, զարգացման ծրագրերի բաժնի պետերն ու պատասխանատու աշխատողներ, Վանաձորի պետական մանկավարժական ինստիտուտի ռեկտոր Գ. Խաչատրյանը, Եվրոպական տարածաշրջանային Ակադեմիայի մասնաճյուղի տնօրեն Ս. Գյուլբենկյանը, Վանաձորի տեխնոլոգիական քոլեջի տնօրեն Հ. Թադևոսյանը, ֆրանսերեն լեզվի դասախոսներ:
2012թ-ի առաջին ընդունելությունը 13.01.2012
Համաձայն Լոռու մարզպետի կողմից քաղաքացիների ընդունելության հաստատված կարգի, հունվարի 12-ը Վանաձոր քաղաքի և Գուգարքի տարածաշրջանի բնակավայրերի բնակչության ընդունելության օրն էր: Այդ օրը մարզպետ Ա.Նալբանդյանն ընդունեց 21 քաղաքացիների:
Լոռու մարզխորդի ամփոփիչ նիստում 28.12.2011
Դեկտեմբերի 27-ին տեղի ունեցավ Լոռու մարզխորհրդի 2011թ.-ի վերջին նիստը, որը վարում էր Լոռու մարզպետ Արթուր Նալբանդյանը: Այս տարվա 11 ամիսների համայնքների բյուջեների եկամուտների կատարումը ըստ հարկատեսակների ներկայացրեց մարզպետարանի ֆինանսական և սոցիալ-տնտեսական վարչության պետ Սևակ Հովհաննիսյանը: Նրա տեղեկացմամբ՝ 2011 թվականի 11 ամիսներին համայնքային բյուջեների եկամուտների կատարման վերլուծությունը վկայում է նախորդ տարվա համեմատությամբ եկամուտների զգալի աճ: Մարզի համայնքների բյուջեներով 2011թ. կտրվածքով նախատեսված մուտքերը դեկտեմբերի 1-ի դրությամբ ապահովվել են 94.2 տոկոսով:
ԴԵկտեմբերի 26-ին Վանաձոր էր ժամանել ՀՀ ԱԺ նախագահ Սամվել Նիկոյանը: Նրան ուղեկցում էին ԱԺ փոխնախագահ Էդուարդ Շարմազանովը, ԱԺ պատգամավորներ: Սամվել Նիկոյանը Ազգային ժողովի նախագահի պաշտոնում առաջին անգամ էր Վանաձորում: Մեծարգո հյուրին մարզկենտրոնում դիմավորեցին և ուղեկցում էին Լոռու մարզպետ Արթուր Նալբանդյանը, Վանաձորի քաղաքապետ Սամվել Դարբինյանը, այլ պաշտոնատար անձինք:
Լոռու մարզպետը հանդիպեց մարզի հասարակական կազմակերպությունների հետ 15.12.2011
Լոռու մարզպետարանում մարզպետ Արթուր Նալբանդյանը հանդիպեց մարզում առավել ակտիվ գործող հկ-ների ղեկավարների և ներկայացուցիչների հետ: Գրանցված 62 հկ-ներից գործունեություն են ծավալում 40-ը: Հանդիպմանը, սակայն ներկա էին 27-ը:
Մարզպետ Արթուր Նալբանդյանը շնորհավորեց աշխարհի չեմպիոնին 09.12.2011
Բրազիլիայի Կալդաս Նովաս քաղաքում անցկացված մինչև 18 տարեկանների շախմատի առաջնությունում 80 երկրների ավելի քան 100 շախմատիստներից Հայաստանի հավաքականի կազմում փայլուն հաղթանակ տարավ Վանաձորի շախմատի մարզադպրոցի սան, մարզկենտրոնի թիվ 1 միջնակարգ դպրոցի աշակերտ 18- ամյա Սամվել Տեր-Սահակյանը:
