Տեղեկատվական կենտրոն
Նորություններ
![Սոնոգրաֆիկ սարք՝ Մեծ Պարնիի առողջության կենտրոնին Սոնոգրաֆիկ սարք՝ Մեծ Պարնիի առողջության կենտրոնին](http://lori.mtad.am/files/n_pics/11499_s.jpg)
Սոնոգրաֆիկ սարք՝ Մեծ Պարնիի առողջության կենտրոնին 29.09.2016
«Դիակոնիա» բարեգործական հիմնադրամը շարունակում է բարեգործական ծրագրեր իրականացնել Լոռու մարզում: Մեծածավալ ներդրումներ են կատարվում նաև մարզի առողջապահության ոլորտում: Հիմնադրամի հերթական բարեգործությունը Մեծ Պարնի համայնքում էր: Մեծ Պարնիի առողջության կենտրոնը սպասարկում է տարածաշրջանի 11 գյուղ՝ ընդհանուր թվով շուրջ 11 200 բնակչի:
![Ախթալայում բացվեց սոցիալական ձեռնարկություն Ախթալայում բացվեց սոցիալական ձեռնարկություն](http://lori.mtad.am/files/n_pics/11501_s.jpg)
Ախթալայում բացվեց սոցիալական ձեռնարկություն 29.09.2016
ԱՄՆ Միջազգային զարգացման գործակալության (ԱՄՆ ՄԶԳ) կողմից ֆինանսավորվող «Հաշմանդամություն ունեցող անձանց կենսամակարդակի բարելավում զբաղվածության խթանման միջոցով» (LIFE) ծրագրի շրջանակներում՝ «Սեյվ դը չիլդրեն» կազմակերպության հայաստանյան ներկայացուցչության և Հայաստանի երիտասարդ կանանց ասոցիացիայի համագործակցության արդյունքում Ախթալա քաղաքում հիմնադրվել է սոցիալական ձեռնարկություն՝ «Նուռիկ» կենտրոնը: Վերջինիս նպատակն է զբոսաշրջության զարգացման միջոցով նպաստել Ախթալայի և շրջակա համայնքերի տնտեսական զարգացմանը: Այն նաև ազգային ավանդույթներն ու մշակույթը պահպանելու ու տարածելու նպատակ ունի:
Լոռու մարզպետ Արթուր Նալբանդյանը նամակ էր հղել Վրաստանի բարեկամ Աջարիայի Ինքնավար Հանրապետության կառավարության ղեկավար Զուրաբ Պատարաձեին՝ ջերմորեն շնորհավորելով նրան բարձր պաշտոն ստանձնելու կապակցությամբ և բարեմաղթել, որ Աջարիայի Ինքնավար Հանրապետության կառավարության նորանշանակ ղեկավարը հաջողությամբ իրականացնի իր առջև դրված խնդիրները: Նամակում մարզի ղեկավարը նաև հույս էր հայտնել, որ երկու մարզերի միջև համագործակցությունը կշարունակվի և առավել խոր արմատներ կձգի՝ նպաստելով 2014թ. հոկտեմբեր ամսին երկու մարզերի միջև կնքված համագործակցության պայմանագրի ամբողջական իրագործմանը:
![Դոնորները ծանոթացան Սպիտակում ստեղծված ջերմոցային տնտեսության պայմաններին Դոնորները ծանոթացան Սպիտակում ստեղծված ջերմոցային տնտեսության պայմաններին](http://lori.mtad.am/files/n_pics/11470_s.jpg)
Դոնորները ծանոթացան Սպիտակում ստեղծված ջերմոցային տնտեսության պայմաններին 26.09.2016
Սպիտակի քաղաքապետարանի և «Սպիտակի ֆերմեր» հկ-ի կողմից «Հաշմանդամություն ունեցող անձանց կենսամակարդակի բարելավում զբաղվածության խթանման միջոցով» (LIFE) ծրագրի շրջանակներում Սպիտակ քաղաքում հիմնվել է ջերմոցային տնտեսություն: Ծրագիրը հնարավոր է եղել իրականացնել «Սեյվ դը չիլդրն» կազմակերպության կողմից՝ ԱՄՆ ՄԶԳ ֆինանսավորմամբ: Ծրագրի իրականացմանն աջակցել են Լոռու մարզպետարանը և մի շարք այլ կառույցներ:
![Լեռնապատում տոն էր Լեռնապատում տոն էր](http://lori.mtad.am/files/n_pics/11451_s.jpg)
Լեռնապատում տոն էր 23.09.2016
Երկրաշարժի հետևանքները դեռ լիովին չթոթափած Լեռնապատ գյուղի բնակիչները միանգամից երկու կառույցի հանդիսավոր բացման արարողության մասնակիցը եղան: Խորհրդանշական է, որ երկուսն էլ գտնվում են երկրաշարժից փլատակված նախկին դպրոցի ազատված տարածքում, ուր դպրոցի գոյության փաստն «արձանագրվում է» մոտակայքում երկրաշարժի անմեղ զոհերի հիշատակը հավերժացնող հուշարձանի պատվանդանին փորագրված դպրոցականների և նրանց ուսուցիչների անուններով: Սեպտեմբերի 22-ին տոնական մթնոլորտ էր Լեռնապատում: Գյուղի հարյուրավոր բնակիչներ, բազմաթիվ հյուրեր եկել էին մասնակցելու համայնքի օրվան նվիրված տոնական միջոցառմանը: Հրավիրյալների թվում էին Լոռու մարզպետ Արթուր Նալբանդյանը, Գուգարաց թեմի առաջնորդ Սեպուհ արքեպիսկոպոս Չուլջյանը, շրջակա համայնքների ղեկավարներ:
![ՀՀ Անկախություն-25. տոնական հանդիսություններ Վանաձորում ՀՀ Անկախություն-25. տոնական հանդիսություններ Վանաձորում](http://lori.mtad.am/files/n_pics/11443_s.jpg)
ՀՀ Անկախություն-25. տոնական հանդիսություններ Վանաձորում 22.09.2016
ՀՀ Անկախության 25-ամյա տարեդարձի առթիվ միջոցառումները Լոռու մարզում մեկնարկել էին դեռևս տարեսկզբին: Սեպտեմբերի 21-ին Լոռու մարզում, ու մասնավորապես մարզկենտրոն Վանաձորում, կազմակերպված գլխավոր միջոցառումները, շնորհիվ մարզային ու քաղաքային իշխանությունների, անցկացվեցին առանձնակի հանդիսավորությամբ: Առավոտյան Վանաձորի Հայքի հրապարակից ավտոբուսները շարժվեցին Արցախյան հերոսամարտի հուշահամալիր, ուր ներկաները՝ Լոռու մարզպետ Արթուր Նալբանդյանը, մարզային ու քաղաքային իշխանությունների, երկրապահ-կամավորականների, ուժային կառույցների, հոգևոր դասի ներկայացուցիչներ, պաշտոնատար այլ անձինք, մտավորականներ ու բազմաթիվ վանաձորցիներ ծաղիկներ խոնարհեցին ու ծաղկեպսակներ դրեցին հայոց անկախության համար իրենց կյանքը զոհաբերած քաջորդիների շիրիմներին: Այստեղ տերունական աղոթք հնչեցրեց Գուգարաց թեմի առաջնորդ Սեպուհ արքեպիսկոպոս Չուլջյանը՝ հերոսների հոգիներին մաղթելով խաղաղություն: