Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզի ղեկավարը անփորձանք ծառայություն մաղթեց նորակոչիկներին 06.07.2017
Այսօր ևս մարդաշատ էին Վանաձորի, Ալավերդու, Ստեփանավանի, Սպիտակի, Տաշիրի զինվորական կոմիսարիատների բակերը. նորակոչիկներին Հայոց ազգային բանակ էին ճանապարհում ծնողներն ու հարազատները: Նրանց բարի ճանապարհ ու աննկուն ծառայություն մաղթելու էին եկել նաև մարզային և քաղաքային իշխանությունների ներկայացուցիչները: Լոռու մարզպետ Արթուր Նալբանդյանը մարզպետի տեղակալ Հովհաննես Թադևոսյանի և մարզպետարանի այլ պաշտոնատար անձանց ուղեկցությամբ այս անգամ Սպիտակ քաղաքում էր:
«Ամենօրյա ռեժիմով պետք է աշխատենք». ՀՀ վարչապետը արտագնա խորհրդակցություն անցկացրեց Վանաձորում 03.07.2017
Հունիսի 30-ին ՀՀ վարչապետ Կարեն Կարապետյանը տարածքային կառավարման և զարգացման, գյուղատնտեսության, կրթության և գիտության, առողջապահության, էկոնոմիկայի, աշխատանքի և սոցիալական հարցերի նախարարների, քաղաքաշինության պետական կոմիտեի նախագահի, կառավարության աշխատակազմի մի խումբ պաշտոնյաների մասնակցությամբ արտագնա խորհրդակցություն անցկացրեց Վանաձորում: Խորհրդակցությանը ներկա էին մարզպետ Արթուր Նալբանդյանը, մարզպետարանի ստորաբաժանումների, քաղաքային համայնքների, շահագրգիռ կառույցների ղեկավարներ, գործարարներ:
Մեկնարկեց ամառային զորակոչը 03.07.2017
Հուլիսի 2-ին մեկնարկեց 2017թ. ամառային զորկոչը: Մարդաշատ էր Վանաձորի զինվորական կոմիսարիատի բակը. նորակոչիկներին Հայոց ազգային բանակ էին ճանապարհում ծնողներն ու հարազատները: Նրանց բարի ճանապարհ ու աննկուն ծառայություն մաղթելու էին եկել նաև մարզպետի տեղակալներ Արսեն Դարբինյանը, Հովհաննես Թադևոսյանը, մարզային և քաղաքային իշխանությունների ներկայացուցիչներ:
Մարզպետը կարևորեց վարչապետի կողմից տրված հանձնարարականների օր առաջ կատարումը 03.07.2017
Հուլիսի 3-ին անցկացված աշխատանքային խորհրդակցության ընթացքում մարզպետ Արթուր Նալաբանդյանն անդրադարձավ հունիսի 30-ին ՀՀ վարչապետ Կարեն Կարապետյանի այցի շրջանակներում անցկացված խորհրդակցությունում քննարկված հարցերին: Մարզպետը կարևորեց վարչապետի կողմից տրված հանձնարարականների օր առաջ կատարումը:
Անհայտ կորած զինծառայողներին նվիրված միջոցառում 30.06.2017
Լոռու մարզպետարանի, Վանաձորի քաղաքապետարանի, Երկրապահ կամավորականների միության Լոռու մարզային կառույցի, Հայկական կարմիր խաչի Լոռու մարզային մասնաճյուղի ներկայացուցիչները, վետերանները, մտավորականները և ուսանողները Լոռու մարզի անհայտ կորած ազատամարտիկների ընտանիքների անդամների հետ, ավանդույթի համաձայն, հավաքվել էին Վանաձորի գեղագիտական դաստիարակության ազգային կենտրոնին հարակից զբոսայգում տեղադրված խաչքար-հուշարձանի մոտ:
Մարզպետի շնորհակալագրերով պարգևատրվեցին Փամբակ և Ջիլիզա համայնքների ղեկավարները 29.06.2017
Այսօր մարզպետ Արթուր Նալբանդյանն իր աշխատասենյակում ընդունեց Փամբակ համայնքի ղեկավար Սամսոն Ուլիխանյանին և Ջիլիզա համայնքի ղեկավար Մհեր Վարդանյանին՝ նրանց տեղական ինքնակառավարման մարմիններում երկարատև արգասաբեր աշխատանքի և համայնքի ղեկավարման 30-ամյակի կապակցությամբ շնորհավորելու նպատակով: Ընդունելությանը ներկա էին նաև մարզպետի տեղակալներ Արսեն Դարբինյանը, Հովհաննես Թադևոսյանը, մարզպետարանի ՏԻ և ՀԳՄ հարցերով վարչության պետ Դավիթ Մանուչարյանը:
