Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Աշխատանքային խորհրդակցություն 11.06.2018
Այսօր մարզպետարանի կառուցվածքային ստորաբաժանումների ղեկավարների և պատասխանատու այլ պաշտոնյաների մասնակցությամբ աշխատանքային խորհրդակցություն անցկացրեց Լոռու մարզպետ Հրանտ Մարգարյանը: Նա մարզպետարանի աշխատակազմին ներկայացրեց նորանշանակ խորհրդական Հրաչիկ Ղամբարյանին՝ մաղթելով աշխատանքային հաջողություններ:
Այսօր Լոռու մարզպետ Հրանտ Մարգարյանն իր աշխատասենյակում ընդունեց օրերս Ստամբուլում կայացած երիտասարդ ըմբիշների Եվրոպայի առաջնությունում 3-րդ պատվավոր տեղը նվաճած Հովհաննես Մխիթարյանին:
Գործակարգավարական խորհրդակցություն Լոռու մարզպետարանում 08.06.2018
Այսօր հերթական գործակարգավարական խորհրդակցությունն անցկացրեց Լոռու մարզպետարանի աշխատակազմի ղեկավար Նարեկ Սարգսյանը: Նա նախ և առաջ անդրադարձավ աշխատանքային կարգապահական հարցերին: Նշելով, որ մարզպետարանի աշխատակազմում կարգապահությունը միշտ բարձր մակարդակի վրա է եղել, հորդորեց շարունակել նույնկերպ՝ խուսափելով անհարկի բացակայություններից, զերծ մնալ ուշացումներից:
Երկրակեղևի ընդերքում կուտակված էներգիան աստիճանաբար մարում է 07.06.2018
Երեկ՝ հունիսի 6-ին, տեղական ժամանակով ժամը 17:07-ին Սպիտակ քաղաքից 8 կմ հյուսիս-արևելք, օջախի 10 կմ խորությամբ գրանցվեց 4.3 մագնիտուդով երկրաշարժ: Ինչպես տեղեկացվեց ԱԻՆ-ի կողմից, ստորգետնյա ցնցման ուժգնությունը էպիկենտրոնում կազմել էր 5-6 բալ: Երկրաշարժը զգացվել էր Սպիտակ և Վանաձոր քաղաքներում՝ 5-6 բալ, Գյումրի քաղաքում՝ 3-4 բալ, Երևանում՝ 3 բալ:
ՀՀ տարածքային կառավարման և զարգացման նախարարը ներկայացրեց նորանշանակ մարզպետ Հրանտ Մարգարյանին 04.06.2018
Այսօր ՀՀ տարածքային կառավարման և զարգացման նախարար Սուրեն Պապիկյանը Լոռու մարզպետարանի աշխատակիցներին, հանրապետական գործադիր մարմինների տարածքային կառույցների ներկայացուցիչներին, համայնքների ղեկավարներին ներկայացրեց նորանշանակ մարզպետ Հրանտ Մարգարյանին: Հանդիպմանը ներկա էր նաև Գուգարաց թեմի առաջնորդ գերաշնորհ տեր Սեպուհ արքեպիսկոպոս Չուլջյանը, Լոռու նախկին մարզպետ Արթուր Նալբանդյանը:
Գործին ես լծվում եմ մաքուր խղճով ու մաքուր ձեռքերով 04.06.2018
Թանկագին հայրենակիցներ, հարգելի գործընկերներ: Արդեն տեղյակ եք, որ ՀՀ Կառավարության որոշմամբ, հունիսի 1-ին նշանակվել եմ Լոռու մարզպետ և նույն օրն իսկ անցել պարտականություններիս կատարմանը: Խորապես գիտակցում եմ, որ ինձ վստահվել է ծանր և պատասխանատու պարտականություն: Դա նաև պատվավոր առաքելություն է, քանզի, ձեզ հետ միասին ակտիվ մասնակիցն եմ լինելու հարազատ Լոռում ծառացած բազմաթիվ խնդիրների լուծման գործին՝ ի բարօրություն մեր ժողովրդի:
