Տեղեկատվական կենտրոն
Նորություններ
Ոչ ոք չի մոռացվել, ոչինչ չի մոռացվել 11.05.2020
Հայրենական մեծ պատերազմում տարած հաղթանակի 75-րդ հոբելյանական տարեդարձի և Շուշիի ազատագրման 28-ամյակի առթիվ մարզպետ Անդրեյ Ղուկասյանը, փոխմարզպետ Գայանե Մարկոսյանը, մարզպետարանի մի խումբ պաշտոնյաներ անձամբ այցելեցին Հայրենական մեծ պատերազմի մասնակից 21 վետերանների և Շուշիի ազատագրմանը մասնակցած 34 ազատամարտիկների բնակարաններ՝ իրենց հարգանքն ու խոնարհումը հայտնելով նրանց: Մարզպետ Անդրեյ Ղուկասյանն այսօր հյուընկալվեց 97-ամյա Հովհաննես Ուլիխանյանի օջախում: Երեք երեխաների հայրը, թոռների, ծոռների ու ծուռների պապիկը շրջապատված էր ջերմ հոգատարությամբ: Ասում է՝ հազվադեպ է խոսում պատերազմի մասին, չի սիրում հիշել այդ օրերը, միայն պատմում է, որ վիրավորվել է 4 անգամ և հրաշքով փրկվել: Փոխարենը հպարտանում է, որ 60 տարի հաշվապահ է աշխատել ու դեռ կաշխատեր, եթե առողջությունը ներեր.
Վանաձոր համայնքում Նոր Զովք խանութների ցանցը համայնքի սոցիալապես անապահով 43 ընտանիքի տրամադրել է սնունդ: Ստեփանավան համայնքում բարերարի կողմից հատկացվել է սննդօգնություն 20 անապահով ընտանիքի: Տաշիր համայնքի թիվ 1 ՆՈՒՀ-ի և Տաշիրի համայնքապետարանի կողմից սոցիալապես անապահով և միայնակ ապրող 5 ընտանիքի տրամադրվել է սնունդ: Լոռի Բերդում բարերարների կողմից համայնքի բնակավայրերի 5 անապահով ընտանիքի տրամադրվել է սննդօգնություն (Լոռի Բերդ՝ 2 , Լեջան՝ 1 ընտանիք, Ուռուտ՝ 1, Ագարակ՝ 1 ընտանիք):
Աշխատանքային խորհրդակցություն Լոռու մարզպետարանում 11.05.2020
Լոռու մարզպետ Անդրեյ Ղուկասյանն այսօր ընդլայնված խորհրդակցություն անցկացրեց փոխմարզպետ Գայանե Մարկոսյանի, մարզպետարանի կառուցվածքային ստորաբաժանումների ղեկավարների և մարզպետարանի պատասխանատու այլ պաշտոնյաների մասնակցությամբ: Ներկաները հանդես եկան նախորդ շաբաթվա ընթացքում կատարված աշխատանքների վերաբերյալ հաշվետվությամբ: Փոխմարզպետ Գայանե Մարկոսյանը տեղեկացրեց, որ նախորդ շաբաթվա ընթացքում մարզպետարանի աջակցող խմբերի և կամավորների օգնությամբ շարունակվել է սննդօգնության բաշխումը մարզի կարիքավոր ընտանիքներին, որոնց վերաբերյալ յուրաքանչյուր շաբաթ տեղեկանք է հրապարակվում:
Պարգևատրվեցին «Լոռին այսօր» խորագրով լուսանկարների մրցույթի հաղթողները 11.05.2020
Շուրջ մեկ ամիս առաջ Լոռու մարզպետարանն իր «Լոռի տուրիզմ» (https://www.facebook.com/lori.tourism) էջի միջոցով հայտարարել էր լուսանկարների մրցույթ՝ «Լոռին այսօր» խորագրով՝ նպատակ ունենալով հանրությանը ներկայացնելու մարզի յուրօրինակ ու գրավիչ առանձնահատկությունները, մինչ այժմ հայտնի ու անհայտ անկյունները, հնարավորություն ընձեռելով՝ որպեսզի մարզի բնակիչներն ի լուր բոլորի, լուսանկարների լեզվով խոսեն մարզի սիրելի ու նախընտրելի վայրերի, մարզի նկատմամբ մեծագույն ու անկեղծ սիրո մասին: Մրցույթին մասնակցելու հնարավորություն էր տրվել բոլոր ցանկացողներին: Քաղաքացիների ուղարկված լուսանկարներն այս օրերին տեղադրվեցին նշված հարթակում՝ պայմանով, որ դրանք լինեն հեղինակային: Առավել շատ թվով հավանումներ ստացած առաջին երեք մասնակիցներն էլ ճանաչվեցին հաղթողներ:
ՈՒՇԱԴՐՈՒԹՅՈՒՆ 08.05.2020
Սիրելի՛ լոռեցիներ Կրկին հիշեցնում ենք Եթե հանգամանքներից ելնելով, չե՞ք կարողացել մեկնել արտագնա աշխատանքի՝ արտերկրում շինարարական աշխատանքներով զբաղվելու նպատակով, Լոռու մարզպետարանը պատրաստ է աջակցել և իրականացնել մարզում առկա շինարարական ներուժի հավաքագրման աշխատանքներ՝ առաջիկայում մարզում իրականացվելիք շինաշխատանքների ժամանակ շինկազմակերպությունների հետ համագործակցելու և պահանջված աշխատուժը առաջարկելու նպատակով։Բացի աշխատանքային ժամերին գործող թեժ գծից՝ (0322) 2-31-02 , կարող եք գրանցվել նաև հետևյալ հղումով՝ https://docs.google.com/forms/d/e/1FAIpQLSfurne2-E11tP064ctd0chdrJJEbx9_Iy4v-0MyOO9J_bZvCQ/viewform?vc=0&c=0&w=1&fbclid=IwAR1v1ldcMl5xZfLSyyK1CAsZqZtcSWC-vagqN-w2pe292GlXwApOCDfxE4w
ՀՀ կառավարության որոշմամբ աղետի գոտու բնակավայրերում երկրաշարժի հետևանքով անօթևան մնացած ընտանիքների բնակարանային խնդիրների լուծման նպատակով «Երկրաշարժի հետևան¬քով անօթևան մնացած ընտա¬նիք¬ների բնակարանային ապա¬հովում» միջոցառման շրջանակներում պետբյուջեից կհատկացվի 3 մլրդ 454 հազ դրամ, որից 1մլրդ 868 մլն 936.8 հազ. դրամը կուղղվի Լոռու մարզին: