Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Շահառու ընտանիքներին կտրամադրվի 4 հազար ԱՄՆ դոլարին համարժեք դրամաշնորհ սեփական գործ հիմնելու համար 09.07.2021
Լոռու մարզպետարանի դահլիճում մարզպետարանի պաշտոնյաների, համայնքների ղեկավարների, «Հայաստանի սոցիալական աշխատողների ասոցիացիայի», Միասնական սոցիալական ծառայությունների տարածքային կենտրոնների, հասարակական կազմակերպությունների և այլ շահագրգիռ կառույցների ներկայացուցիչների մասնակցությամբ հրավիրված իրազեկման միջոցառման ընթացքում հայտարարվեց կարևոր դրամաշնորհային ծրագրի մեկնարկի մասին: «Հայաստանի սոցիալական աշխատողների ասոցիացիան» իրականացնում է «Հայաստանում սոցիալական ներառման և ինքնաբավ կենսապահովման միջոցառումների խթանում» դրամաշնորհային ծրագիրը։ Այն մշակվել է ՀՀ աշխատանքի և սոցիալական հարցերի նախարարության աջակցությամբ և իրականացվում է Համաշխարհային բանկի համակարգման ներքո՝ Ճապոնիայի կառավարության ֆինանսավորմամբ։
Սպիտակի տարածաշրջանի զինակոչիկները մեկնեցին սրբազան պարտքը կատարելու հայրենիքի հանդեպ 08.07.2021
Սպիտակ համայնքի և տարածաշրջանի բնակավայրերի զինակոչիկներին զինվորական պարտադիր ժամկետային ծառայության մեկնելու կապակցությամբ բարի ճանապարհ մաղթելու էին գնացել Լոռու մարզպետի խորհրդական Արմեն Հարությունյանը, Լոռու մարզպետարանի զորահավաքի բաժնի պետ Արմեն Հակոբյանը, Սպիտակ համայնքի ղեկավարի պաշտոնակատար Քաջայր Նիկողոսյանը, ՀՀ ՊՆ Լոռու մարզի տարածքային ստորաբաժանման Սպիտակի բաժանմունքի պետ Հրահատ Գևորգյանն ու պաշտոնատար այլ անձինք։ Լոռու մարզի զինվորական կոմիսարիատի Սպիտակի բաժանմունքի բակում հավաքվել էին նաև զինակոչիկների հարազատներն ու բազում սպիտակցիներ։ Սպիտակի Սուրբ Հարություն եկեղեցու հոգևոր հովիվ տեր Վաղարշ քահանա Հակոբյանն իր օրհնության խոսքը հղեց զինակոչիկներին՝ ներկաների հետ միասնական աղոթք հնչեցնելով երկրի խաղաղության և զինվորների անփորձանք ծառայության համար։
Նոր գույք՝ Ձորամուտ, Սարչապետ և Պետրովկա բնակավայրերի հանդիսությունների սրահների համար 07.07.2021
Այս տարի իրականացվող սուբվենցիոն ծրագրի շրջանակներում Սարչապետ համայնքի Ձորամուտ, Սարչապետ և Պետրովկա բնակավայրերի հանդիսությունների սրահների համար ձեռք կբերվի գույք: Նախատեսվում է 2020 թվականին դարձյալ սուբվենցիոն ծրագրի միջոցով կառուցված Պետրովկա բնակավայրի հանդիսությունների սրահը, ինչպես նաև Սարչապետ և Ձորամուտ բնակավայրերի սրահները(վերջիններս այս տարի նույնպես կնորոգվեն սուբվենցիոն միջոցներով) կահավորել նոր գույքով՝ ձեռք բերելով 800 աթոռ, 80 սեղան, 3-ական սառնարան և գազօջախ: Արդյունքում վերոնշյալ բնակավայրերի շուրջ 3000 բնակիչներ կկարողանան լիարժեք օգտվել հանդիսությունների սրահների ծառայություններից:
Վնասվել են մի շարք համայնքների ցանքատարածություններ, պտղատու այգիներ 02.07.2021
Լոռու մարզի մի շարք համայնքներում տեղացած կարկուտի և քամու հետևանքով վնասվել են մի շարք համայնքների ցանքատարածություններ, պտղատու այգիներ: Լոռու մարզի գյուղատնտեսության և բնապահպանության վարչություն ահազանգեր են եղել Սպիտակ, Շենավան, Բազում, Քարաձոր, Նոր Խաչակապ, Շիրակամուտ, Ազնվաձոր համայնքներից: Գյուղացիների խոսքով՝ 20 րոպե անընդմեջ տեղացած կարկուտը մինչև 80 տոկոսի վնաս է հասցրել կարտոֆիլի, լոբու ու այլ ցանքատարածությունների, պտղատու ծառերի ու հատապտուղների: Էական վնաս կրած համայնքներից մեկը Բազումն է. այստեղ վնասվել են տնամերձեր, ավտոմեքենաներ ու տանիքներ: Սպիտակում տուժել են հիմնականում ջերմոցային տնտեսություները:
Տեխնիկայի ձեռքբերում՝ Արջուտ համայնքում 02.07.2021
Պետություն-համայնք համատեղ ներդրմամբ այս տարի Լոռու մարզում, ինչպես հայտնի է, կիրականացվի 115 ծրագիր՝ ընդհանուր առմամբ 5 մլրդ 145 մլն դրամ նախահաշվային արժեքով: Ներկա դրությամբ հաստատվել է 98 ծրագիր, 17 ծրագիր սպասում է հաստատման: Հաստատված ծրագրերից 12-ի հետ կապված արդեն իսկ պայմանագրեր են կնքվել կապալառու կազակերպությունների հետ, 17 ծրագրի մրցույթ ավարտվել է. դրանք պայմանագրերի կնքման փուլում են, 13 ծրագրի համար մրցույթ է հայտարարվել, 55 ծրագիր մրցույթների հայտատարման նախապատրաստական փուլում է:
2020թ. պատերազմի հետանքով Արցախից տեղահանված անձանց բնակեցումը Հայաստանում և դրանով պայմանավորված երկարաժամկետ զբաղվածության և կենսապայմանների ապահովման հիմնախնդիրները հաշվի առնելով՝ REACH նախաձեռնությունը, Տեխնիկական համագործակցության և զարգացման գործակալության (ACTED)անունից իրականացնում է գնահատում տնտեսական կայունության հիմնախնդիրների վերաբերյալ: Վերջինս նպատակ ունի աջակցել միջազգային մարդասիրական կազմակերպությունների կողմից վաղ վերականգնման նախագծերի իրականացմանը, խոցելի բնակչությանն անհապաղ աջակցության տրամադրմանը և ճգնաժամի հաղթահարման ռազմավարությունների մշակմանը:
