Տեղեկատվական կենտրոն
Նորություններ
![«Բոլորը ստեղծված իրավիճակում պետք է շատ զգոն լինեն և հետևեն Պարետի ցուցումներին». մարզի ղեկավարն անակնկալ այցով եղավ Վանաձորի թիվ 3 համաբուժարանում «Բոլորը ստեղծված իրավիճակում պետք է շատ զգոն լինեն և հետևեն Պարետի ցուցումներին». մարզի ղեկավարն անակնկալ այցով եղավ Վանաձորի թիվ 3 համաբուժարանում](http://lori.mtad.am/files/n_pics/25421_s.jpg)
Այսօր Լոռու մարզպետ Անդրեյ Ղուկասյանն անակնկալ այցով եղավ Վանաձորի թիվ 3 համաբուժարանում՝ Պարետի ցուցումով սահմանված կանոնների պահպանումը տեղում վերահսկելու նպատակով:Նրան ուղեկցում էր Լոռու մարզպետարանի առողջապահության և սոցիալական ապահովության վարչության պետի պարտականությունները կատարող Լուսինե Վարդանյանը: Հենց մուտքի մոտ մարզի ղեկավարը նկատողության արժանացրեց մեկ երիտասարդ տիկնոջ առանց դիմակի և ձեռնոցների շենքից դուրս գալու համար և հարցի միջոցով տեղեկացավ, որ նա բուժհաստատության աշխատակցուհի է: Ձեռնոցներ չէր կրում նաև քարտադարանի աշխատակցուհին: Այցելուներին հենց մուտքի մոտ ջերմաչափում արվեց և գրանցվեցին տվյալները, ապա առաջարկեցին մուտքի մոտ տեղադրված ալկոգելով ախտահանել ձեռքերը:
![«ԵՄ կանաչ գյուղատնտեսության նախաձեռնություն Հայաստանում» (EU-GALA) ծրագրի շրջանակներում հերթական աջակցությունը ցուցաբերվեց Լոռու մարզին «ԵՄ կանաչ գյուղատնտեսության նախաձեռնություն Հայաստանում» (EU-GALA) ծրագրի շրջանակներում հերթական աջակցությունը ցուցաբերվեց Լոռու մարզին](http://lori.mtad.am/files/n_pics/25388_s.jpg)
«ԵՄ կանաչ գյուղատնտեսության նախաձեռնություն Հայաստանում» ծրագրի շրջանակներում մարզին հատկացվել է 9 տոննա հատիկաընդեղեն բակլազգի մշակաբույսերի (ոլոռ, սիսեռ, ոսպ, սոյա) էլիտային և առաջին վերարտադրության սերմացուներ։ Սերմացուները տրամադրվել են մարզի թվով 15 համայնքների գյուղատնտեսությամբ զբաղվող տնտեսավարողներին՝ մարզում հատիկաընդեղեն մշակաբույսերի ցանքս իրականացնելու նպատակով: Մարզում սոյան առաջին անգամ կմշակվի փորձնական։
![ՏԵՂԵԿԱՏՎՈՒԹՅՈՒՆ 25.05 – 27.05.2020թ. ֆիզիկական և իրավաբանական անձանց կողմից խոցելի խմբերին տրամադրած նվիրատվությունների վերաբերյալ ՏԵՂԵԿԱՏՎՈՒԹՅՈՒՆ 25.05 – 27.05.2020թ. ֆիզիկական և իրավաբանական անձանց կողմից խոցելի խմբերին տրամադրած նվիրատվությունների վերաբերյալ](http://lori.mtad.am/files/n_pics/25390_s.jpg)
«Ռուսաստանի հայերի միության» կողմից տրամադրված սննդօգնությունը Լոռու մարզպետարանի աջակցող խմբերի և կամավորների կողմից բաշխվել է մարզի սոցիալապես անապահով 243 ընտանիքի (ընդամենը մինչ այժմ՝1373): Աջակցությունը նախատեսված է ընդհանուր առմամբ 1500 ընտանիքի համար: «Աստղիկ» բարեգործական հիմնադրամի կողմից տրամադրված սննդօգնությունը նշված ժամանակահատվածում մարզպետարանի աջակցող խմբերի և կամավորների կողմից բաշխվել է Վանաձոր համայնքի և Գուգարքի տարածաշրջանի ևս 190 ընտանիքի(մինչ այժմ 490): Ընդհանուր առմամբ այս ծրագրով աջակցություն կցուցաբերվի 500 ընտանիքի: Լոռու մարզպետարանի կողմից ձեռքբերված սնունդը բաշխվել է ինքնամեկուսացված ևս 3 ընտանիքի՝ մինչ այժմ՝ 38(ընդհանուր առմամբ կտրամադրվի 100 ընտանիքի):
![Պարգևատրվեցին «Իմ գունեղ Լոռի» խորագրով գունանկարի առցանց մրցույթի մրցանակակիրները Պարգևատրվեցին «Իմ գունեղ Լոռի» խորագրով գունանկարի առցանց մրցույթի մրցանակակիրները](http://lori.mtad.am/files/n_pics/25392_s.jpg)
Պարգևատրվեցին «Իմ գունեղ Լոռի» խորագրով գունանկարի առցանց մրցույթի մրցանակակիրները 01.06.2020
Այսօր Վանաձորի Ստեփան Զորյանի տուն-թանգարանի հյուրընկալ հարկի ներքո պարգևատրվեցին Լոռու մարզպետարանի և «Ազգային արժեք» մշակույթի համահայկական հիմնադրամի կողմից հայտարարված, Հայրենական մեծ պատերազմում տարած Հաղթանակի 75-րդ տարեդարձին և Շուշիի ազատագրման 28- ամյակին նվիրված «Իմ գունեղ Լոռի» խորագրով գունանկարի առցանց մրցույթի մրցանակակիրները: Փոքրիկ նկարիչներին շնորհավորելու էին գնացել Լոռու մարզպետ Անդրեյ Ղուկասյանը, փոխմարզպետ Գայանե Մարկոսյանը, մարզպետարանի կրթության, մշակույթի և սպորտի վարչության պետ Ռաֆայել Հարությունյանը, մշակույթի և սպորտի բաժնի պետ Արամ Ռևազյանը: Մրցանակակիրներին իր շնորհավորանքներն ու բարեմաղթանքի ջերմ խոսքերը հղեց մարզի ղեկավարը: Մարզպետն, ի դեմս զորյանական այգում հավաքված երեխաների, Երեխաների իրավունքների պաշտպանության օրվա առթիվ շնորհավորեց բոլոր մանուկներին՝ մաղթելով անհոգ մանկություն ու խաղաղ երկինք.
![ՈՒՇԱԴՐՈՒԹՅՈՒՆ ՈՒՇԱԴՐՈՒԹՅՈՒՆ](http://lori.mtad.am/files/n_pics/25393_s.jpg)
ՈՒՇԱԴՐՈՒԹՅՈՒՆ 01.06.2020
Հարգելի՛ քաղաքացիներ Հայաստանի Հանրապետության պարետի 30.05.2020թ. № Ց/89-2020 ցուցման համաձայն՝ կորոնավիրուսային վարակի հետագա տարածումը կանխարգելելու նպատակով սույն թվականի մայիսի 30-ի ժամը 23։59-ից մինչև հունիսի 2-ը ժամը 23:59-ը տրանսպորտային միջոցների և անձանց մուտքը Սուրբ Հովհաննես մատուռ արգելված է: Խնդրում ենք կարգապահություն ցուցաբերել:
![Տեսախորհրդակցություն՝ փորձի փոխանակման նպատակով Տեսախորհրդակցություն՝ փորձի փոխանակման նպատակով](http://lori.mtad.am/files/n_pics/25411_s.jpg)
Տեսախորհրդակցություն՝ փորձի փոխանակման նպատակով 01.06.2020
Լոռու մարզի աշխատանքային խումբը քույր մարզ` Չինաստանի Շանսի նահանգի հրավերով մասնակցեց պանդեմիայով պայմանավորված հակահամաճարակային փորձի փոխանակման տեսախորհրդակցության՝ > թեմայի շուրջ: Տեսախորհրդակցությանը մասնակցում էին նաև Ճապոնիայի, Չեխիայի, Թայլանդի, Քենիայի, Ուկրայինայի պատվիրակությունները: Լոռու մարզը ներկայացնում էին մարզպետի տեղակալ Գայանե Մարկոսյանը, մարզպետարանի առողջապահության և սոցիալական ապահովության վարչության պետի պարտականությունները կատարող Լուսինե Վարդանյանը, մարզպետարանի,Վանաձորի բժշկական կենտրոնի, թիվ 1 համաբուժարանի, ՀՎԿԱԿ Վանաձորի մասնաճյուղի պատասխանատու պաշտոնյաներ: