Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Փոխմարզպետ Գայանե Մարկոսյանի հյուրը ԱՄՆ դեսպան Լին Թրեյսին էր 09.09.2020
Սեպտեմբերի 9-ին Լոռու մարզպետի տեղակալ Գայանե Մարկոսյանն ընդունեց ՀՀ-ում ԱՄՆ արտակարգ և լիազոր դեսպան Լին Թրեյսին: Նրան ուղեկցում էր ՀՀ-ում ԱՄՆ դեսպանատան հասարակայնության հետ կապերի գրասենյակի ղեկավար Լիա Միլլերը: Գայանե Մարկոսյանը ողջունեց տիկին դեսպանին, շնորհակալություն հայտնեց Լոռու մարզում ԱՄՆ կառավարության ֆինանսավորմամբ իրականացվող ծրագրերի համար և հույս հայտնեց, որ այցելությունները և համագործակցությունը շարունակական կլինեն: Դեսպանը, նույնպես շնորհակալություն հայտնելով ջերմ ընդունելության համար, նշեց, որ այցի նպատակը մարզում ԱՄՆ կառավարության ֆինանսական աջակցությամբ իրականացվող մի շարք ծրագրերի ընթացքին ծանոթանալն է, ինչպես նաև այցելությունը Սանահին վանական համալիր: Բանն այն է, որ նախորդ տարի ԱՄՆ դեսպանատան կողմից հայտարարված մրցույթում Սանահինն ընդգրկվել է ԱՄՆ դեսպանների մշակութային արժեքների պահպանության հիմնադրամի միջոցներով իրականացվող մշակութային պահպանության ծրագրերում, որի շրջանակներում նախատեսվում է համալիրի որոշ հատվածներում իրականացնել վերականգնողական, ինչպես նաև տարա
Մարզում բերքահավաքն ընթանում է մեծ թափով: Ցորենի բերքահավաքն ավարտվել է, արդյունքները բավականին գոհացուցիչ են: Այս պահին ինտենսիվ կերպով շարունակվում է կարտոֆիլի բերքահավաքը. նախորդ տարիների համեմատությամբ բերքն աննախադեպ առատ է: Ընթացող աշխատանքներին Լոռի Բերդ խոշորացված համայնքի Յաղդան և Օձուն խոշորացված համայնքի Արևածագ բնակավայրերում հետևել է Լոռու մարզպետի տեղակալ Գայանե Մարկոսյանը: Միայն Յաղդան բնակավայրում խոշոր գյուղատնտես Վռամ Գյուլզադյանը մշակում է ավելի քան 140 հա հողատարածք, արդյունքներից գոհ է: Օգտվում է գյուղատնտեսական ապահովագրությունից, ունի անհրաժեշտ գյուղտեխնիկա, բերքի մթերման խնդիր ևս չկա: Փոխմարզպետը զրուցում է աշխատանքներին մասնակցող գյուղացիների հետ: Օրավարձը կազմում է 4000-5000 դրամ, զբաղվածությունը սեզոնում 2-3 ամիս է:
Լոռու ստեղծարար երիտասարդական փառատոնը կայացավ 08.09.2020
Մեծավանում սեպտեմբերի 5-6-ը անցկացվեց Լոռու ստեղծարար երիտասարդական փառատոնը։ Այն կազմակերպվել էր մի խումբ ակտիվ երիտասարդների նախաձեռնությամբ և արժանացել մարզի ղեկավարի հավանությանը: Լոռու մարզպետարանը տեխնիկական աջակցություն էր ցուցաբերել փառատոնի կազմակերպմանը: Փառատոնի առաջին օրը բացման խոսքով հանդես է եկել Լոռու մարզպետ Անդրեյ Ղուկասյանը: Նա փառատոնի երկու օրերն էլ անց է կացրել լոռեցի երիտասարդների հետ։
37 համակարգիչ՝ առողջական խնդիրներ ունեցող դպրոցականներին տրամադրելու համար 07.09.2020
ՀՀ ԿԳՄՍ նախարարության հետ համագործակցությամբ IDBank-ի և Idram ընկերության «Մի դրամի ուժը» նախաձեռնության շրջանակներում Լոռու մարզպետարանին է հատկացրել 37 համակարգիչ առողջական խնդիրներ ունեցող կամ ռիսկային խմբում գտնվող դպրոցականներին տրամադրելու նպատակով, որոնց ուսուցումը, ինչպես հայտնի է, դասապրոցեսի մեկնարկին դարձյալ կկազմակերպվի հեռավար կերպով:
Բովաձորում կբարելավվի ջրամատակարարումը 07.09.2020
Այս տարի սուբվենիցոն միջոցներով մասնակի կնորոգվի Լոռի Բերդ համայնքի Բովաձոր բնակավայրի ջրամատակարարման ներքին ցանցը, կտեղադրվեն ջրաչափեր: Արդյունքում բնակավայրի ջրամատակարարման ներքին ցանցի մոտ 1600 մետր խողովակ կփոխարինվի նորով, կբարելավվի ջրամատակարարումը:
Լոռու մարզպետ Անդրեյ Ղուկասյանն այսօր ներկա գտնվեց Լոռու մարզային փրկարարական վարչությունում Արտակարգ իրավիճակների աշխատողի օրվա կապակցությամբ կազմակերպված հանդիսավոր միջոցառմանը: Նա շնորհավորեց և ջերմ բարեմաղթանքներ հղեց վարչության աշխատակիցներին՝ մաղթելով ամենայն բարիք և անվտանգ ծառայություն. - Այսօր այս համակարգը ամենակայացածներից է մեր երկրում: Հատկապես վերջին երկու տարում լուրջ առաջընթաց է գրանցվել տեխնիկական վերազինվածության, մասնագիտական պատրաստվածության առումով, ու այս գործընթացը շարունակական է լինելու:
