Տեղեկատվական կենտրոն
Նորություններ
![Տեսակապի միջոցով հանդիպում-քննարկում՝ Լոռու մարզի և Իրանի Իսլամական Հանրապետության Մազանդարան նահանգի միջև Տեսակապի միջոցով հանդիպում-քննարկում՝ Լոռու մարզի և Իրանի Իսլամական Հանրապետության Մազանդարան նահանգի միջև](http://lori.mtad.am/files/n_pics/25496_s.jpg)
Լոռու մարզի և վերջինիս քույր մարզ հանդիսացող Իրանի Իսլամական Հանրապետության Մազանդարան նահանգի միջև տեղի է ունեցել տեսակապի միջոցով հանդիպում-քննարկում, որին հայկական կողմից մասնակցել են Լոռու մարզպետ Անդրեյ Ղուկասյանը, մարզպետի տեղակալ Գայանե Մարկոսյանը, Իրանում ՀՀ արտակարգ և լիազոր դեսպան Արտաշես Թումանյանը մարզպետարանի այլ պաշտոնյաներ, իսկ իրանական կողմից՝ Մազանդարանի նահանգապետ Ահմադ Հոսեյն Զադեգան և մի շարք գործարարներ: Մարզի ղեկավարը և Մազանդարանի նահանգապետը կարևորել են համավարակով պայմանավորված իրավիճակում նոր մեխանիզմների մշակումը, ինչը հնարավորություն կտա ակտիվացնելու համագործակցությունը և առավել արդյունավետ քայլեր ձեռնարկելու:
![Պարենային օգնության 70 փաթեթ՝ ՀՀ-ում Արաբական Միացյալ էմիրությունների դեսպանատան կողմից Պարենային օգնության 70 փաթեթ՝ ՀՀ-ում Արաբական Միացյալ էմիրությունների դեսպանատան կողմից](http://lori.mtad.am/files/n_pics/25470_s.jpg)
Պարենային օգնության 70 փաթեթ՝ ՀՀ-ում Արաբական Միացյալ էմիրությունների դեսպանատան կողմից 08.06.2020
Հայաստանի Հանրապետությունում Արաբական Միացյալ էմիրությունների դեսպանատան կողմից Լոռու մարզպետարանին է տրամադրվել պարենային օգնության 20 կիլոգրամանոց 70 փաթեթ, որոնք բաշխվել են վերջին ամիսներին Լոռու մարզպետարան դիմած սոցիալապես խիստ անապահով ընտանիքներին։ Լոռու մարզպետարանի աշխատակազմը՝ մարզպետ Անդրեյ Ղուկասյանի գլխավորությամբ, իր երախտագիտությունն է հայտնում դեսպանատանը, Արաբական Միացյալ էմիրությունների կառավարությանը համավարակով պայմանավորված ստեղծված իրավիճակում մարզին ցուցաբերված աջակցության համար։
Պետրովկա բնակավայրում կվերանորոգվի հանդիսությունների սրահը 08.06.2020
Սուբվենցիոն միջոցներով՝ պետություն-համայնք համատեղ ներդրմամբ այս տարի իրականացվող Սարչապետ համայնքի «Պետրովկա բնակավայրում հանդիսությունների սրահի վերանորոգում» ծրագրի ընդհանուր բյուջեն` նախահաշվային արժեքով, կազմում է 23.243.200 դրամ, որից մոտ 13.945.920 դրամը` համայնքային ներդրումն է: Ծրագրի իրականացման արդյունքում նախատեսվում է շուրջ 110 քառ. մետր շենքի և 25 քառ. մետր օժանդակ շինության վերանորոգում: Ծրագրի շահառու են բնակավայրի 64 տնային տնտեսությունները` շուրջ 282 մարդ:
Սուբվենցիոն միջոցներով կվերանորոգվի Նորաշեն բնակավայրի մշակույթի տան դահլիճը 08.06.2020
Մարզում այս տարի սուբվենիցոն միջոցներով կիրականացվի նաև «Նորաշեն բնակավայրի մշակույթի տան դահլիճի վերանորոգում» ծրագիրը: Ծրագրի ընդհանուր բյուջեն` նախահաշվային արժեքով, կազմում է 25.412.732 դրամ, որից մոտ 15.247.639 դրամը` համայնքային ներդրումն է: Ծրագրի իրականացման արդյունքում նախատեսվում է մշակույթի տան շուրջ 215 քառ. մետր մակերեսով դահլիճի վերանորոգում: Վերջինս կնպաստի պարի և մշակութային այլ խմբակների ստեղծմանը, ինչպես նաև հնարավորություն կտա հավուր պատշաճի անցկացնել միջոցառումները: Ծրագրի շահառու են բնակավայրի բոլոր բնակիչները` շուրջ 1550 մարդ:
![ՄԱՐԶԻ ՂԵԿԱՎԱՐԸ ՍՊԻՏԱԿԻ ՏԱՐԱԾԱՇՐՋԱՆՈՒՄ ԾԱՆՈԹԱՑԱՎ ԻՐԱԿԱՆԱՑՎՈՂ ՇԻՆԱՇԽԱՏԱՆՔՆԵՐԻՆ ՄԱՐԶԻ ՂԵԿԱՎԱՐԸ ՍՊԻՏԱԿԻ ՏԱՐԱԾԱՇՐՋԱՆՈՒՄ ԾԱՆՈԹԱՑԱՎ ԻՐԱԿԱՆԱՑՎՈՂ ՇԻՆԱՇԽԱՏԱՆՔՆԵՐԻՆ](http://lori.mtad.am/files/n_pics/25475_s.jpg)
ՄԱՐԶԻ ՂԵԿԱՎԱՐԸ ՍՊԻՏԱԿԻ ՏԱՐԱԾԱՇՐՋԱՆՈՒՄ ԾԱՆՈԹԱՑԱՎ ԻՐԱԿԱՆԱՑՎՈՂ ՇԻՆԱՇԽԱՏԱՆՔՆԵՐԻՆ 08.06.2020
Լոռու մարզպետ Անդրեյ Ղուկասյանը եղավ Սպիտակի տարածաշրջանի Ջրաշեն, Մեծ Պարնի, Ծաղկաբեր համայնքներում՝ ծանոթանալով պետական միջոցներով և պետություն –համայնք համատեղ ներդրմամբ 2019թ. իրականացված շինարարական աշխատանքներին: Առաջին կանգառը Ծաղկաբեր համայնքում էր: Այստեղ ավարտական փուլում է Մ7 - Մեծ Պարնի - Ծաղկաբեր 6.24 կմ երկարությամբ ճանապարհահատվածի հիմնանորոգումը: Ծրագրի պայմանագրային արժեքը 656 մլն դրամ է: Կապալառու կազմակերպությունն է «Ճանապարհ» ՍՊԸ-ն: Ծրագիրն իրականացվում է Համաշխարհային բանկի ֆինանսավորմամբ և պետբյուջեի համաֆինանսավորմամբ: Մարզի ղեկավարն ընդհանուր առմամբ իր գոհունակությունը հայտնեց կատարված աշխատանքներից՝ նշելով, սակայն, որ վերջնական եզրակացությունը կտրվի լաբորատոր հետազոտության արդյունքում: Նա որոշակի դիտարկումներ արեց մայթեզրերի հետ կապված՝ հորդորելով շտկել թերությունները:
![Անդրեյ Ղուկասյանը հանձնարարեց առավելագույն հետևողականություն ցուցաբերել բոլոր ոլորտներում. աշխատանքային խորհրդակցություն Լոռու մարզպետարանում Անդրեյ Ղուկասյանը հանձնարարեց առավելագույն հետևողականություն ցուցաբերել բոլոր ոլորտներում. աշխատանքային խորհրդակցություն Լոռու մարզպետարանում](http://lori.mtad.am/files/n_pics/25481_s.jpg)
Այսօր Լոռու մարզպետ Անդրեյ Ղուկասյանն անցկացրեց հերթական աշխատանքային խորհրդակցությունը փոխմարզպետ Գայանե Մարկոսյանի, մարզպետարանի կառուցվածքային ստորաբաժանումների ղեկավարերի, մարզպետարանի այլ պատասխանատու պաշտոնյաների մասնակցությամբ: Մինչ օրակարգային հարցերին անցնելը, մարզի ղեկավարը ներկայացրեց մարզպետարանի գյուղատնտեսության և բնապահպանության վարչության նորանշանակ պետ Արուս Թումանյանին՝ մաղթելով նրան աշխատանքային հաջողություններ: Խորհրդակցության ընթացքում փոխմարզպետ Գայանե Մարկոսյանը և կառուցվածքային ստորաբաժանումների ղեկավարները տեղեկատվություն ներկայացրեցին մարզպետ Անդրեյ Ղուկասյանի կողմից տրված հանձնարարականների, ինչպես նաև նախորդ շաբաթվա ընթացքում կատարված աշխատանքների վերաբերյալ: