Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արամ Խաչատրյանի շնորհավորական ուղերձը Հանրապետության տոնի առթիվ 27.05.2021
Սիրելի՛ լոռեցիներ Շնորհավորում եմ Հանրապետության տոնի` Հայաստանի առաջին հանրապետության հռչակման 103-րդ տարեդարձի առթիվ: 1918թ. մայիսի 28-ին` շուրջ վեցհարյուրամյա ընդմիջումից հետո, Հայոց անկախ պետականության վերականգնումն արդյունք էր այն փառավոր հերոսամարտերի, որ հայ ժողովուրդը մղեց Սարդարապատի, Բաշ-Ապարանի և Ղարաքիլիսայի ճակատամարտերում, որոնք դարձան հայոց անկոտրում ոգու խորհրդանիշ: Այդպիսով, հիմք դրվեց դարերով երազած ազգային պետականության: Այն թանկ ու գնահատելի է բոլոր սերունդների համար: Այն առավել քան նվիրական է մեր սերնդի՝ ժամանակակիցներիս համար:
Աշխատանքային այցով Լոռու մարզում է ՀՀ առողջապահության նախարարի պաշտոնակատար Անահիտ Ավանեսյանը 27.05.2021
Աշխատանքային այցով Լոռու մարզում էր ՀՀ առողջապահության նախարարի պաշտոնակատար Անահիտ Ավանեսյանը։ Լոռու մարզպետ Արամ Խաչատրյանի և Անահիտ Ավանեսյանի գլխավորությամբ Լոռու մարզպետարանում անցկացվեց աշխատանքային խորհրդակցություն, որին մասնակցում էին առողջապահության նախարարության, մարզպետարանի պատասխանատու պաշտոնյաներ, մարզի համայնքների բժշկական կենտրոնների և ամբուլատոր-պոլիկլինիկական ծառայությունների ղեկավարներն ու ներկայացուցիչները։ Հանդիպման ժամանակ քննարկվեցին կորոնավիրուսային (COVID-19) հիվանդության դեմ պատվաստումներին առնչվող հարցեր։ Կարևորելով պատվաստումների իրականացման գործընթացը՝ նախարարի պաշտոնակատարը նշեց, որ այն առաջնային դերակատարություն ունի հանրության առողջության պահպանման գործում.
Լոռու և Գեղարքունիքի մարզերի դպրոցները նույնպես կընդգրկվեն «Ազգային դպրոցական սննդի» ծրագրում 25.05.2021
ՀՀ ԿԳՄՍ նախարարության, ՄԱԿ-ի Պարենի համաշխարհային ծրագրի նախաձեռնությամբ և Լոռու մարզպետարանի աջակցությամբ Վանաձորի քաղաքապետարանի դահլիճում կազմակերպվել էր «Զարգացման ոլորտի դերակատարների համակարգող հանդիպում Լոռու և Գեղարքունիքի մարզերի դպրոցների վերանորոգմանն ուղղված ընդհանուր ջանքեր» խորագրով, որին ներկա էին Լոռու մարզպետ Արամ Խաչատրյանը, ԿԳՄՍ փոխնախարար Ժաննա Անդրեասյանը, ՄԱԿ-ի Պարենի համաշխարհային ծրագրի ներկայացուցիչ Նաննա Սկաուն, Լոռու և Գեղարքունիքի մարզպետարանների, ՄԱԿ-ի Պարենի համաշխարհային ծրագրի, ՌԴ ճյուղային սննդի ինստիտուտի, «Կրթության զարգացման և նորարարությունների ազգային կենտրոն» հիմնադրամի, «Դպրոցական սնունդ և երեխաների բարեկեցություն» հիմնարկի, Հայաստանի մանուկներ հիմնադրամի, ՄԱԿ-ի զարգացման ծրագրի ներկայացուցիչներ, գործարարներ, հասարակական և միջազգային կառույցների անդամներ, բարերարներ:
ՀԱՐԳԵԼԻ ԱՐՏԱԴՐՈՂ ԵՎ ՆԵՐՄՈՒԾՈՂ ԳՈՐԾԸՆԿԵՐՆԵՐ! 24.05.2021
Սիրով հրավիրում ենք Ձեզ մայիսի 25-ից 27-ը մասնակցելու REST-HOTEL HoReCa Expo-Forum 2021 ցուցահանդեսին, որտեղ 3 օրերի ընթացքում հնարավորություն կունենաք ներկայացնել Ձեր ապրանքատեսականին կամ ծառայությունները հյուրանոցառեստորանային ոլորտի 750 խոշորագույն կազմակերպությունների ղեկավար անձնակազմին անմիջապես: Տարին մեկ անգամ այն միավորում է ոլորտի մասնագետներին և ղեկավարներին մեկ վայրում, հնարավորություն տալով հյուրընկալության ոլորտի կազմակերպություններին արդյունավետ կերպով ձեռք բերել նոր գործընկերներ, իսկ սպասարկող կազմակերպություններին՝ ներկայացնել իրենց արտադրանքը և ծառայությունները ոլորտի մեծաթիվ ներկայացուցիչներին:
24-ժամյա գրաֆիկով խմելու ջուրը շուտով կհասնի Վանաձորի Բազում, Դիմաց թաղամասերի և հարակից տարածքների ու Լեռնապատ համայնքի 5000- ից ավել բնակչի: Մարզում ընդհանուր աշխատանքների իրականացման համար կներդրվի 6 մլն 963 հազար եվրո՝ Կառավարության, KFW բանկի և Եվրոպական միության կողմից: Համայնքային ենթակառուցվածքների ծրագիրը համակարգում է ՏԿԶ նախարարության Հայաստանի տարածքային զարգացման հիմնադրամը: Լոռու մարզպետարանի քաղաքաշինության վարչության տրանսպորտի և ճանապարհաշինության բաժնի պետ Վահրամ Ղարսայանի վստահեցմամբ նման ծավալի աշխատանքներ վերջին տարիներին չէին իրականացվել:
Լոռու մարզպետարանի հետ համագործակցությամբ Հայաստանի ֆուտբոլի ֆեդերացիան շարունակում է ֆուտբոլի զարգացման ուղղությամբ իրականացվող ծրագրերը Լոռու մարզում: 2020 թվականից ՈՒԵՖԱ-ն սկսել է «Ֆուտբոլը դպրոցներում» կրթական ծրագրի աջակցման քառամյա փուլ՝ նպատակ ունենալով դպրոցներում ֆուտբոլ առարկան դարձնել մասսայական և հասանելի բոլորին: Այս կապակցությամբ Հայաստանի ֆուտբոլի ֆեդերացիան սկսել է իրականացնել կրթական ծրագրեր:
