Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արամ Խաչատրյանն այսօր հյուրընկալեց «Կյանքի հիմնարար հմտություններ դեռահասների համար ծրագրի» Վանաձորի խմբի մասնակիցներին, ովքեր օրեր առաջ ցանկություն էին հայտնել մարզի ղեկավարին ներկայացնելու ծրագրի շրջանակներում կատարված աշխատանքները և ուղղելու իրենց հետաքրքրող հարցերը: Մարզի ղեկավարին շնորհակալություն հայտնելով հյուրընկալության համար՝ ծրագրի ղեկավար Գայանե Առաքելյանը և ներկայացուցիչ Լիլիթ Սինդոյանը ամփոփ կերպով ներկայացրեցին ծրագրի նպատակը և մինչ օրս իրականացված աշխատանքները:
Արտագնա խորհրդակցություններ՝ մարզի համայնքներում 19.04.2021
Նախորդ շաբաթ ևս շարունակվել են Լոռու մարզպետի տեղակալներ՝ Գոռ Ասրյանի և Քաջայր Նիկողոսյանի աշխատանքային այցերը և արտագնա խորհրդակցությունները մարզի համայնքներում: Գ. Ասրյանը եղել է Գյուլագարակ խոշորացված համայնքում, Կուրթան բնակավայրում, Ք. Նիկողոսյանը՝ Սպիտակի տարածաշրջանի Ջրաշեն, Լեռնավան, Սարամեջ համայնքներում:
Այսօր Լոռու մարզպետ Արամ Խաչատրյանն ընդունեց ՄԱԿ-ի բնակչության հիմնադամի հայաստանյան գրասենյակի ղեկավար Ծովինար Հարությունյանին, հիմնադրամի «ԵՄ-ն հանուն կանանաց և տղամարդկանց իրավահավասարության» ծրագրի ղեկավար Նարինե Բեգլարյանին, Գյումրու «Երիտասարդական նախաձեռնությունների կենտրոն» ՀԿ նախագահ Արթուր Նաջարյանին, վերջինիս «ԵՄ-ն հանուն կանանաց և տղամարդկանց իրավահավասարության» ծրագրի համակարգող Աստղիկ Հովհաննիսյանին, այլ ներկայացուցիչների:
Շնորհակալագիր՝ միջազգային մրցույթներում Լոռու մարզը պատվով ներկայացնելու համար 13.04.2021
Լոռու մարզպետ Արամ Խաչատրյանն այսօր շնորհակալագրով պարգևատրեց ոճաբան Արմեն Խուդադյանին՝ շուրջ 20 տարի Վանաձոր քաղաքում իրականացրած բեղմնավոր աշխատանքի, միջազգային մրցույթներում Լոռու մարզը պատվով ներկայացնելու, 2020թ.լավագույն ոճաբան ճանաչվելու և աշխարհահռչակ ոճաբան Գեորգի Կոտի հայտարարած մրցույթում՝ որպես սանրվածքների նկարիչ-մոդելավորող, «Ոսկե դիպլոմի» արժանանալու համար: Մարզի ղեկավարը Ա. Խուդադյանին մաղթեց աշխատանքային նորանոր ձեռքբերումներ: Վերջինս իր հերթին երախտագիտություն հայտնեց գնահատանքի համար:
Աշխատանքային խորհրդակցություն՝ Լոռու մարզպետարանում 13.04.2021
Այսօր Լոռու մարզպետ Արամ Խաչատրյանն անցկացրեց հերթական աշխատանքային խորհրդակցությունը մարզպետարանի պատասխանատու պաշտոնյաների, կառուցվածքային ստորաբաժանումների ղեկավարների մասնակցությամբ: Մինչ խորհրդակության օրակարգային հարցերին անցնելը, մարզի ղեկավարը շնորհավորեց մարզպետի տեղակալ Քաջայր Նիկողոսյանին պատասխանատու պաշտոն ստանձնելու կապակցությամբ՝ մաղթելով աշխատանքային հաջողություններ՝ ի շահ Լոռու մարզի (կենսագրությունը՝ այստեղ՝ http://lori.mtad.am/structure/bio/924/):
Բռնցքամարտի բաց առաջնություն՝ նվիրված արցախյան պատերազմում զոհվածների հիշատակին 12.04.2021
Ապրիլի 9-11-ը ՀՀ Լոռու մարզպետարանի աջակցությամբ Վանաձորի բռնցքամարտի մանապատանեկան մարզադպրոցում անցկացվեց արցախյան պատերազմներում զոհված հայորդիների հիշատակին նվիրված 2007-2010թթ ծնված պատանիների բռնցքամարտի բաց առաջնություն: Ողջույնի խոսքով հանդես եկավ Լոռու փոխմարզպետ Քաջայր Նիկողոսյանը: Կարևորելով մրցաշարի խորհուրդը՝ Ք. Նիկողոսյանը մարզի ղեկավարի և իր անունից շնորհավորեց բոլոր մասնակիցներին ու մրցանակակիրներին: Վերջիններիս մարզպետի տեղակալը նաև պատվոգրեր հանձնեց:
