Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Աջակցություն՝ անձը հաստատող փաստաթուղթ չունեցող անձանց 26.07.2021
Բնակվու՞մ ես Հայաստանում, ունե՞ս անձնագիր կամ ծննդյան վկայական ձեռք բերելու հետ կապված խնդիրներ, դիմի՛ր «Առաքելություն Հայաստան» բարեգործական հասարակական կազմակերպություն։ Դիմել կարող են ինչպես ՀՀ քաղաքացիները, այնպես էլ օտարերկրյա քաղաքացիություն ունեցող անձիք առանց տարիքային սահմանափակման։ «Աջակցություն անձը հաստատող փաստաթուղթ չունեցող անձանց և քաղաքացիությունը կորցնելու վտանգի տակ գտնվող անձանց բացահայտմանը» ծրագրի շրջանակներում «Առաքելություն Հայաստան» ԲՀԿ-ն կօգնի լուծել անձը հաստատող փաստաթղթերի հետ կապված խնդիրները։ Ծրագիրն իրականացվում է ՄԱԿ-ի Փախստականների գործակալության և Միգրացիայի միջազգային կազմակերպության գործընկերությամբ Ծառայությունն անվճար է: Հեռախոսահամար՝ 091 600 280 / 091 600 288
Ծաղկաբեր համայնքում կտեղադրվի արևային ֆոտովոլտային համակարգ 26.07.2021
2021 թվականի սուբվենցիոն ծրագրերի շրջանակներում նախատեսվում է Ծաղկաբեր համայնքի մանկապարտեզի շենքի տանիքին տեղադրել 22.56 կՎտ պիկային հզորությամբ արևային ֆոտովոլտային համակարգ: Ծրագրի շնորհիվ էլեկտրաէներգիայի վրա ծախսվող համայնքի բյուջեի միջոցները կխնայվեն, ինչն էլ կապահովի լրացուցիչ ֆինանսական միջոցներ՝ ի հաշիվ արտադրված էլեկտրաէներգիայի ավելցուկի: Ներդրումը կազմում է մոտ 12.5 մլն դրամ, որից 7.5 մլն դրամը՝ պետական և 5 մլն դրամը` համայնքային բյուջեից:
Հակակարկտային կայանների տեղադրում և գյուղգործիքների ձեռքբերում՝ Լոռի Բերդ համայնքում 23.07.2021
2021թվականի սուբվենցիոն ծրագրերի շրջանակներում Լոռի Բերդ խոշորացված համայնքում նախատեսվում է ձեռքբերել գյուղգործիքներ և տեղադրել հակակարկտային կայաններ: Համայնքում կավելանա ևս 8 հակակարկտային կայան, ինչը կարկտահարությունից կպաշտպանի մոտ 640 հա հողատարածք՝ ապահովելով մշակվող վարելահողերի աճ մոտ 30%-ով: Ծրագրի ընդհանուր բյուջեն կազմում է շուրջ 16.8 մլն դրամ, որից 8.4 մլն դրամը՝ պետական և նույնքան` համայնքային ներդրում: Խոշորացված համայնքի 9 բնակավայրերում այս պահին տեղադրված է ընդհանուր թվով 34 հակակարկտային կայաններ, մինչ խոշորացումը դրանց թիվը 10-ն էր:
Երկրաշարժի հետևանքով անօթևան դարձածների բնակարանաշինությունը ընթացքի մեջ է 22.07.2021
Երկրաշարժի հետևանքով անօթևան մնացած ընտանիքներին բնակարանով ապահովելու նպատակով շահառու հանդիսացող համայնքներում իրականացվող շինարարական աշխատանքները շարունակվում են․ աշխատանքների պատշաճ իրականացման ընթացքը Լոռու մարզպետարանի ամենօրյա ուշադրության կենտրոնում է։ «Հայաստանի Ֆուլեր տնաշինական կենտրոնի» շինարարական աշխատանքների Լոռու մարզպետարանի պատասխանատուներ Արման Մկրտչյանը և Կարեն Ավետսիյանը օրերս հերթական շրջայցն են իրականացրել Մեծ Պարնի, Լուսաղբյուր, Սարահարթ, Ծաղկաբեր, Բազում, Ուռուտ և Լեջան համայքներում։
Այսօր Լոռու մարզպետ Արամ Խաչատրյանը մարզպետարանի առողջապահության և սոցիալական ապահովության վարչության պետ Ռուզաաննա Պողոսյանի ուղեկցությամբ այցելեց Վանաձորի թիվ 1, թիվ 2, թիվ 3 և թիվ 5 համաբուժարաններ և Վանաձորի «Ինֆեկցիոն» հիվանդանոց: Մարզի ղեկավարի պահանջն է՝ քաղաքացիներին ցուցաբերել անհատական մոտեցում, լինել սրտացավ ու սպասարկել այնպես, որ համաբուժարանից քաղաքացին դուրս գա բավարարված:
Դասընթացներ՝ բիզնեով հետաքրքրված անձանց համար 20.07.2021
Սեպտեմբերի 7-13-ը Դիլիջանում կմեկնարկի Buissup Global Forum-ը, որի նպատակն է մեկ հարթակում միավորել տարբեր բիզնես գաղափարներ ունեցող 200 մասնակիցներին՝ ապահովելով նրանց բիզնես կրթությամբ և նպաստելով նրանց նախագծերի իրականացմանը։ Ֆորումը նվիրված է բիզնես հմտությունների զարգացմանը, որը կունենա հետևյալ խորագիրը՝ «Գաղափարից դեպի իրագործում»։ Նախագիծն իրականացվում է «Հայ Գործարարների Ասոցիացա»-ի նախաձեռնությամբ և «Տաշիր» ընկերությունների խմբի աջակցությամբ:
