Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Համապետական շաբաթօրյակը՝ ապրիլի 30-ին 22.04.2022
Ապրիլի 30-ին միացի՛ր համապետական շաբաթօրյակին: #մաքրությունը_սկսվում_է_քեզանից #աղբ_թափելն_ամոթ_է #մաքուր_պահենք_մեր_երկիրը #թափիր_աղբը_ճիշտ_տեղում #աղբի_տեղն_աղբամանն_է #մաքրությունը_սկսվում_է_քո_բակից
Պուշկինի ոլորաններում բացվեց Ալեքսանդր Պուշկինի արձանը 22.04.2022
Ապրիլի 22-ին Վանաձոր-Տաշիր ավտոճանապարհի Պուշկինի ոլորաններ կոչվող հատվածում ՀՀ ԱԺ նախագահի տեղակալ Հակոբ Արշակյանը մասնակցել է Ալեքսանդր Պուշկինի արձանի բացման հանդիսավոր արարողությանը: Ներկա են եղել ՀՀ ԱԺ և ՌԴ ԴԺ միջև համագործակցության միջխորհրդարանական հանձնաժողովի անդամներ, երկու երկրների դիվանագիտական կորպուսները ներկայացնող դեսպաններ Վաղարշակ Հարությունյանը և Սերգեյ Կոպիրկինը, ԿԳՄՍ փոխնախարար Ժաննա Անդրեասյանը, Լոռու մարզպետի խորհրդական Արմեն Հարությունյանը, մարզպետարանի պաշտոնյաներ, ռուսական համայնքի ներկայացուցիչներ:
Հողերի պարարտացման և մոլախոտերի դեմ պայքարի միջոցառումներ՝ նորարարական մեթոդով 21.04.2022
Լոռու մարզպետարանի հետ համագործակցությամբ SKYAGRO ընկերությունը հողերի պարարտացման և մոլախոտերի դեմ պայքարի միջոցառումներ է իրականացրել Լոռու մարզի Գյուլագարակ խոշորացված համայնքի Ամրակից և Լոռի Բերդ համայնքի Կողես բնակավայրերում։ Աշխատանքներին հետևել են Լոռու մարզպետարանի գյուղատնտեսության և բնապահպանության վարչության պետ Արուս Թումանյանը և գյուղատնտեսության բաժնի պետ Արտյոմ Շահվերդյանը: Ընկերությունը նորարարական մեթոդով նշյալ ծառայությունները մատուցում է օդային սրսկման միջոցով՝ օգտագործելով դրոններ: Ընկերության պատասխանատուների հավաստմամբ, այն ակնհայտ առավելություններ ունի ավանդական մեթոդների համեմատությամբ: Նորագույն ագրոդրոններն ունեն ժամում 10-15 հա արտադրողականություն, իսկ մեծ տարածքների վրա դրանք հնարավորություն ունեն մեկ կառավարման վահանակից աշխատելու 4-5 լրակազմով: Չեն վնասում մշակաբույսերը, ինչպես նաև բացառում են աշխատակիցների վնասումը պեստիցիդներից:
Մարզի ղեկավարն աշխատանքային այցով Ալավերդի և Տաշիր խոշորացված համայնքներում էր 20.04.2022
Լոռու մարզպետ Արամ Խաչատրյանը աշխատանքային այցով Ալավերդի և Տաշիր խոշորացված համայնքներում էր։ Ալավերդի խոշորացված համայնքում մարզի ղեկավարը այց կատարեց Ալավերդու բժշկական կենտրոն, որտեղ համայնքի ղեկավար Սասուն Խեչումյանի և ԲԿ տնօրեն Ստեփան Մոսինյանի ուղեկցությամբ ծանոթացավ աշխատանքային գործընթացներին, այնուհետև խորհրդակցություն անցկացրեց բուժանձնակազմի հետ։ Խորհրդակցության ընթացքում քննարկվեցին բուժսպասարկման որակի հետ կապված հարցեր։ Մարզի ղեկավարը կարևորեց հիվանդների սպասարկման բարձր որակը և նրանց նկատմամբ պատշաճ վերաբերմունքը։
Անցկացվեց «Լոռվա պատմամշակութային ժառանգությունը» թեմայով դպրոցական թեմատիկ առաջին օլիմպիադան 20.04.2022
Ապրիլի 18-ին՝ հուշարձանների և տեսարժան վայրերի միջազգային օրը, Լոռի_Փամբակի երկրագիտական թանգարանում անցկացվեց «Լոռվա պատմամշակութային ժառանգությունը» թեմայով դպրոցական թեմատիկ առաջին օլիմպիադան։ Այն կազմակերպել էր «Պատմամշակութային ժառանգության գիտահետազոտական կենտրոնը»՝ Լոռի-Փամբակի երկրագիտական թանգարանի հետ համատեղ։ Օլիմպիադայի նպատակն էր կրթել հուշարձանաճանաչ և հուշարձանասեր սերունդ, ինչն էլ պատմամշակութային ժառանգության պահպանության գլխավոր գրավականը կլինի։
Հայտնի են «Սպորտլանդիա» մարզական միջոցառման Լոռու մարզային փուլի հաղթողները 20.04.2022
Ապրիլի 11-ին և 18-ին Վանաձորի «Կենտրոն» համալիր մարզադպրոցում անց է կացվել «Սպորտլանդիա» մարզական միջոցառման Լոռու մարզային փուլը։ 1-3-րդ և 4-6-րդ դասարանցիների համար նախատեսված մրցույթին մասնակցում էին մարզի բոլոր տարածաշրջանների 22 դպրոցների հավաքական թիմերը: Ապրիլի 18-ին տեղի ունեցած մրցույթին ներկա էին նաև Լոռու մարզպետի տեղակալ Հովհաննես Ավետիսյանը, մարզպետարանի կրթության, մշակույթի և սպորտի վարչության պետ պետ Արամ Գրիգորյանը, մշակույթի և սպորտի բաժնի պետ Արամ Ռևազյանը, մարզպետի օգնական Էրիկ Կոստանյանը և այլ պաշտոնատար անձինք։ Լարված և անզիջում պայքարից հետո 1-3-րդ դասարանցիների մրցափուլում առաջատարը Ալավերդու թիվ 2 հիմնական դպրոցն է, որին միավորներով զիջեց Տաշիրի թիվ 1 հիմնական դպրոցը, եռյակը եզրափակեց Ալավերդու թիվ 12 հիմնական դպրոցը։
