Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կստեղծվի մարզում գործունեություն ծավալող ՀԿ-ների տվյալների ամբողջական բազա 08.04.2022
Այսօր Լոռու մարզպետարանում անցկացվեց «Լոռու մարզպետին կից հասարակական կազմակերպություններից և Լոռու մարզպետարանի կառուցվածքային ստորաբաժանումների ներկայացուցիչներից կազմավորված աշխատանքային խմբի» առաջին նիստը, որը վարում էր խմբի ղեկավար, Լոռու մարզպետի տեղակալ Հովհաննես Ավետիսյանը։ Օրակարգի առաջին հարցի շրջանակներում քննարկվեցին խմբի աշխատանքային կանոնակարգի նախագծում նախապես ներկայացված փոփոխությունները։ Կանոնակարգի վերջնական տարբերակը տեղում իրականացված բաց քվեարկությամբ միաձայն արժանացավ նիստի մասնակիցների հավանությանը։
Լոռու մարզից մի խումբ ուսուցիչներ և աշակերտներ մասնակցել են «Քան» ակադեմիայի առցանց աշխատարաններին 08.04.2022
Այսօր Լոռու մարզպետի տեղակալ Գոռ Ասրյանը և Լոռու մարզպետարանի կրթության, մշակույթի և սպորտի վարչության պետ Արամ Գրիգորյանը Վանաձորի տեխնոլոգիական կենտրոնում ներկա եղան «Քան» ակադեմիայի հայաստանյան գրասենյակի առցանց կրթական հարթակի աշխատարանների ավարտական միջոցառմանը՝ նախատեսված Լոռու մարզի հանրակրթական դպրոցների ուսուցիչների և աշակերտների համար։ «Քան» ակադեմիայի աշխատարանների շարքն իրագործել է «Այբ» կրթական հիմնադրամը «Մարդը կարիքի մեջ» ՀԿ-ի հետ համատեղ՝ Եվրոպական միության ֆինանսավորմամբ «ԵՄ COVID-19 հետևանքների չեզոքացման աջակցության ծրագիր Արևելյան գործընկերության երկրների համար» ծրագրի շրջանակում։
Մարզպետ Արամ Խաչատրյանը Վանաձորի թիվ 5 համաբուժարանում ծանոթացավ իրականացված աշխատանքներին 07.04.2022
Վանաձորի թիվ 5 համաբուժարանում տնօրեն Գագիկ Մարտիրոսյանի ջանքերով վերջերս կոսմետիկ վերանորոգման աշխատանքներ են իրականացվել․ բարելավվել են շենքային պայմանները, ձեռք են բերվել նոր ուլտրաձայնային և իմունաֆերմենտատիվ հետազոտությունների սարքավորումներ։ Քաղաքացիների իրազեկումն ապահովելու նպատակով շենքի ներսում տեղադրվել են նաև ժամատախտակներ և իրազեկման ցուցանակներ։ Մարզի ղեկավարը այցի շրջանակներում մարզպետի տեղակալ Հովհաննես Ավետիսյանի, մարզպետարանի առողջապահության և սոցիալական ապահովության վարչության պետ Ռուզաննա Պողոսյանի ուղեկցությամբ շրջեց համաբուժարանում, ծանոթացավ կատարված աշխատանքներին, մասնագետներով և բժշկական սարքավորումներով հագեցվածությանը։ Մատուցվող ծառայությունների որակի մասին մարզպետն անձամբ զրուցեց համաբուժարանի շահառու քաղաքացիների հետ, վստահեցրեց, որ միասնական և համակարգված աշխատանքի արդյունքում լուծումներ են տրվելու առկա բոլոր խնդիրներին։ Համաբուժարանում ներկայում առաջնային խնդիր է ռենտգեն սարքավորման բացակայությունը։
Քննարկվել են աղետի գոտու հիմնախնդիրները 06.04.2022
Լոռու մարզպետ Արամ Խաչատրյանը ապրիլի 5-ին մասնակցել է ՀՀ փոխվարչապետ Համբարձում Մաթևոսյանի գլխավորությամբ անցկացված խորհրդակցությանը, որը վերաբերել է աղետի գոտու հիմնախնդիրներին։ Քննարկմանը մասնակցել են շահագրգիռ պետական մարմինների ղեկավարներ, մարզպետներ, համայնքապետեր։ Ներկայացնելով երկրաշարժի հետևանքով անօթևան մնացած ընտանիքների բնակարանային խնդիրների լուծմանն ուղղված պետական աջակցության ծրագրի իրականացման արդյունքները՝ Քաղաքաշինության կոմիտեի նախագահ Արմեն Ղուլարյանը նշել է, որ ծրագրի մեկնարկից ի վեր շահառու է ճանաչվել ՀՀ Լոռու, Շիրակի և Արագածոտնի մարզերի բնակավայրերի 5419 ընտանիք, որոնցից 5391-ի բնակարանային խնդիրը նշված պետական աջակցության ծրագրի շրջանակում լուծվել է։
Սարչապետ բնակավայրում շուտով իր դռները կբացի հանդիսությունների սրահը 06.04.2022
Պետություն-համայնք համատեղ ներդրմամբ իրականացվող սուբվենցիոն միջոցներով Սարչապետ խոշորացված համայնքի Սարչապետ բնակավայրում այսուհետ կգործի հանդիսությունների սրահ։ Ծրագիրը մեկնարկել է նախորդ տարի։ Վերակառուցման աշխատանքներն արդեն ավարտվել են։ Բարձրացվել են գոյություն ունեցող մոտ 250 քառ. մետր մակերեսով շենքի պատերը, կառուցվել է տանիք,տեղադրվել են դռներ և պատուհաններ, կառուցվել է մամլոգրանիտե հատակ, կատարվել է ներքին և արտաքին հարդարում, տեղադրվել է ջեռուցման համակարգ, իրականացվել է ներքին և արտաքին ջրամատակարարում, անց է կացվել կոյուղագիծ։
Մեծ Պարնիի հրշեջ-փրկարարական հենակետի կամավորներն անցկացրեցին առաջին հատուկ տակտիկական վարժանքը 06.04.2022
Ինչպես հայտնի է, Ավստրիական կարմիր խաչի հովանավորությամբ, Լոռու մարզի Մեծ Պարնի բնակավայրում ստեղծվել է կամավորական հրշեջ-փրկարարական հենակետ, որում ընդգրկված կամավորների առաջին հատուկ տակտիկական վարժանքն անցկացվեց այսօր՝ Շիրակամուտ բնակավայրի միջնակարգ դպրոցի տարածքում։ Վարժանքն իրկանացվում էր ԼՄՓՎ հրշեջ փրկարարական ջոկատի ծառայողների հետ համատեղ և կրում էր «Ուժեղ երկրաշարժի ժամանակ աշակերտների և ուսուցիչների պաշտպանության կազմակերպում և իրականացում» խորագիրը։
