Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սեպտեմբերի 24-ին Իտալիայի Լոմբարդիայի մարզի Լեկկո քաղաքում մեկնարկել են Հայկական օրերը՝ նվիրված ՀՀ անկախության 30-ամյակին: Այն կրում է «Լեկկոն պատմում է Հայաստանի մասին, բարեկամությունը շարունակվում է» խորագիրը: Միջոցառումները կշարունակվեն չորս օր: Միջոցառումների շարքը մեկնարկել է կոնֆերանսով, որին առցանց եղանակով մասնակցել է նաև Լոռու մարզպետարանը: Մինչ հիմնական զեկույցի մեկնարկը, ներկայացվեց Լոռու մարզպետի տեղակալ Գոռ Ասրյանի տեսաուղերձը.
Դասասենյակներն անվանակոչվեցին ի հիշատակ զոհված զինծառայողների 25.09.2021
ՀՀ Անկախության 30-ամյակին նվիրված միջոցառում էր կազմակերպել Վահե Մելիքսեթյանի անվան Վանաձորի թիվ 28 հիմնական դպրոցը: Միջոցառումն անցկացվեց դպրոցի բակում օրեր առաջ կառուցված փոքրիկ պուրակ-ջրվեժի մոտ, որի հիմնումը կրթօջախի անձնակազմի մտահղացումն է՝ ի հիշատակ 44-օրյա պատերազմի ընթացքում նահատակված՝ դպրոցի նախկին 7 սաների: Միջոցառմանը ներկա էին Լոռու մարզպետարանի կրթության, մշակույթի և սպորտի վարչության պետ Արամ Գրիգորյանը, հերոսների հարազատները, մարտական ընկերներն ու դասընկերները: Աշակերտները համառոտ ներկայացրեցին անկախության ձեռքբերման պատմական ուղին, հանդես եկան պարերի և երգերի կատարումներով և խոստացան ամուր պահել հայրենիքի սահմանները: «Վահե Մելիքսեթյան» հիմնադրամի, բարերարների, դպրոցի սաների, ծնողների և ուսուցիչների օգնությամբ ստեղծված պուրակ-ջրվեժի հետ մեկտեղ վերանորոգվել են դպրոցի 6 դասարաններ, որոնք նույն օրը անվանակոչվեցին Արցախյան վերջին պատերազմում անմահացած աշակերտների անուններով:
Սպիտակում անցկացվեց սամբո ըմբշամարտի պատանեկան հուշամրցաշար 23.09.2021
Լոռու մարզպետարանի աջակցությամբ և Սպիտակի մանկապատանեկան մարզադպրոցի նախաձեռնությամբ կայացավ սամբո ըմբշամարտի պատանեկան առաջնություն՝ նվիրված Սպիտակի տարածաշրջանում սամբո մարզաձևի հիմնադիրներ Սասուն, Սամվել, Սարգիս Կարապետյանների հիշատակին: Առաջնությանը մասնակցում էին հանրապետության 12 համայնքների շուրջ 110 մարզիկներ 10 քաշային կարգերում: Թիմային պայքարում հաղթողներ ճանաչվեցին համապատասխանաբար՝ Վանաձորի, Գյումրու և Սպիտակի թիմերը:
Անկախ Հայաստանի Հանրապետությունը 30 տարեկան է 22.09.2021
Անկախության օրը Լոռու մարզում նշվեց մի շարք միջոցառումներով։ Առավոտյան մարզի ղեկավար Արամ Խաչատրյանը, 3-րդ բանակային կորպուսի հրամանատարությունը, մարզային և համայնքային իշխանության, ուժային կառույցների ներկայացուցիչները ու այլ պաշտոնատար անձինք ներկա գտնվեցին Վանաձորի Սուրբ Գրիգոր Նարեկացի առաջնորդանիստ եկեղեցում Գուգարաց թեմի առաջնորդ Հովնան եպիսկոպոս Հակոբյանի հանդիսապետությամբ հնչեցված հանրապետական մաղթանքին: Այնուհետ բարձրաստիճան այրերն այցելեցին Ազգային հերոս Վազգեն Սարգսյանի արձանին, ծաղիկներ և ծաղկեպսակներ խոնարհեցին՝ հարգանքի տուրք մատուցելով Սպարապետի հիշատակին։
Շնորհակա՛լ ենք ձեզ ԱՆԿԱԽՈՒԹՅԱՆ համար 22.09.2021
ՀՀ Անկախության տոնին ընդառաջ Լոռու մարզպետ Արամ Խաչատրյանը, մարզպետարանի պատասխանատու պաշտոնյաներ, 3-րդ բանակային կորպուսի հրամանատարության, զինվորական ոստիկանության ներկայացուցիչներ, մի խումբ այլ պաշտոնատար անձինք այցելեցին Վանաձորի զինվորական պանթեոններ: Նրանք հարգանքի տուրք մատուցեցին իրենց կյանքը հանուն հայրենիքի զոհաբերած հայորդիների հիշատակին և ծաղիկներ խոնարհեցին նրանց հիշատակը հավերժացնող շիրիմներին և հուշակոթողին: Հավերժ փառք ձեզ՝ հերոսնե՜ր։ Ձեր հիշատակը միշտ վառ կմնա մեր սրտերում։ Շնորհակա՛լ ենք ձեզ ԱՆԿԱԽՈՒԹՅԱՆ համար։
Լեռնապատ համայնքն այլևս ԱԹՍ֊ների մրցույթի կենտրոն է 22.09.2021
Առաջատար տեխնոլոգիաների ձեռնարկությունների միության տնօրեն Կարեն Վարդանյանի հիշատակին նվիրված առաջին ԱԹՍ մրցույթը տեղի ունեցավ Լոռու մարզի Լեռնապատ համայնքում: Այն կազմակերպվել էր Կարեն Վարդանյանի անվան կրթական հիմնադրամի, Արտակարգ իրավիճակների և Բարձր տեխնոլոգիական արդյունաբերության նախարարությունների, Հայաստանի ամերիկյան համալսարանի և Առաջատար տեխնոլոգիաների ձեռնարկությունների միության նախաձեռնությամբ: Մրցույթին ներկա էին Լոռու մարզպետի խորհրդական Հովհաննես Ավետիսյանը, մարզպետարանի կրթության, մշակույթի և սպորտի վարչության պետ Արամ Գրիգորյանը, մարզային իշխանության ներկայացուցիչներ, նախաձեռնող կառույցների պատասխանատուները, բազմաթիվ հյուրեր։
