Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արամ Խաչատրյանի ուղեկցությամբ փոխվարչապետ Համբարձում Մաթևոսյանը, Տարածքային կառավարման և ենթակառուցվածքների նախարար Գնել Սանոսյանը հուլիսի 2-ին Լոռու մարզ կատարած այցի շրջանակում եղել են Վանաձոր, Ալավերդի, Թումանյան, Լոռի Բերդ, Ստեփանավան և Գյուլագարակ համայնքներում, ծանոթացել պետություն-համայնք համատեղ ներդրմամբ իրականացվող սուբվենցիայի ծրագրերով, պետական բյուջեի միջոցներով և Ասիական զարգացման բանկի աջակցությամբ իրականացվող աշխատանքներին, տվել է մի շարք հանձնարարականներ։ Աշխատանքային այցի ընթացքում նրանց են միացել նաև Ազգային ժողովի պատգամավոր Արեն Մկրտչյանը, «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը, համայնքապետեր, այլ պատասխանատուներ։
Հայ-ֆրանսիական ապակենտրոնացված համագործակցության չորրորդ համաժողովի շրջանակներում (http://lori.mtad.am/news/item/2022/06/30/NEWS1/) հուլիսի 30-ին շարունակվել են թեմատիկ աշխատանքները «Խելացի կայուն քաղաքներ», «Գյուղական զարգացում և գյուղատնտեսություն», «Զբոսաշրջություն» ուղղություններով և քննարկումներ են տարվել հայ-ֆրանսիական համագործակցեության ու մի շարք կարևոր թեմաների շուրջ՝ առողջապահություն և ֆրանկոֆոնիա, մասնագիտական կրթություն: Լոռու մարզի պատվիրակությունը տարբեր հանդիպումների ընթացքում մի շարք ֆրանսիական կազմակերպությունների հետ պայմանավորվածություններ է ձեռք բերել՝ համագործակցելու առողջապահության և կրթության ոլորտներում՝ համատեղ ծրագրեր իրականացնելու նպատակով: Հանդիպում է տեղի ունեցել նաև ՄԱԿ-ի Հայաստանյան ներկայացուցիչ Արմեն Չիլինգարյանի հետ. առաջիկայում նոր նախագծերի շուրջ գործակցելու վերաբերյալ պայմանավորվածություներ են ձեռք բերվել:
Քննարկվեցին մարզում գենդերային հիմնահարցերի մեղմման նպատակով իրականացվող ծրագրերը 01.07.2022
Լոռու մարզպետարանում անցկացվեց Լոռու մարզի գենդերային հարցերով զբաղվող մշտական գործող հանձնաժողովի նիստը, որը վարում էր Լոռու մարզպետի տեղակալ, հանձնաժողովի նախագահ Հովհաննես Ավետիսյանը: Նիստը հրավիրվել էր Լոռու մարզպետարանի ընտանիքի, կանանց և երեխաների իրավունքների պաշտպանության բաժնի նախաձեռնությամբ: Ներկա էին ՀՀ աշխատանքի և սոցիալական հարցերի նախարարության մարդկանց թրաֆիկինգի և կանանց հիմնահարցերի բաժնի պետ Էռնա Անտոնյանը, Լոռու մարզում գենդերային հարցերով զբաղվող և գործունեություն ծավալող ՀԿ-ների, Լոռու մարզպետարանի համապատասխան ստորաբաժանումների, Ոստիկանության Լոռու մարզային վարչության ներկայացուցիչներ, սոցիալական աշխատողներ: Հ. Ավետիսյանը կարևորեց ներկաների դերակատարությունը՝ ոլորտում մեծ և հաջողված ծրագրեր իրականացնելու գործում և շնորհակալություն հայտնեց նրանց մարզում տարվող աշխատանքների համար:
ՀՀ պետական բյուջեի միջոցներով իրականացվող «Դպրոցականների ամառային հանգuտի կազմակերպում» ամենամյա ծրագրով՝ այսօր Լոռու մարզի տարբեր համայնքներից Հանքավանի «Լուսաբաց» ճամբար մեկնեց 150 երեխա: Աշխատանքները համակարգեցին և երեխաներին բարի ճանապարհ մաղթեցին Լոռու մարզպետարանի կրթության, մշակույթի և սպորտի վարչության պետ Արամ Գրիգորյանը, կրթության վարչության և ընտանիքի, կանանց և երեխաների իրավունքների պաշտպանության բաժնի մասնագետները: Ողջունելով ճամբարականներին՝ նրանց մաղթեցին անմոռանալի հանգիստ, վառ և տպավորիչ հիշողություններ և նշեցին, որ պետական աջակցությամբ տարիներ շարունակ իրականացվող այս ծրագիրը նպատակ ունի երեխաներին պարգևել ամառային անհոգ առօրյա: Ծնողներն էլ իրենց հերթին շնորհակալություն հայտենցին երեխաներին նման հնարավորություն տալու համար:
Լոռու մարզի պատվիրակությունը՝ մարզպետ Արամ Խաչատրյանի գլխավորությամբ, Ֆրանսիայում է՝ մասնակցելու հունիսի 29-ին և 30-ին Լիոնում անցկացվող Հայ-ֆրանսիական ապակենտրոնացված համագործակցության չորրորդ համաժողովին: Այն կրում է «Հայ-ֆրանսիական ապակենտրոնացված համագործակցություն. աջակցություն կայուն տարածքների զարգացմանը» խորագիրը: Մարզի պատվիրակության կազմում են Ալավերդի, Սպիտակ, Վանաձոր, Ստեփանավան, Տաշիր համայնքների ղեկավարները և ներկայացուցիչներ: Հայաստանի պատվիրակությունը ղեկավարում է Տարածքային կառավարման և ենթակառուցվածքների փոխնախարար Վաչե Տերտերյանը։ Համաժողովը կազմակերպվել է Լիոնի քաղաքապետարանի, Հայաստանի համայնքների միության, «Ֆրանսիայի միավորված քաղաքներ» կազմակերպության կողմից՝ ՀՀ արտաքին գործերի, Տարածքային կառավարման և ենթակառուցվածքների նախարարությունների, Ֆրանսիայում Հայաստանի դեսպանության և Հայաստանում Ֆրանսիայի դեսպանության համագործակցությամբ:
Նորակոչիկներին բարի ծառայություն մաղթեց մարզպետի տեղակալ Գոռ Ասրյանը 30.06.2022
Ստեփանավան խոշորացված համայնքի ամառային զորակոչի առաջին հավաքի նորակոչիկներն այսօր մեկնեցին պարտադիր ժամկետային զինվորական ծառայության։ Ստեփանավանի Սոս Սարգսյանի անվան մշակույթի պալատի բակում նրանց ճանապարհելու էին գնացել Լոռու մարզպետի տեղակալ Գոռ Ասրյանը, մարզպետարանի զորահավաքային նախապատրաստության բաժնի պետ Արմեն Հակոբյանը, Ստեփանավանի համայնքապետարանի պաշտոնյաներ, ուժային կառույցների ներկայացուցիչներ, զինակոչիկների հարազատներն ու ընկերները։ Ստեփանավանի Սուրբ Սարգիս եկեղեցու հոգևոր հովիվ տեր Մամբե քահանա Ոսկանյանը նորակոչիկներին հղեց օրհնանքի խոսք՝ զինվորական դժվարին ու պատվաբեր գործում միշտ հավատքով, սիրով ու նվիրումով առաջնորդվելու մաղթանքով:
