Լոռու մարզպետի աշխատակազմ

Ճանապարհների սպասարկման ընթացիկ վիճակը գնահատելու նպատակով Լոռու մարզպետի աշխատակազմը պարբերաբար դիտարկումներ է իրականացնում մարզի տարածքով անցնող միջպետական, հանրապետական և մարզային նշանակության ավտոտոմոբիլային ճանապարհներին՝ այս օրերին կազմակերպելով նաև մարզային ճանապարհների ձմեռային պահպանության նախապատրաստական աշխատանքները:
Այս տարի ճանապարհաշինական 5 կազմակերպություն ողջ ձմռան ընթացքում սպասարկման աշխատանքներ կիրականացնի Լոռու մարզի մոտ 130 կմ երկարության մարզային նշանակության ճանապարհներին:
Լոռու մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչության պետի ժամանակավոր պաշտոնակատար Վահրամ Ղարսայանը նշում է, որ բոլոր ընկերությունները հագեցած են անհրաժեշտ քանակությամբ ձյուն մաքրող տեխնիկայով, աղով ու ավազով, պատրաստ են 2023-2024 թվականների ձմեռային պահպանման ընթացիկ աշխատանքներին և հիշեցնում՝ չեն վճարվի այն կազմակերպությունները, որոնք պատշաճ չեն իրականացնի պայմանագրով ստանձնած իրենց պարտավորությունները: