Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետարանը 2022 թվականի 1-ին կիսամյակում շարունակել է իրականացնել իր ենթակայության ներքո գործող 149 հանրակրթական դպրոցների ֆինանսատնտեսական գործունեության սպասարկման, համակարգման և վերահսկողության աշխատանքները: 2022 թվականի առաջին կիսամյակում Լոռու մարզի դպրոցների ֆինասավորումը կազմել է շուրջ 3.9 միլիարդ դրամ: Կամավոր ատեստավորման համակարգի ներդրման արդյունքում 30-50 տոկոսի չափով բարձրացել է մարզի դպրոցներում աշխատող 25 մանկավարժի աշխատավարձը: Հոկտեմբեր-դեկտեմբեր ամիսներին նրանց լրացուցիչ վճարելու համար տրամադրվել է մոտ 3.4 միլիոն դրամ: 2022 թվականի մայիսի 1-ից բարձրացել են նաև նշված մանկավարժների դրույքաչափերը՝ սահմանվելով 200.000 դրամ։ Արդյունքում հունվար-հունիս ամիսներին նրանց լրացուցիչ վճարվել է 6 միլիոն 105 հազար դրամ։
Լոռվա գեղատեսիլ բնության գրկում արդեն 21-րդ անգամ իր հյուրընկալ դռներն է բացել Հայ առաքելական եկեղեցու Գուգարաց թեմի «Ծիծեռնակ» ճամբարը։ Լոռու մարզպետի տեղակալ Հովհաննես Ավետիսյանը Գուգարաց թեմի առաջնորդ Տեր Հովնան եպիսկոպոս Հակոբյանի և «Ծիծեռնակ» ճամբարի համակարգող Սևակ Սարգսյանի ուղեկցությամբ այցելեց «Ծիծեռնակ» և հարևանությամբ գործող՝ Հրանտ Դինքի անվան թեմապատկան «Կռունկ» մանկապատանեկան ճամբարներ։
«Հայաստանի Հանրապետության Վարչապետի գավաթ» լողի սիրողական մրցաշարին մասնակցության հրավեր 18.07.2022
2022 թվականի օգոստոսի 23-ին ՀՀ Գեղարքունիքի մարզի Շողակաթ (նախկին Շորժա) համայնքի լողափնյա տարածքում անցկացվելու է «Հայաստանի Հանրապետության Վարչապետի գավաթ» լողի սիրողական մրցաշար: Մրցաշարը կանցկացվի երկու տարիքային խմբով՝ 1-ին տարիքային խումբ՝ 18-35 տարեկան կանայք, 18-40 տարեկան տղամարդիկ: 2-րդ տարիքային խումբ՝ 36 տարեկանից բարձր տարիքի կանայք, 41 տարեկանից բարձր տղամարդիկ: Կանայք կմրցեն 1000 մետր, իսկ տղամարդիկ 1500 մետր լողատարածություններում: Հայտը ներկայացնող անձը պետք է հանձնի նախնական ստուգարք ՝ մասնակցի լողալու ունակության մակարդակը որոշելու համար «ՀՀ լողի ֆեդերացիա» ՀԿ-ի կողմից որոշված լողավազանում:
Մկրտիչ Հովհաննիսյանը «Բարեկամության գավաթ» առաջնությունում գրավել է պատվավոր երրորդ տեղը 18.07.2022
Լոռու մարզային փրկարարական վարչության Վանաձորի թիվ 2 ՀՓՋ հրշեջ-փրկարար, փ/ծ սերժանտ Մկրտիչ Հովհաննիսյանը Մոսկվայում կայացած ձեռնամարտի «Բարեկամության գավաթ» առաջնությունում գրավել է պատվավոր երրորդ տեղը: Այդ առթիվ Մկրտչին ու նրա մարզիչ Զալիկո Համբարյանին հյուրընկալեց և Լոռու մարզպետի շնորհակալագրերով պարգևատրեց մարզպետի տեղակալ Գոռ Ասրյանը: Ի դեպ, Մկրտիչը և Զալիկոն նաև արցախյան 44-օրյա պատերազմի մասնակիցներ են: Գ. Ասրյանը շնորհավորեց հաղթանակի կապակցությամբ և շնորհակալություն հայտնեց նման հեղինակավոր առաջնությունում երկրի ու մարզի պատիվը բարձր պահելու համար:
«CMX Solutions» միջազգային ընկերությունն աշխատանքի է հրավիրում 18.07.2022
«CMX Solutions» միջազգային ընկերությունն աշխատանքի է հրավիրում գերմաներենի գերազանց իմացությամբ հաճախորդների սպասարկման մասնագետի: «CMX Solutions» ընկերությունը կապի կենտրոնի ծառայություններ է մատուցում գերմանախոս հաճախորդների համար: Աշխատանքը կարող է հետաքրքրել գերմաներենին տիրապետող բնակիչներին, ուսանողներին, ուսուցիչներին, դասախոսներին: Աշխատանքը հեռավար է: Անհրաժեշտ որակավորումները.
Հանդիպում տավարաբուծությամբ և ոչխարաբուծությամբ զբաղվող խոշոր և միջին տնտեսվարողների հետ 15.07.2022
Անասնաբուծության ոլորտում առկա խնդիրները վերհանելու նպատակով Լոռու մարզպետարանում անցկացվեց հանդիպում` տավարաբուծությամբ և ոչխարաբուծությամբ զբաղվող խոշոր և միջին տնտեսվարողների հետ։ Քննարկմանը մասնակցում էին ՀՀ էկոնոմիկայի նախարարության գյուղատնտեսության առաջնային արտադրանքի վարչության պետ Լևոն Տեր-Իսահակյանը, Լոռու մարզպետարանի գյուղատնտեսության և բնապահպանության վարչության պետ Արուս Թումանյանը, համապատասխան ստորաբաժանումների աշխատակիցներ:
