Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Համավարակի նոր ալիքը հաղթահարելու միակ միջոցը պատվաստումն է. մարզի ցուցանիշները չեն գոհացնում 17.12.2021
Այսօր Լոռու փոխմարզպետ Գոռ Ասրյանի գլխավորությամբ, մարզպետարանի առողջապահության և սոցիալական ապահովության վարչության պետ Ռուզաննա Պողոսյանի, վարչության պատասխանատուների, Լոռու մարզի առողջապահական հիմնարկների ղեկավարների մասնակցությամբ անցկացվեց աշխատանքային խորհրդակցություն, որի հրատապ թեման կորոնավիրուսային պատվաստման գործընթացն էր: Մարզպետի տեղակալը նշեց, որ հանրապետության ընդհանուր ցուցանիշների համեմատությամբ մարզի տվյալները, մեղմ ասած, չեն գոհացնում:
Լոռու մարզպետ Արամ Խաչատրյանը պարգևատրեց ազատ ոճի ըմբշամարտիկերին 15.12.2021
Իրանի Իսլամական հանրապետության մայրաքաղաք Թեհրանում վերջերս կայացած բանակայինների ազատ ոճի ըմբշամարտի աշխարհի 35-րդ առաջնությունում հաղթական գոտեմարտեր են մղել և մրցանակային տեղերի արժանացել վանաձորցի մարզիկները: Նրանց ու մարզիչներին այսօր ընդունեց և շնորհակալագրերով պարգևատրեց Լոռու մարզպետ Արամ Խաչատրյանը: Խրախուսանքի արժանացան մարզիչներ Ժորա Հովհաննիսյանը, Ժիրայր Հովհաննիսյանը, բանակայինների ազատ ոճի ըմբշամարտի աշխարհի 35-րդ առաջնությունում ՀՀ հավաքականի կազմում Լոռին ներկայացրած պատանի ըմբիշներ Մհեր Մարկոսյանը (արծաթե մեդալակիր), Մենուա Յարիբեկյանը և Հովհաննես Մխիթարյանը (բրոնզե մեդալակիրներ):
Աշխատանքային խորհրդակցություն 14.12.2021
Այսօր Լոռու մարզպետ Արամ Խաչատրյանն անցկացրեց աշխատանքային խորհրդակցություն, որին ներկա էին փոխմարզպետ Գոռ Ասրյանը, մարզպետարանի գլխավոր քարտուղար Կամո Աշրաֆյանը, կառուցվածքային ստորաբաժանումների ղեկավարներ և պատասխանատու պաշտոնյաներ: Քննարկվեցին առանցքային հարցեր մարզում իրականցվող միջազգային ու տեղական ծրագրերի, գյուղատնտեսական ցուցանիշների, քաղաքաշինության, սոցիալական, առողջապահական, համայնքների սեփական եկամուտների հավաքագրման, մարզում իրականացվող 2021թ.-ի սուբվենցիոն ծրագրերի ընթացքի ու արդյունքների վերաբերյալ և այլն։
«Հիշատակն արդարոց օրհնությամբ եղիցի». հարգանքի տուրք երկրաշարժի անմեղ զոհերի հիշատակին 07.12.2021
Վանաձորի Սուրբ Մարիամ Աստվածածին եկեղեցու Սրբոց Նահատակաց պուրակում` 1988 թ.-ի երկրաշարժի զոհերի հիշատակին նվիրված խաչքարի մոտ՝ նախագահությամբ Գուգարաց թեմի առաջնորդ Գերաշնորհ Տեր Հովնան եպիսկոպոս Հակոբյանի, կատարվեց հոգեհանգստյան կարգ՝ ի հիշատակ աղետի անմեղ զոհերի: Արարողությանը ներկա էին Տարածքային կառավարման և ենթակառուցվածքների նախարար Գնել Սանոսյանը, Լոռու մարզպետ Արամ Խաչատրյանը, Վանաձոր համայնքի ղեկավարի ժամանակավոր պաշտոնակատար Վանիկ Օհանյանը, նորընտիր ավագանու անդամներ, պաշտոնատար անձինք:
Լոռու մարզպետարանի մի խումբ աշխատակիցներ արժանացել են պարգևների 02.12.2021
ՀՀ Պաշտպանության նախարարի հրամանով ՀՀ պաշտպանության նախարարության հետ սերտ համագործակցության, բանակ-հասարակություն կապի ամրապնդման գործում ունեցած աջակցության համար Լոռու մարզպետարանի մի խումբ աշխատակիցներ արժանացել են պարգևների:
Ի գիտություն զանգվածային լրատվության միջոցների 01.12.2021
Առաջնորդվելով «Զանգվածային լրատվության մասին» ՀՀ օրենքով և հիմք ընդունելով ՀՀ կառավարության 2004թ. մարտի 4-ի N 333-Ն որոշման 2-րդ կետը, ինչպես նաև ՀՀ Լոռու մարզպետի նոյեմբերի 9-ի 2011թ., թիվ 373-Ն որոշումը Լոռու մարզպետարանում լրագրողների հավատարմագրման կարգը հաստատելու մասին Լոռու մարզպետարանի տեղեկատվության և հասարակայնության հետ կապերի բաժինը մինչև ս.թ. դեկտեմբերի 25-ն իրականացնում է Լոռու մարզպետարանի գործունեությունը լուսաբանող լրագրողների հավատարմագրում։
