Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վանաձորի թիվ 30 դպրոցը տոնել է իր 30-ամյա տարեդարձը 07.12.2022
Վանաձորի Պ. Սևակի անվան թիվ 30 հիմնական դպրոցի հյուրընկալ հարկի ներքո անցկացվեց կրթօջախի 30-ամյակին նվիրված միջոցառումը: Միջոցառմանը ներկա էին Գուգարաց թեմի առաջնորդ տեր Հովնան եպիսկոպոս Հակոբյանը, Լոռու մարզպետարանի կրթության մշակույթի և սպորտի վարչության պետ Արամ Գրիգորյանը, վարչության պաշտոնյաներ, Վանաձորի համայնքապետարանի ներկայացուցիչներ, դպրոցների տնօրեններ, ուսուցիչներ, ծնողներ, աշակերտներ:
1988 թվականի ավերիչ երկրաշարժի 34-րդ տարելիցի կապակցությամբ Լոռու մարզպետ Արամ Խաչատրյանի հետ միասին Սպիտակ այցելեցին ՀՀ Տարածքային կառավարման և ենթակառուցվածքների նախարար Գնել Սանոսյանը, Արտակարգ իրավիճակների նախարար Արմեն Փամբուխչյանը, Հայաստանում Ճապոնիայի արտակարգ և լիազոր դեսպան Մասանորի Ֆուկուշիման: Սպիտակում 1988 թ.-ի երկրաշարժի զոհերի հիշատակին նվիրված խաչքարի մոտ կատարվեց հոգեհանգստյան կարգ՝ ի հիշատակ աղետի անմեղ զոհերի:
Դեկտեմբերի 5-ին՝ Կամավորների միջազգային օրը, «Լոռու մարզպետին կից հասարակական կազմակերպություններից և մարզպետարանի կառուցվածքային ստորաբաժանումների ներկայացուցիչներից կազմված աշխատանքային խմբի» նախաձեռնությամբ և ջանքերով կազմակերպվել էր հանդիսավոր միջոցառում: Այն անցկացվեց Վանաձորի տեխնոլոգիական կենտրոնի հյուրընկալ հարկի ներքո՝ համախմբելով շուրջ 60 հասարակական կազմակերպությունների, Լոռու մարզպետարանի և մարզի համայնքների ներկայացուցիչների, բազմաթիվ հյուրերի:
Լոռու մարզի պատվիրակությունը` մարզպետի տեղակալ Հովհաննես Ավետիսյանի գլխավորությամբ, եռօրյա այցով գտնվում է Ֆրանսիայի ՊԱԿԱ ռեգիոնում։ Պատվիրակությունը մեկնել է Մարսել՝ ռեգիոնալ խորհրդի նախագահ Ռենո Մուզելյեի հրավերով՝ մասնակցելու «Միջերկրականի ապագան» 5-րդ միջոցառմանը։ Միջոցառմանը մասնակցել են պատվիրակություններ՝ ՊԱԿԱ ռեգիոնի հետ համագործակցող բոլոր երկրների վարչական շրջանների ղեկավարների գլխավորությամբ։
Լոռեցիների հերթական հաջողությունը 06.12.2022
ՀՀ ֆուտբոլի ֆեդերացիայի կողմից անցկացվող դպրոցականների ֆուտզալի առաջնության մինչև 12 տարեկանների մրցաշարում գերազանց է հանդես եկել Վանաձորի թիվ 18 միջնակարգ դպրոցի հավաքական թիմը, որը նախ հաղթող է ճանաչվել Վանաձորում, ապա դարձել նաև Լոռու մարզի առաջնության հաղթող՝ իրավունք վաստակելով մարզը ներկայացնել հանրապետական եզրափակիչ փուլում: Մարզիչներ Մհեր Պողոսյանի և Արկադի Սաֆարյանի գլխավորած թիմը
Լոռու մարզպետ Արամ Խաչատրյանի շնորհավորական ուղերձը Կամավորների միջազգային օրվա առթիվ 05.12.2022
Այսօր նշվում է Կամավորների միջազգային օրը, ինչի կապակցությամբ ուզում եմ շնորհավորել բոլոր նրանց, ովքեր երբևէ, որևէ առիթով, հնարավորություն են ունեցել անշահախնդիր կերպով, հենց այնպես, առանց որևէ ակնկալիքի, օգտակար լինել, օգնել բոլոր կարիք ունեցողներին, օգտակար լինել Հայրենիքին: Այդպիսիք, վստահ եմ, մեր շարքերում շատ-շատ են: Կամավոր լինելն, իսկապես, պատվաբեր է և հասու միայն մեծահոգի ու բարի մարդկանց:
