Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր ՀՀ պետական դրոշի օրն է 15.06.2023
Հայաստանի դրոշը պետական խորհրդանիշներից է։ Այն սահմանված է ՀՀ Սահմանադրությամբ և Դրոշի մասին օրենքով։ Կազմված է կարմիր, կապույտ, նարնջագույն գույներից (վերևից ներքև)՝ հորիզոնական հավասարաչափ շերտերով։ Այն չափերով և գույներով Հայաստանի Առաջին Հանրապետության (1918-1920 թթ) դրոշի կրկնությունն է։ՀՀ դրոշի մասին առաջին օրենքն ընդունել է ՀՀ Գերագույն խորհուրդը 1990 թ. օգոստոսի 24-ին։ Ներկա օրենքն ընդունվել է 2006 թ. հունիսի 15-ին 2005 թ. սահմանադրական փոփոխություններից հետո։
Ֆիոլետովո համայնքում բացվել է մոլոկանների ավանդական ժառանգությունը ներկայացնող սրահ 14.06.2023
Լոռու մարզպետի աշխատակազմի զարգացման ծրագրերի, զբոսաշրջության և վերլուծության բաժնի պետ Հասմիկ Մկրտչյանն օրերս Ֆիոլետովո համայնքում մասնակցել է «Չայբուշկա» մոլոկանների ժառանգության սրահի բացման արարողությանը։ Նախագիծն իրականություն է դարձել GIZ-ի կողմից իրականացվող ԵՄ-ն՝ բիզնեսի համար նախաձեռնության «Նորարարական տուրիզմի և տեխնոլոգիաների զարգացում Հայաստանի համար» ծրագրի աջակցությամբ:
Այսօր Արյան դոնորների միջազգային օրվա առթիվ Լոռու մարզի արյան փոխներարկման կայանում կազմակերպվել էր արյունատվության ակցիա, որին մասնակցում էին Լոռու մարզպետ Արամ Խաչատրյանը, Գուգարաց թեմի առաջնորդ գերաշնորհ Տեր Հովնան եպիսկոպոս Հակոբյանը, մարզպետի խորհրդական Տիգրան Հովսեփյանը, մարզպետի աշխատակազմի առողջապաhության և սոցիալական ոլորտի հարցերի վարչության պետ Ռուզաննա Պողոսյանը, Վանաձոր համայնքի ղեկավարի պաշտոնակատար Արկադի Փելեշյանը, մարզպետարանի և համայնքապետարանի այլ պաշտոնյաներ, մարզի առողջապահական հիմնարկների ղեկավարներ, բուժաշխատողներ, կամավորներ: Օրվա առթիվ հանդիսավոր միջոցառում էր կազմակերպվել:
Միջոցառում՝ նվիրված Արամ Խաչատրյանի 120-ամյակին 12.06.2023
Մեծն կոմպոզիտորի՝ Արամ Խաչատրյանի, ծննդյան 120-ամյակը Վանաձորում նշանավորվեց գեղեցիկ միջոցառմամբ, որն անցկացվեց Էդուարդ Կզարթմյանի անվան երաժշտական դպրոցի դահլիճում: Ներկա էին Լոռու մարզպետի տեղակալ Հովհաննես Ավետիսյանը, մարզպետարանի, համայնքապետարանի պաշտոնատար անձինք, երաժշտասեր հասարակություն: Դահլիճը լեփ-լեցուն էր մաեստրոյի հանճարեղ ստեղծագործությունների շնչով, հնչում էին Արամ Խաչատրյանի լավագույն ստեղծագործությունները՝ մեծ բավականություն պատճառելով հանդիսատեսին:
ՄարզMarket տոնավաճառ՝ Վանաձորում 12.06.2023
Վանաձորի «Արցախ» պուրակում անցկացվել է ՄարզMarket տոնավաճառը, որին ներկա են եղել Լոռու մարզպետի տեղակալ Հովհաննես Ավետիսյանը, Լոռու մարզպետի աշպատակազմի զարգացման ծրագրերի, զբոսաշրջության և վերլուծության բաժնի պետ Հասմիկ Մկրտչյանը, Վանաձորի համայնքապետի պաշտոնակատարի խորհրդական Արման Բերնեցյանը, մարզպետարանի պաշտոնյաներ, ծրագրի պատասխանատուներ, գործարարներ ու հյուրեր։ Տոնավաճառը կազմակերպել էր Հայաստանի սոցիալական աշխատողների ասոցիացիան՝ «Հայաստանում սոցիալական ներառման և ինքնաբավ կենսապահովման միջոցառումների խթանում» ծրագրի շրջանակում՝ Լոռու մարզպետարանի, աշխատանքի և սոցիալական հարցերի նախարարության և Միասնական սոցիալական ծառայության հետ համագործակցությամբ:
Լոռու մարզպետի խորհրդական Տիգրան Հովսեփյանն այսօր մասնակցել է պատերազմի մասնակից տղաների և հանուն հայրենիքի անմահացած զինվորների ընտանիքների համար «Արփի» ՀԿ-ի կողմից իրականացվող 2 ծրագրերի փակման արարողությանը, որն անց է կացվել Վանաձորի «Աստերի» հունական քաղցրավենիքների մասնագիտացված խանութ-սրճարանում: Եվրոպական միության կողմից «ՁԳՏՈՒՄ ավելի լավ ապագայի. համայնքների և քաղաքացիական հասարակության դիմակայունություն Հայաստանում» ծրագրի և «ԱՄՔՈՐ Հայաստան» բարեգործական հիմնադրամի միջոցով և աջակցությամբ այս տղաների, նրանց կանանց ու աղջիկների համար իրականացվել են կարողությունների զարգացման, կրթության և մասնագիտության ձեռքբերման կարևորագույն ծրագրեր:
