Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վանաձորը կունենա իր տեխնոպարկը 19.10.2012
ՀՀ Կառավարությունը նախաձեռնում է տեխնոպարկ կառուցել Վանաձորում: Ներկայումս քննարկվում են առկա հնարավորությունները, մարզկենտրոնի ինժեներատեխնիկական կազմի կողմից առաջարկվող տարբերակները: Այդ նպատակով հոկտեմբերի 18-ին Լոռու մարզպետարանում կազմակերպվել էր հանդիպում-քննարկում ՀՀ էկոնոմիկայի նախարարության արդյունաբերության և տեղեկատվական քաղաքականության վարչությունների ներկայացուցիչների, տեղեկատվական տեխնոլոգիաներ ներկայացնող կազմակերպությունների, ՀՊՃՀ Վանաձորի մասնաճյուղի և ՎՊՄԻ դասախոսների, շահագրգիռ կառույցների ներկայացուցիչների մասնակցությամբ: Հանդիպմանը մասնակցում էին նաև Լոռու մարզպետարանի աշխատակազմի ղեկավար Աշոտ Մանուկյանը, Լոռու մարզպետի խորհրդական Լևոն Ասլանյանը, արտաքին կապերի և զարգացման ծրագրերի բաժնի աշխատակիցները:
Մարզպետի շրջայցը Սպիտակի տարածաշրջանում էր 18.10.2012
Հոկտեմբերի 16-ին աշխատանքային այցով Սպիտակի տարածաշրջանի Ծաղկաբեր համայնք եկած Լոռու մարզպետ Արթուր Նալբանդյանին տեղի բնակիչները շտապեցին ներկայացնել գյուղի մտահոգությունները: Առաջնային խնդիրը, ինչպես տարիներ առաջ, ոռոգման և խմելու ջրի բացակայությունն է:
Հրատապ ծրագրում կընդգրկվեն չթերացող համայնքները 17.10.2012
Լոռու մարզպետ Արթուր Նալբանդյանի հերթական աշխատանքային խորհրդակցության ամենաօրախնդիր հարցը դարձյալ սեփական եկամուտներն էին, հարկերի հավաքագրումը: Մարզպետը ներկայացրեց այն քաղծառայողների, համայնքային ծառայողների ու առհասարակ պետբյուջեից աշխատավարձ ստացող անձանց ցանկը, ովքեր գույքահարկի և հողի հարկի պարտքեր են կուտակել տարիներ շարունակ:
«Թումանյանական օր» Դսեղում 13.10.2012
Հոկտեմբերի 13-ին Ամենայն հայոց բանաստեղծի ծննդավայր Դսեղում տեղի ունեցավ «Թումանյանական օր» ավանդական հանդիսությունը, որին մասնակցում էին տեղացի և Երևանից ժամանած լոռեցի գրողներ, հյուրեր Գերմանիայից, Լեհաստանից, Լիտվայից, Լատվիայից, Լիբանանից, Ռուսաստանից, Բելառուսից, Արցախից, Վրաստանից, մտավորականներ, Թումանյանի պոեզիայի հարյուրավոր սիրահարներ։ Բուն միջոցառումից առաջ հնչում էին հատվածներ Արմեն Տիգրանյանի «Անուշ» օպերայից, որի հնչյունների ներքո հյուրերը ծաղիկներ դրեցին այն հուշակոթողին, ուր ամփոփված է բանաստեղծի սիրտը։
«Հայկական ներկապնակ»-ը Օձունում 12.10.2012
ՀՀ մշակույթի նախարարության նախաձեռնությամբ Օձունում տեղի ունեցավ 2-րդ միջազգային նկարչական փառատոնը՝ «Հայկական ներկապնակ» խորագրով։ Փառատոնի կազմակիրպիչների թվում են նաև հայ և ռուս ժողովուրդների բարեկամության թանգարանը, «Փյունիկ» հիմնադրամը և «Լոռվա ձոր» հայրենակցական միությունը: Բացմանը ներկա էին նախաձեռնող և իրականացնող կողմերը, մարզային ու հոգևոր իշխանության ներկայացուցիները:
Հաղպատում մեկնարկեց ասմունքի փառատոնը 11.10.2012
Հոկտեմբերի 10-ին Հաղպատ գյուղում մեկնարկեց ՀՀ Ազգային ժողովի նախագահ Հովիկ Աբրահամյանի բարձր հովանու ներքո անցկացվող ասմունքի հանրապետական մանկապատանեկան 5-րդ փառատոնի մարզային փուլը: Փառատոնին իրենց մասնակցությունն էին բերել Հովիկ Աբրահամյանը, ԱԺ փոխնախագահներ Էդուարդ Շարմազանովն ու Հերմինե Նաղդալյանը, պատգամավորներ, տարածքային կառավարման ու մշակույթի նախարարությունների աշխատակիցներ, Լոռու մարզպետ Արթուր Նալբանդյանը, մարզպետարանի աշխատակիցներ, համայնքապետեր, մտավորականներ մարզից ու մայրաքաղաքից: Այս տարի փառատոնը նվիրված էր Սայաթ-Նովայի 300 և Եղիշե Չարենցի 115-ամյակներին:
