Տեղեկատվական կենտրոն
Նորություններ
![ՏԵՂԵԿԱՏՎՈՒԹՅՈՒՆ 18.05 – 22.05.2020թ. ֆիզիկական և իրավաբանական անձանց կողմից խոցելի խմբերին տրամադրած նվիրատվությունների վերաբերյալ ՏԵՂԵԿԱՏՎՈՒԹՅՈՒՆ 18.05 – 22.05.2020թ. ֆիզիկական և իրավաբանական անձանց կողմից խոցելի խմբերին տրամադրած նվիրատվությունների վերաբերյալ](http://lori.mtad.am/files/n_pics/25323_s.jpg)
«Ռուսաստանի հայերի միության» կողմից տրամադրված սննդօգնությունը Լոռու մարզպետարանի աջակցող խմբերի և կամավորների կողմից բաշխվել է մարզի սոցիալապես անապահով 170 ընտանիքի (ընդամենը մինչ այժմ՝1313): Աջակցությունը նախատեսված է ընդհանուր առմամբ 1500 ընտանիքի համար: «Աստղիկ» բարեգործական հիմնադրամի կողմից տրամադրված սննդօգնությունը նշված ժամանակահատվածում մարզպետարանի աջակցող խմբերի և կամավորների կողմից բաշխվել է Վանաձոր համայնքի և Գուգարքի տարածաշրջանի մինչ այժմ՝ 300 ընտանիքի: Ընդհանուր առմամբ այս ծրագրով աջակցություն կցուցաբերվի 500 ընտանիքի:
![Անցկացվեց մարզային զորակոչային հանձնաժողովի նիստը Անցկացվեց մարզային զորակոչային հանձնաժողովի նիստը](http://lori.mtad.am/files/n_pics/25330_s.jpg)
Անցկացվեց մարզային զորակոչային հանձնաժողովի նիստը 25.05.2020
Լոռու մարզպետարանում այսօր տեղի ունեցավ Լոռու մարզային զորակոչային հանձնաժողովի հերթական նիստը, որը վարում էր հանձնաժողովի նախագահ, Լոռու մարզպետ Անդրեյ Ղուկասյանը: Մարզի ղեկավարին ներկայացվեցին զորահավաքային տվյալները, ինչպես նաև տեղեկատվություն տրամադրվեց ամառային զորակոչի աշխատանքների կազմակերպման մասին:
![Աշխատանքային խորհրդակցություն Լոռու մարզպետարանում Աշխատանքային խորհրդակցություն Լոռու մարզպետարանում](http://lori.mtad.am/files/n_pics/25342_s.jpg)
Աշխատանքային խորհրդակցություն Լոռու մարզպետարանում 25.05.2020
Լոռու մարզպետ Անդրեյ Ղուկասյանն այսօր ընդլայնված խորհրդակցություն անցկացրեց փոխմարզպետ Գայանե Մարկոսյանի, կառուցվածքային ստորաբաժանումների ղեկավարների և մարզպետարանի պատասխանատու այլ պաշտոնյաների մասնակցությամբ: Մինչ օրակարգային հարցերին անցնելը, մարզպետ Անդրեյ Ղուկասյանը ներկայացրեց մարզպետարանի զարգացման ծրագրերի, զբոսաշրջության և վերլուծության բաժնի նորանշանակ պետ Հերմինե Գասպարյանին՝ մաղթելով աշխատանքային հաջողություններ:
![«Անասնապահության զարգացում Հայաստանում հարավ-հյուսիս» ծրագրի շրջանակներում այս տարի ևս մարզում շուրջ 100 մլն դրամի ներդրում կիրականացվի «Անասնապահության զարգացում Հայաստանում հարավ-հյուսիս» ծրագրի շրջանակներում այս տարի ևս մարզում շուրջ 100 մլն դրամի ներդրում կիրականացվի](http://lori.mtad.am/files/n_pics/25298_s.jpg)
«Ռազմավարական զարգացման գործակալություն» ՀԿ-ն Լոռու մարզում ակտիվ գործունեություն է ծավալում՝ մարզպետարանի հետ համագործակցությամբ իրականացնելով գյուղատնտեսության զարգացմանն ուղղված բազմաթիվ ծրագրեր: Նախորդ տարի ՀՀ պետական աջակցության ծրագրի, ինչպես նաև Շվեյցարիայի զարգացման և համագործակցության գործակալության և Ավստրիական զարգացման գործակալության կողմից ֆինանասավորվող «Անասնապահության զարգացում Հայաստանում հարավ-հյուսիս» ծրագրի շրջանակներում և թվով 4 ֆերմերների համաֆինանսավորմամբ մարզի Մարգահովիտ, Տաշիր համայնքներում և Բովաձոր բնակավայրում կառուցվեցին թվով 4 առաջատար, «խելացի» անասնաշենքեր՝ նախատեսված շուրջ 300 գլուխ տոհմային խոշոր եղջերավոր կենդանիների համար: Ներդրման գումարը ընդհանուր առմամբ կազմեց 226.5 մլն դրամ:
![Լոռու մարզպետ Անդրեյ Ղուկասյանի շնորհավորական ուղերձը Վերջին դասի կապակցությամբ Լոռու մարզպետ Անդրեյ Ղուկասյանի շնորհավորական ուղերձը Վերջին դասի կապակցությամբ](http://lori.mtad.am/files/n_pics/25299_s.jpg)
Լոռու մարզպետ Անդրեյ Ղուկասյանի շնորհավորական ուղերձը Վերջին դասի կապակցությամբ 22.05.2020
Սիրելի շրջանավարտնե՛ր, Այս տարի Վերջին դասը, ձեզ հայտնի պատճառներով, մեր մարզում, երկրում, ինչպես նաև ողջ աշխարհում նշվում է անսովոր պայմաններում: Շա՜տ ափսոս, որ նախորդ տարիների նման, հնարավորություն չունենք այս գեղեցիկ և հիշարժան օրվա առթիվ այցելելու ուսումնական հաստատություններ ու հնչեցնելու մեր բարեմաղթանքները, դիտելու ձեր գեղեցիկ կատարումները և հուզմունքով համեմված հրաժեշտի խոսքերը: Այսուհանդերձ, մենք բոլորս լցված ենք լավատեսությամբ և վստահ ենք, որ դժվարությունները շատ շուտով անցյալում կմնան:
![Ներքին զբոսաշրջության համար Լոռու մարզը պատրաստվում է լինել առաջատարի դիրքերում Ներքին զբոսաշրջության համար Լոռու մարզը պատրաստվում է լինել առաջատարի դիրքերում](http://lori.mtad.am/files/n_pics/25280_s.jpg)
Ներքին զբոսաշրջության համար Լոռու մարզը պատրաստվում է լինել առաջատարի դիրքերում 21.05.2020
Թեև համավարակի տարածման արդյունքում, ինչպես ամբողջ աշխարհում, այնպես էլ՝ Հայաստանում, ամենատուժած ոլորտներից է զբոսաշրջությունը, այնուամենայնիվ, Լոռու մարզպետ Անդրեյ Ղուկասյանի համոզմամբ, միևնույն ժամանակ լավ հնարավորություն ներքին տուրիզմը զարգացնելու համար, և այս նպատակով Լոռու մարզը պատրաստվում է լինել առաջատարի դիրքերում: Դրա համար Լոռին ունի բոլոր հնարավորությունները՝ չքնաղ բնություն, հարուստ պատմամշակութային արժեքներ, հյուրընկալ բնակիչներ և որ ամենակարևորն է՝ մարզային իշխանությունների ու ՀՀ կառավարության կողմից խրախուսվում և աջակցություն է ցուցաբերվում նաև զբոսաշրջության ոլորտում արվող ներդրումներին: