Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Նոր ուսումնական տարվա մեկնարկի կապակցությամբ սեպտեմբերի 14-ին մարզպետի տեղակալ Գայանե Մարկոսյանը եղավ Վանաձորի թիվ 7 հիմնական դպրոցում: Նա իր ջերմ բարեմաղթանքներն էր բերել առաջին դասարանցիներին. -Սիրելի՛ աշակերտներ, ձեզ մաղթում եմ բարի ուսումնառություն: Շնորհավորում եմ նաև ձեզ, հարգելի ուսուցիչներ և մաղթում, որ դպրոցի շենքային և գույքային պայմաններով առաջինը լինելով մարզում՝ առաջինը լինեք նաև կրթական մակարդակով,-ասաց Գ. Մարկոսյանը: Մարզպետարանի կրթության, մշակույթի և սպորտի վարչության պետի տեղակալ Արփինե Մատինյանի և դպրոցի տնօրեն Լուսիկ Սարգսյանի ուղեկցությամբ փոխմարզպետը շրջեց դպրոցում, ծանոթացավ շենքային պայմաններին, համաճարակային կանոնների պահպանման անհրաժեշտությամբ պայմանավորված՝ իրականացված նախապատրաստական աշխատանքներին:
Ինչպես արդեն նշել ենք, այսօր Լոռու մարզի քույր մարզ հանդիսացող Հարգիտա նահանգում անց է կացվում Տրանսիլվանիայի հունգարահայերի միության կողմից կազմակերպված hայկական արվեստի փառատոնը, որն ավանդական բնույթ ունի և նշվում է արդեն 10֊րդ անգամ: Համավարակով պայմանավորված իրավիճակից ելնելով հայկական պատվիրակությունը չկարողացավ ներկա գտնվել այս միջոցառմանը և Հարգիտային Գեորգեն քաղաքում անցակցող հանդիսավոր տոնակատարությանը հետևեց տեսակապի միջոցող: Բարեկամ մարզի գործընկերներին Լոռու մարզպետարանից ողջույններ հղեցին Լոռու մարզպետի տեղակալ Գայանե Մարկոսյանը, մարզպետարանի կրթության, մշակույթի և սպորտի վարչության պետ Ռաֆայել Հարությունյանը, Զարգացման ծրագրերի, զբոսաշրջության և վերլուծության բաժնի պետ Հերմինե Գասպարյանը:
Լոռու մարզում ավարտվեց վերջին՝ 14-րդ ծրագիրը 11.09.2020
«Վարձատրվող հասարակական աշխատանքների կազմակերպման միջոցով գործազուրկների ժամանակավոր զբաղվածության ապահովման» ծրագրի շրջանականերում ավարտվել է այս տարվա համար նախատեսված վերջին՝ 14-րդ ծրագիրը. Շենավան համայնքում կառուցվել է մանկական խաղահրապարակ և ցանկապատվել: Տեղադրվել է ցայտաղբյուր, ծրագրվածից կրկնակի ավելի խաղային սարքեր: Լոռու մարզպետարանի կողմից միջնորդություն է ներկայացվել ՀՀ աշխատանքի և սոցիալական հարցերի նախարարություն՝ ևս վեց ծրագիր տրամադրելու համար, քանի որ մինչև տարևերջ զգալի ժամանակ կա և այն կարելի է արդյունավետ օգտագործել:
Լեռնանքում կկառուցվի ջրահեռացման համակարգ, կվերակառուցվի հենապատը 10.09.2020
Լեռնանցք համայնքում նախատեսվում է իրականացնել մոտ 60 մ երկարությամբ հենապատի վերակառուցում և ամրացում, ինպես նաև համայնքի 15-րդ փողոցի հավաքովի վաքերով ջրահեռացման համակարգի կառուցում: Ծրագրի իրականացման արդյունքում կկանխվի հենապատի հնարավոր փլուզումը, ջրահեռացման համակարգի կառուցմամբ էլ՝ կենտրոնական ճանապարհի ասֆալտի քայքայումը:
Սեպտեմբերի 10-ից 13-ը Գեղարքունիքի մարզի Ճամբարակ համայնքում տեղի կունենա «Պլեներ-2020» եռօրյա փառատոնը.այն կհամախմբի երիտասարդ նկարիչների՝ հանրապետության բոլոր մարզերից: Փառատոնի անցկացման մասին Լոռու մարզպետարանի բաց հայտարարությանն արձագանքած 5 նկարիչներn իրենց կտավների միջոցով կբացահայտեն մարզի առանձնահատկությունները՝ բնությունը, մշակույթը, պատմությունը: Նրանց հետ հանդիպմանը փոխմարզպետը շեշտեց. սա լավ հնարավորություն է նոր ծանոթություններ հաստատելու, միջմշակութային կապերն ամրապնդելու և դառնալու հենց ա ՛յն օղակը, որը կներկայացնի մեր մարզը:
Ուշադրություն 09.09.2020
«Կանաչ արահետ» ՀԿ-ն Եվրոպական միության աջակցությամբ իրականացող «Սոցիալական ձեռներեցության էկոհամակարգի զարգացում սահմանամերձ գյուղերում՝ կանաչ առաջընթացի համար» ծրագրի շրջանակնում հայտարարել է մրցույթ Լոռու, Շիրակի և Տավուշի մարզերում Գյուղական Նորարարական Գիտելիքի Հանգույցների (Հաբերի) ստեղծման համար։ Գյուղական Հաբերի նպատակն է զարգացնել գյուղական բնակավայրերում երիտասարդների ակտիվությունը և նպաստել նրանց կրթական մակարդակի բարձրացմանը՝ թրեյնինգների, վերապատրաստումների և երիտասարդական ակտիվ միջոցառումների միջոցով: Մանրամասների և դիմելու ընթացակարգի վերաբերյալ տեղեկությանը կարելի ծանոթանալ հետևյալ հղումով՝ https://bit.ly/3bMclSX Հավելվածներ՝ https://bit.ly/33e0Rnc https://bit.ly/3bDzRS9 https://bit.ly/2Ff0NMf :
