Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հայտարարություն 19.07.2021
Օգոստոսի 12-ին Լոռու մարզում անց է կացվելու նկարչական մրցույթ՝ Հովհաննես Գազանճեանի հիշատակի «ՀՈԳԱԼ» հիմնադրամի հովանավորությամբ: Մանակցություն կարող են ունենալ Լոռու մարզի համայնքների 7-12 տարեկան այն երեխաները, ովքեր կհաղթեն համայնքում կայացած նախնական փուլում: Համայնքային առաջին փուլի հաղթողին կարող եք ներկայացնել մինչև հուլիսի 26-ը ներառյալ: Միջոցառումը կազմակերպվում է Լիլիա Աբրահամյանի առաջարկությամբ, Լոռու մարզպետարանի աջակցությամբ:
Վանաձորում հայտարարված համաքաղաքային շաբաթօրյակին մասնակցեց նաև Լոռու մարզպետարանի աշխատակազմը 19.07.2021
Վանաձորում հայտարարված է համաքաղաքային շաբաթօրյակ, որի շրջանակներում մաքրվում են քաղաքի փողոցներն ու հանրային վայրերը։ Քաղաքի մաքրման աշխատանքներին միացել է նաև Լոռու մարզպետարանի աշխատակազմը՝ մաքրման աշխատանքեր իրականացնելով մարզպետարանի շրջակայքում, Մոր և մանկան այգու տարածքում:
Ստեփանավանում տեղի է ունեցել ազատ ոճի ըմբշամարտի հանրապետական առաջնություն 19.07.2021
Հուլիսի 14-ից 15-ը Լոռու մարզպետարանի, մարզի ըմբշամարտի ֆեդերացիայի և Ստեփանավանի մանկապատանեկան մարզադպրոցի համագործակցության արդյունքում Ստեփանավան քաղաքում կայացել է ԽՍՀՄ սպորտի վարպետ Գագիկ Մանուկյանի հիշատակին նվիրված ազատ ոճի ըմբշամարտի հանրապետական առաջնություն: Հաղոթողները պարգևատրվել են գավաթներով և պատվոգրերով։ Միջոցառմանը ներկա են եղել Լոռու մարզպետի տեղակալ Գոռ Ասրյանը,մարզպետարանի կրթության, մշակույթի և սպորտի վարչության մշակույթի և սպորտի բաժնի աշխատակիցներ, սպորտոլորտի ներկայացուցիչներ: Գոռ Ասրյանը հանդես է եկել ողջույնի խոսքով, նաև շնորհակալագիր հանձնել Ստեփանավանի մարզադպրոցի տնօրեն Արտակ Սաքանյանին: Մրցաշարին աջակցելու և արդյունավետ համագործակցության համար շնորհակալագրի է արժանացել նաև Լոռու մարզպետ Արամ Խաչատրյանը:
«Մխիթար Սեբաստացի» կրթահամալիրի «Սեբաստացիներ» երգչախումբը հանդես կգա համերգով 19.07.2021
«Մխիթար Սեբաստացի» կրթահամալիրի «Սեբաստացիներ» երգչախումբը հանդես կգա համերգով Հուլիսի 23-ը «Մխիթար Սեբաստացի» կրթահամալիրի «Սեբաստացիներ» ուսուցչական երգչախմբի հիմնադիր գեղարվեստական ղեկավար, ՀՀ արվեստի վաստակավոր գործիչ մաեստրո Հարություն Թոփիկյանի ծննդյան օրն է։ Երգչախումբը ստանձնել է մաեստրոյին նվիրված հոգևոր երգերի ձայնասկավառակ-ալբոմի ստեղծումը, որի շնորհանդես-համերգը տեղի կունենա Վանաձորում՝ նվիրված Հարություն Թոփիկյանի 70 ամյակին ։ Երգչախումբը 11 .00-ին կլինի Օձունի տաճարում, 13.00-ին Ախթալայի վանքում 16.00-ին Վանաձորի Սուրբ Գրիգոր Նարեկացի եկեղեցում, 18․00-ին նախատեսված է «Կոմիտաս» ժողովրդական հանրային տոնախմբություն Վանաձորի «Արցախ» պուրակում:
Դսեղ համայնքը ձեռք կբերի գյուղտեխնիկա 19.07.2021
Այս տարվա սուբվենցիոն ծրագրի շրջանակներում Դսեղ համայնքը ձեռք կբերի գյուղտեխնիկա՝ կուլտիվատոր, կարտոֆիլ ցանող և հանող մեքենաներ, հողաֆրեզ, հացահատիկային շարքացան: Ծրագրի իրականացման արդյունքում համայնքում մշակվող հողատարածքները կավելանան մոտ 250 հա-ով: Ծրագրի ընդհանուր բյուջեն կազմում է մոտ 13.4 մլն դրամ, որից 6.03 մլն դրամը՝ պետական, 7.37 մլն դրամը համայնքային ներդրում է: Ծրագրի շահառու է մոտ 2200 բնակիչ:
Ռաֆայել Սեփխանյանը հետմահու պարգևատրվեց «Մարտական ծառայություն» մեդալով 16.07.2021
Արցախի Հանրապետության նախագահ Արայիկ Հարությունյանի հրամանագրի համաձայն՝ 2020 թվականի սեպտեմբերի 27-ին հակառակորդի սանձազերծած ռազմական գործողությունների ընթացքում Արցախի Հանրապետության պետական սահմանը պաշտպանելիս ցուցաբերած արիության ու խիզախության համար շարքային Ռաֆայել Աշոտի Սեփխանյանը հետմահու պարգևատրվեց «Մարտական ծառայություն» մեդալով: Լոռու մարզպետ Արամ Խաչատրյանը մարզի տարածքային ստորաբաժանման զորահավաքային բաժնի պետ փոխգնդապետ Կարեն Հայրապետյանի հետ միասին մեդալը հանձնեց Ռաֆայելի հայրիկին:
