Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Խաչքար՝ ի հիշատակ թաղամասի՝ Արցախյան 44֊օրյա պատերազմում նահատակված զինվորների 04.10.2021
Վանաձոր համայնքի Նարեկացի թաղամասում, ձեռամբ Գուգարաց թեմի առաջնորդ գերաշնորհ Տեր Հովնան եպիսկոպոս Հակոբյանի օծվեց խաչքար՝ ի հիշատակ թաղամասի՝ Արցախյան 44֊օրյա պատերազմում նահատակված զինվորների՝ Արման Խաչատրյանի, Վահե Հովակիմյանի, Արեն Առաքելյանի, Արթուր Շեկոյանի։ Արարողությանը ներկա էին Լոռու մարզպետի խորհրդական Հովհաննես Ավետիսյանը, մարզպետարանի և Վանաձորի համայնքապետարանի պաշտոնյաներ, բազմաթիվ վանաձորցիներ։ Խաչքարի և կից պուրակի կառուցման բարերարներն են թաղամասի բնակիչներ Արեն Անանյանը և Կարեն Մաճկալյանը։ Հավերժ փա՛ռք ձեզ, քաջարի՛ զինվորներ։
Անցկացվեցին «Ազգային Ժողովի գավաթի» խաղարկության համայնքային և մարզային փուլերը 04.10.2021
Վանաձորի աթլետիկայի մարզադպրոցում անցկացվեցին «Ազգային Ժողովի գավաթ»-ի խաղարկության համայնքային և մարզային փուլերը: Մասնակից թիմերին Լոռու մարզպետ Արամ Խաչատրյանի և իրենց անունից ողջունեցին մարզպետարանի կրթության, մշակույթի և սպորտի վարչության պետ Արամ Գրիգորյանը և մարզպետի օգնական Էրիկ Կոստանյանը: Մրցումների գլխավոր մրցավարն էր աթլետիկայի մարզադպրոցի տնօրենի պաշտոնակատար Սուրեն Վեքիլյանը:
Շնորհակալագրերի արժանացան պատանի ասմունքողները 01.10.2021
Լոռու մարզպես Արամ Խաչատրյանն այսօր ընդունեց «ԼԻՐԻԿԱ» ասմունքի և թատերական արվեստի հանրապետական 5-րդ մրցույթ-փառատոնի լոռեցի մրցանակիրներին և նրանց ծնողներին: Լոռու մարզից փառատոնին մասնակցել են Վանաձորի պոեզիայի թատրոնի սաները և 10 պատվավոր հորիզոնականներ զբաղեցրել: Ա.Խաչատրյանը նորանոր հաջողություններ մաղթեց, շնորհակալություն հայտնեց երեխաների ծնողներին լավ սերունդ դաստիարակելու համար և հավաստեց, որ մարզպետարանը իր հնարավորությունների շրջանակներում մարզի մշակութային ոլորտի աջակիցն է:
Պետություն-համայնք համատեղ ներդրմամբ Լոռու մարզի Վահագնաձոր և Ձորագյուղ համայնքներում վերաբացվել են նախակրթարանները, որոնք տարիներ շարունակ միջոցների բացակայության պատճառով չէին գործում: Այսօր մարզպետ Արամ Խաչատրյանը ներկա գտնվեց նախակրթարանների բացման հանդիսավոր արարողությանը: Վահագնաձորի նախակրթարանի համար ներդրվել է 13 մլն դրամ, որից 910 հազար դրամը՝ պետբյուջեի, 390 հազար դրամը՝ համայնքային ներդրումն է: Նախակրթարան այս պահին կհաճախի 15 երեխա, մինչդեռ այն հնարավորություն ունի ընդունելու մինչև 20 փոքրիկի:
Մարզի ղեկավարը հյուրընկալել էր Հայաստանում Նիդերլանդների դեսպան Նիկոլաս Յակոբ Սխերմերսին 01.10.2021
Այսօր Լոռու մարզպետ Արամ Խաչատրյանը հյուրընկալել էր Հայաստանում Նիդերլանդների դեսպան Նիկոլաս Յակոբ Սխերմերսին և դեսպանատան ներկայացուցիչներին: Հանդիպմանը ներկա էին նաև Լոռու մարզպետի տեղակալ Գոռ Ասրյանը, մարզպետարանի պատասխանատու պաշտնյաներ: Ողջունելով դեսպանի հերթական այցը Լոռու մարզ՝ մարզպետ Արամ Խաչատրյանը շնորհակալություն հայտնեց Նիդերլանդների կառավարությանը, դեսպանատանը մարզում մի շարք ծրագրերի իրականացման համար: -Վստահ եմ առաջիկայում ևս այս ծրագրերը շարունակական կլինեն: Ուզում եմ վստահ լինեք, որ մարզպետարանը իր ուժերի և հնարավորությունների սահմաններում, պատրաստ է աջակցելու այդ ծրագրերի լիարժեք իրականացմանը,-ասաց Ա. Խաչատրյանը:
Լոռու մարզպետի տեղակալ Գոռ Ասրյանը մարզպետարանի գյուղատնտեսության և բնապահպանության վարչության պետ Արուս Թումանյանի, գյուղատնտեսության բաժնի պետ Արտյոմ Շահվերդյանի ուղեկցությամբ աշխատանքային այցով եղել է Լոռու մարզի Դսեղ և Շնող համայնքներում՝ վերջիններիս կողմից ձեռբերված գյուղտեխնիկային և համայնքներում աշնանացանի նախապատրաստական աշխատանքների ընթացքին հետևելու նպատակով: Այս տարի համայնքները պետություն-համայնք համատեղ ներդրմամբ իրականացվող սուբվենցիոն ծրագրերի շրջանակներում ձեռք են բերել գյուղատնտեսական տեխնիկա և գործիքներ՝ գյուղատնտեսական աշխատանքներն առավել ակտիվ և արդյունավետ իրականացնելու նպատակով, ինչը կօգնի զգալիորեն դյուրին դարձնել աշխատանքների ընթացքը և ավելացնել մշակովի հողատարածքները:
