Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու պատմամշակութային վայրերը՝ ավելի մաքուր ու գրավիչ 14.07.2020
Հայաստանի պրոֆեսիոնալ զբոսավարների հայկական ասոցիացիայի 36 անդամները Լոռու մարզում էին՝ մեր մարզի պատմական նշանակություն ունեցող համալիրները աղբից ազատելու համար: Լոռու մարզպետարանն աջակցել է աշխատանքների կազմակերպմանը, համայնքները աղբահանության մեքենաներ են տրամադրել: Հաղպատ, Սանահին, Քոբայր, Լոռի Բերդ ,Օձունի վանք ու մինչև Հոռոմայր տանող ճանապարհը զբոսավարները մաքրել են՝ այն հույսով, որ տեղացիները ունեցածը պահելու և հատկապես՝ մաքո ՛ւր պահելու գործում կմիավորվեն, իրենց ջանքերն էլ իզուր չեն անցնի:
123 պլանշետ Լոռու մարզի դպրոցներին 13.07.2020
ԿԳՄՍ նախարարության և «Փրկե՛ք երեխաներին» միջազգային կազմակերպության միջև կնքված համաձայնագրի համաձայն հանրապետության թվով 3 մարզերի, այդ թվում և Լոռու մարզին տրամադրվել է 123 պլանշետ՝ դրանք դպրոցներին բաշխելու և անհրաժեշտության դեպքում նոր ուսումնական տարվա սկզբին հեռավար ուսուցումը պատշաճ կազմակերպելու նպատակով:
Կապահովվի անձրևաջրերի կանոնավոր հեռացումը 13.07.2020
Գուգարք համայնքում այս տարի սուբվենցիոն միջոցներով իրականացվելիք ծրագրի արդյունքում նախատեսվում է ջրահավաք հորի կառուցում համայնքի 14-րդ փողոցում և ջրահեռացման առվակի կառուցում Էներգետիկների 5-րդ փողոցի 7-րդ շենքին հարակից մասում` ապահովելով անձրևաջրերի կանոնավոր հեռացումը: Ընդհանուր բյուջեն` նախահաշվային արժեքով, կազմում է 12մլն887հազար դրամ, որից շուրջ 7 մլն դրամը կհատկացվի պետբյուջեից, մնացած մասը համայնքային ներդրումն է:
Կաթնաջուրում կասֆալտապատվի դեպի գերեզմանատուն տանող ճանապարհը 13.07.2020
Կաթնաջուր համայնքում կասֆալտապատվի դեպի գերեզմանատուն տանող ճանապարհի շուրջ 400 գծմ հատվածը: Այս ծրագիրը մեծ կարևորություն ունի համայնքի համար և իրականացվում է բնակիչների խնդրանքով: Ընդհանուր բյուջեն` նախահաշվային արժեքով, կազմում է շուրջ 25 մլն դրամ, որից ավելիքան 17 մլն դրամը կհատկացվի պետբյուջեից, մնացած մասը համայնքային ներդրումն է:
Վանաձորում մեծածավալ քաղաքաշինական և ճանապարհաշինական աշխատանքներ են կատարվում թե՛ սուբվենցիոն և թե՛ պետբյուջեի միջոցներով իրականացվող այլ ծրագրերի շրջանակներում: Այլ խնդիր է, սակայն, որակը և աշխատանքների իրականացման ժամկետները գոհացնու՞մ են, թե՝ ոչ: Վանաձորում սուբվենցիոն միջոցներով դեռևս 2019թ.-ից մեկնարկած ծրագրերի շինաշխատանքներն հիմնականում իրականացվել են ժամկետների ուշացումներով ու ընթացիկ թերացումներով:
Կվերանորոգվի Կողես բնակավայրի ջրամատակարարման ներքին ցանցը 10.07.2020
Լոռի Բերդ համայնքի Կողես բնակավայրում սուբվենցիոն միջոցներով այս տարի կնորոգվեն ջրամատակարարման ներքին ցանցի վնասված հատվածները. նորով կփոխարինվի շուրջ 2000 գծմ խողովակ, կկառուցվի 5 դիտահոր, կտեղադրվեն 80 ջրաչափ և փականներ, կնորոգվի նաև օրվա կարգավորիչ ջրամբարը՝ լիարժեք ջրամատակարարման հնարավորություն ընձեռելով շուրջ 320 բնակչի: Ծրագրի ընդհանուր բյուջեն` նախահաշվային արժեքով, կազմում է 14 մլն 900 հազար դրամ, որից շուրջ 5 մլն դրամը համայնքային ներդրումն է:
