Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Առաջընթացի միակ ուղին դինամիկ զարգացում ապահովելն է 16.07.2020
Մարզպետ Անդրեյ Ղուկասյանի հանձնարարությամբ կիսամյակային աշխատանքային հաշվետվություններով հանդես եկան Վանաձորի, Ստեփանավանի և Ալավերդու բժշկական կենտրոնների տնօրենները՝ ներկայացնելով նախորդ տարվա նույն ժամանակահատվածի հետ համեմատական ցուցանիշներ, խոսելով նաև խնդիրներից և ապագա ծրագրերից: Այս տարվա առաջին կիսամյակին (հատկապես մարտ-ապրիլ ամիսներին), թեև վճարովի ծառայությունների աճի տեմպերը Վանաձորի և Ստեփանավանի ԲԿ-ներում փոքր-ինչ նվազել են, կապված համավարակի հետ, սակայն բացարձակ թվերով ավելին են եղել 2019թ. համեմատությամբ: Ներդրված մի շարք ծառայությունների հաշվին՝ բոլոր բուժհաստատություններում զգալիորեն աճել են պետպատվերով ծառայությունները: Շուրջ 15-20 տոկոսով բարձրացվել են աշխատավարձերը:
Պարգևատրվեցին «Մնա տանը-եղիր առողջ» խորագրով մրցույթի հաղթողները 15.07.2020
«Մնա տանը-եղիր առողջ» խորագրով ֆիզկուլտուրային համալիր վարժությունների տեսաձայնագրությունների մրցույթում հաղթող ճանաչված 3 դպրոցականներ այսօր արժանացան ՀՀ ԿԳՄՍ նախարարության շնորհակալագրին, իսկ Լոռու մարզպետ Անդրեյ Ղուկասյանի կողմից՝ գավաթների: Պարգևները Վանաձորի թիվ 28 և թիվ 23 հիմնական դպրոցների 6-րդ դասարանների աշակերտուհիներ Անի Հակոբյանին և Վիկտորիա Շեկյանին հանձնեց Լոռու մարզպետարանի կրթության, մշակույթի և սպորտի վարչության պետ Ռաֆայել Հարությունյանը՝ մարզի ղեկավարի և իր անունից մաղթելով նորանոր նվաճումներ: Մյուս մրցանակակրի՝ Ստեփանավանի թիվ 6 միջնակարգ դպրոցի 7-րդ դասարանի աշակերտ Սեյրան Կարապետյանի պարգևները կհանձնվեն դպրոցում: Մրցույթը ՀՀ ԿԳՄՍ նախարարության նախաձեռնությամբ անց էր կացվել միջին դասարանների(5-9-րդ) աշակերտների շրջանում: Լոռու մարզից մասնակցել էր 103 դպրոցական:
Լոռի-Մազանդարան քույր մարզերի աշխատանքային խմբերն սկսում են աշխատանքը 15.07.2020
Լոռու մարզի և վերջինիս քույր մարզ հանդիսացող Իրանի Իսլամական Հանրապետության Մազանդարան նահանգի միջև այսօր տեղի ունեցավ տեսակապի միջոցով հերթական հանդիպում-քննարկումը, որին մասնակցում էին Լոռու մարզպետի տեղակալ Գայանե Մարկոսյանը, Մազանդարանի փոխնահանգապետ Հասան Խեյրիյանփուրը, երկու կողմերի այլ պատասխանատու պաշտոնյաներ: Իր և մարզի ղեկավարի անունից ողջունելով քույր մարզի ներկայացուցիչներին՝ Գ. Մարկոսյանը նշեց, որ նախորդ հանդիպմանը ձեռքբերված պայմանավորվածության համաձայն իր նախագահությամբ Լոռու մարզպետարանում ձևավորվել է աշխատանքային խումբ՝ մարզպետարանի ոլորտային պատասխանատուների և մարզի մի շարք գործարարների մասնակցությամբ՝ նպատակ ունենալով համագործակցությունը տեղափոխել առավել գործնական հարթակ:
Հուլիսի 14-ին Լոռու մարզպետ Անդրեյ Ղուկասյանը, «Ռազմավարական զարգացման գործակալություն» ՀԿ-ի նախագահ Մկրտիչ Այվազյանը և «Անասնապահության զարգացում Հայաստանում՝ հարավ-հյուսիս» ծրագրի ղեկավար Վահե Հովհաննիսյանը շրջայց կատարեցին՝ «Անասնապահության զարգացում Հայաստանում՝ հարավ-հյուսիս» ծրագրի շրջանակներում մարզում իրականացված աշխատանքներին տեղում ծանոթանալու, ծրագրի արդյունքները դիտարկելու նպատակով:
Շուրջ 518 մլն դրամ՝ մարզի 14 համայնքում ֆուտբոլի խաղադաշտերի կառուցման համար 14.07.2020
Լոռու մարզպետարան- Հայաստանի ֆուտբոլի ֆեդերացիա համագործակցության արդյունքում մարզի 14 համայնքում արհեստական խոտածածկով ֆուտբոլի խաղադաշտեր կկառուցվեն: Նախագիծն իրականացվում է «Աջակցություն Հայաստանի Հանրապետության մարզերում ֆուտբոլի զարգացմանը» ծրագրի շրջանակում: Նպատակը՝ առողջ ապրելակերպի, մարզական կյանքի ակտիվության խթանումն ու մասսայական-մանկապատանեկան ֆուտբոլի զարգացումն է: Առաջիկայում կմեկնարկեն մարզադաշտերի կառուցման աշխատանքները:
Սպիտակ համայնքում կասֆալտապատվի ընդհանուր առմամբ 7600 քառ. մետր տարածք 14.07.2020
Սպիտակում սուբվենցիոն միջոցներով այս տարի կասֆալտապատվեն Ալեք Մանուկյան, Ավետիսյան և Թորոսյան փողոցների մի շարք շենքերի, ինչպես նաև Ուզբեկական, Եռանկյունի և Վարպետաց թաղամասերի ճանապարհները` ընդգրկելով ընդհանուր մոտ 7600 քառ. մետր մակերեսով տարածք: Ծրագրի ընդհանուր բյուջեն` նախահաշվային արժեքով, կազմում է 88 մլն դրամ, որից շուրջ 44 մլն դրամը համայնքային ներդրումն է: Ծրագրի հիմնական շահառու է շուրջ 6600 բնակիչ:
