Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր Վանաձորի Կերպարվեստի թանգարանում տրվեց Եվրամիության «Տեղական դերակատարների զորեղացում հանուն զարգացման Լոռու և Տավուշի մարզերում» ծրագրի մարզային մեկնարկը։ Միջոցառմանը մասնակցում էին Լոռու մարզպետի տեղակալ Գոռ Ասրյանը, մարզպետարանի այլ պատասխանատու պաշտոնյաներ, ներկայացուցիչներ Հայաստանում Եվրոպական միության պատվիրակությունից, ՄԱԿ-ի Զարգացման ծրագրից, ՄԱԿ-ի Պարենի և գյուղատնտեսության կազմակերպությունից, համայնքների և բնակավայրերի կառավարման մարմիններից, բիզնես համայնքից, քաղաքացիական հասարակությունից և կրթական ոլորտից։
Լոռու մարզպետ Արամ Խաչատրյանն այսօր Վանաձորի համայնքապետարանի աշխատակազմին ներկայացրեց Վանաձոր համայնքի ղեկավարի ժամանակավոր պաշտոնակատար Վանիկ Օհանյանին: Ինչպես հայտնի է, ՀՀ վարչապետ Նիկոլ Փաշինյանի հոկտեմբերի 12-ի թիվ 1148-Ա որոշմամբ Վանիկ Օհանյանը նշանակվել է Վանաձոր համայնքի ղեկավարի ժամանակավոր պաշտոնակատար: Մարզպետ Ա. Խաչատրյանը շնորհավորեց Վ. Օհանյանին պաշտոնը ստանձնելու կապակցությամբ՝ մաղթելով աշխատանքային հաջողություններ: Նա հույս հայտնեց, որ պաշտոնավարման ժամանակահատվածում Վ. Օհանյանը պատվով և պատասխանատվությամբ կկատարի իրեն վստահված աշխատանքը, հատկապես այնպիսի բարդ շրջափուլում, ինչպիսին առաջիկայում սպասվող համայնքների խոշորացման գործընթացն է և Վանաձոր համայնքի ավագանու ընտրությունները:
Լոռու մարզում կայացավ «Բերքի տոն 2021» տոնահանդեսը 11.10.2021
Բերիքի տոն 2021» ավանդական տոնահանդեսն այս տարի անցկացվեց Մեծավան համայնքի վարչական տարածքում: Միջոցառմանը մասնակցում էին Լոռու մարզի գյուղական և քաղաքային համայնքները՝ ներկայացնելով իրենց արտադրած օրգանական և բնական գյուղմթերքը, բերքն ու բարիքը, տեղական արտադրության բազմազան սնունդն ու այլ արտադրանքներ, նաև՝ ձեռք բերված գյուղտեխնիկան: Ներկաները մեկ րոպե լռությամբ հարգեցին 44-օրյա պատերազմի զոհերի հիշատակը, որից հետո մեկնարկեց միջոցառումը: Տոնի մասնակիցներին և հյուրերին ողջունեց Լոռու մարզպետ Արամ Խաչատրյանը՝ վստահեցնելով, որ սերտ համագործակցության ու համատեղ ջանքերի շնորհիվ գյուղատնտեսության ոլորտում կհաջողվի արձանագրել նոր հաջողություններ ու ձեռքբերումներ.
Հոկտեմբերի 8-ին Լոռու մարզպետ Արամ Խաչատրյանի ղեկավարությամբ, Լոռու մարզային փրկարարական վարչության պետ, փ/ծ գնդապետ Սերոբ Գաբրիելյանի, վարչության աշխատակիցների և համապատասխան մի շարք այլ կառույցների մասնակցությամբ անցկացվեց «ՀՀ Լոռու մարզի անտառային ու այլ բուսածածկ տարածքներում առաջացած խոշոր հրդեհների մարման աշխատանքների կազմակերպում և իրականացում» թեմայով հրամանատարաշտաբային ուսումնավարժություն: Ազդարարումը տեղի ունեցավ վաղ առավոտյան՝ 8.00-ին, այնուհետ 9.30-ին Լոռու մարզպետարանի դահլիճում անցկացվեց ուսումնավարժության տեսական հատվածը:
Վանաձորի արվեստի պետական քոլեջը շահագործման կհանձնվի հոկտեմբերի վերջին 08.10.2021
Լոռու մարզպետ Արամ Խաչատրյանը և ՀՀ քաղաքաշինության կոմիտեի նախագահ Արմեն Ղուլարյանը մարզպետարանի և կոմիտեի պատասխանատու պաշտոնյաների ուղեկցությամբ ծանոթացել են Վանաձորի Մ. Թավրիզյանի անվան արվեստի պետական քոլեջի վերակառուցման ծրագրի ընթացքին: Վերջինս ինչպես հայտնի է իրականացվում է ՀՀ քաղաքաշինության կոմիտեի պատվիրատվությամբ և պետբյուջեի ֆինանսավորմամբ:
Սպիտակի թիվ 8 միջնակարգ դպրոցում բացվեցին զգայական, խոհարարական սենյակներ և մարզախաղահրապարակ 06.10.2021
Չեխիայի հանրապետության, ՀՀ-ում Չեխիայի հանրապետության դեսպանատան և «Rotary Club of Yerevan-International» ակումբի համաֆինանսավորմամբ Սպիտակի Ան. Շիրակացու անվան թիվ 8 միջնակարգ դպրոցում իրականցավել է 25.000 դոլար արժողությամբ ծրագիր: Ծրագրի արդյունքում այսօր դպրոցում բացվեցին՝ զգայական սենյակ՝ համապատասխան կահավորմամբ, խոհարարական սենյակ՝ գույքով և խոհանոցային լավագույն տեխնիկայով, խաղահրապարակ՝ մարզասարքերով և հաճելի ժամանցի միջավայրով: Ծրագրի բացման արարողությանը ներկա էին Լոռու մարզպետի տեղակալ Գոռ Ասրյանը, Հայաստանում Չեխիայի Հանրապետության դեսպան Բեդրիխ Կոպեցկին, «Rotary Club of Yerevan-International» ակումբի նախագահ Վահագն Նազարյանը, Սպիտակի համայնքապետի ժամանակավոր պաշտոնակատար Քաջայր Նիկողոսյանը, մարզային և համայնքային պաշտոնաատար այլ անձինք:
