Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արամ Խաչատրյանն աշխատանքային այցով Ստեփանավանում էր՝ ծանոթանալու սուբվենցիոն միջոցներով իրականացվող ծրագրերին: Մարզպետին ուղեկցում էին Ստեփանավան համայնքի ղեկավարի ժամանակավոր պաշտոնակատար Արմեն Գրիգրյանը, Լոռու մարզպետարանի քաղաքաշինության վարչության պետ Դավիթ Մանուչարյանը, Ստեփանավանի համայնքապետարանի պաշտոնյաներ և ոլորտի պատասխանատուներ:
Մարզպետը ծանոթացավ Վանաձորում իրականացվող սուբվեցիոն ծրագրերի ընթացքին 25.10.2021
Պետություն-համայնք համատեղ ներդրմամբ՝ սուբվենցիոն միջոցներով, Վանաձորում այս տարի իրականացվում է 4 խոշորածավալ ծրագիր: Ծրագրերի ընթացքին ծանոթանալու նպատակով Լոռու մարզպետ Արամ Խաչատրյանն այսօր աշխատանքային օրն անցկացրեց շինհրապարակներում: Մարզպետին ուղեկցում էին Վանաձոր համայնքի ղեկավարի ժամանակավոր պաշտոնակատար Վանիկ Օհանյանը, Լոռու մարզպետարանի քաղաքաշինության վարչության պետ Դավիթ Մանուչարյանը, Վանաձորի համայնքապետարանի պաշտոնյաներ և ոլորտի պատասխանատուներ: Վանաձորում իրականացվող սուբվենցիոն ծրագրերն են.
Կյանքս՝ կյանքիդ գնով․ Սևակ Սերոբյանի անունով Մեծավանի դպրոցում դասասենյակ անվանակոչվեց 21.10.2021
Արցախյան 44-օրյա պատերազմում հերոսաբար նահատակված Սևակ Սերոբյանի անունն է այսուհետ կրելու Մեծավանի թիվ 1 միջնակարգ դպրոցի դասասենյակներից մեկը, որտեղ նա ամեն օր ժպիտը դեմքին մտնում էր՝ որպես սիրված ուսուցիչ և դասղեկ: Դպրոցի կոլեկտիվն ու աշակերտները բազմաթիվ հուշեր ունեն սիրելի Սևակի հետ կապված, ու այդ հուշերից այսօր պատառիկներ պատմեցին դասասենյակի անվանակոչության կապակցությամբ կազմակերպված միջոցառման ընթացքում:
Մեկնարկել է Հայ-ռուսական միջտարածաշրջանային 8-րդ ֆորումը 19.10.2021
Մեկնարկել են Հայ-ռուսական միջտարածաշրջանային 8-րդ ֆորումի աշխատանքները, որը կազմակերպվել է ՀՀ տարածքային կառավարման և ենթակառուցվածքների նախարարության և ՌԴ տնտեսական զարգացման նախարարության կողմից։ Ֆորումի շրջանակում այսօր անցկացվեցին կլոր սեղաններ հետևյալ թեմաներով՝ «Եվրասիական գործընկերության շրջանակներում Հայաստանի և Ռուսաստանի միջև տնտեսական համագործակցության զարգացման հեռանկարները» «Արդյունաբերական կլաստերների ներուժը. համատեղ նախագծերի իրականացում» « Պատմամշակութային զբոսաշրջության զարգացում» «ՀՀ և ՌԴ մարզեր․կրթական և երիտասարդական համագործակցություն» «Սոցիալ-տնտեսական միջտարածաշրջանային համագործակցության զարգացումը հետհամաճարակային շրջանում»։
Լոռու մարզպետ Արամ Խաչատրյանն այսօր աշխատանքային այցով եղավ Ախթալա խոշորացված համայնքում՝ պետություն-համայնք համատեղ ներդրմամբ իրականացվող սուբվենցիոն ծրագրերի ընթացքին ծանոթանալու նպատակով: Այցին միացել էր նաև Ազգային ժողովի պատգամավոր Արեն Մկրտչյանը: Մարզի ղեկավարին ուղեկցում էին Լոռու մարզպետարանի քաղաքաշինության վարչության պետ Դավիթ Մանուչարյանը, վարչության տրանսպորտի և ճանապարհաշինության բաժնի պետ Վահրամ Ղարսայանը,:
Մարզպետը հորդորեց Ալավերդիում աշխատանքներն իրականացնել խիստ որակով 18.10.2021
Մարզպետ Արամ Խաչատրյանն աշխատանքային այցով եղել է Ալավերդի խոշորացված համայնքում՝ այստեղ իրականացվող սուբվենցիոն ծրագրերի ընթացքին հետևելու նպատակով: Մարզի ղեկավարին միացել էր նաև ԱԺ պատգամավոր Արեն Մկրտչյանը։ Այստեղ իրականացվող ծրագրերից առաջինը Ալավերդի բնակավայրի բազմաբնակարան շենքերի բարեկարգումն է, ինչի հետ կապված դժգոհության ալիք էր բարձրացել: Ինչպես հայտնի է, օրեր առաջ անձրևաջրերը հեղեղել էին դեռևս հիմնանորոգման ընթացքում գտնվող շենքի վերևի հարկերում տեղակայված բնակարանները, և բնակիչներն իրենց դժգոհությունն էին հայտնում այդ առիթով: Բնակիչները խնդիրը տեղում ներկայացրեցին նաև Ա. Խաչատրյանին:
