Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ասֆալտապատման աշխատանքներ՝ Լեռնապատում 21.07.2020
Լեռնապատ համայնքում սուբվենցիոն ծրագրերով այս տարի կասֆալտապատվի 11-րդ փողոցի 300 մ երկարությամբ և 4 մ լայնությամբ հատվածը: Ծրագրի ընդհանուր բյուջեն` նախահաշվային արժեքով, կազմում է ավելի քան 14 մլն դրամ, որից շուրջ 8 մլն դրամը կներդրվի պետբյուջեից, մնացածը՝ համայնքային ներդրումն է: Ծրագրի հիմնական շահառու է շուրջ 630 մարդ:
Վանաձորում ճանապարհաշինական թերությունները շտկելու վերջնաժամկետն օգոստոսի 1-ն է 20.07.2020
Մարզպետ Անդրեյ Ղուկասյանի հերթական շրջայցը մարզկենտրոն Վանաձորում՝ նպատակ ուներ ուսումնասիրելու 2019թ.-ին սուբվենցիոն միջոցներով իրականացված, սակայն որակական լուրջ խնդիրների պատճառով այդպես էլ չընդունված ճանապարհաշինական ծրագրերը, շինարարի հետ քննարկելու հետագա քայլերը: Ինչպես հայտնի է, նախորդ տարի մրցույթով հաղթող ճանաչված ճանապարհաշինական կազմակերպությունը՝ «Մ. Բուատ» ՍՊԸ-ն, պարտավորվել էր հիմնանորոգել 14 փողոց, աշխատանքներ էր իրականացրել 6 փողոցում, որոնցից ընդունվել և վճարվել էր միայն 1-ի համար(Զեյթունի փողոցից մինչև Սեբաստիայի փողոց), 5-ում որակի հետ կապված խնդիրներ էին արձանագրվել: Լանջային փողոցի կառուցման անորակության փաստն ընդունել էր նաև շինկազմակերպությունը. այստեղ աշխատանքները պետք է իրականացվեն նորովի:
Փողոցային լուսավորության ընդլայնում Լեռնավանում 20.07.2020
Այս տարի Լեռնավան համայնքում սուբվենցիոն միջոցներով կանցկացվի շուրջ 2500 գծմ երկարությամբ փողոցային լուսավորություն։ Կտեղադրվի 82 լուսատու՝ 1-ին, 8-րդ, 11-րդ, 14-րդ, 15-րդ և 19-րդ փողոցներում։ Ծրագրի ընդհանուր բյուջեն` նախահաշվային արժեքով, կազմում է ավելի քան 11 մլն դրամ, որից՝ 6 մլն դրամը կհատկացվի պետբյուջեից, մնացածը համայնքային ներդրումն է: Շահառու է համայնքի ողջ բնակչությունը` մոտ 1700 մարդ:
Ա. Ղուկասյան. Նման իրավիճակը փնթի կառավարման արդյունք է 17.07.2020
Այս տարի Վանաձորի սուբվենցիոն ծրագրերը թե՛ ծավալային և թե՛ ֆինանսական առումով աննախադեպ են. կիրականացվի 4 ծրագիր՝ ընդհանուր առմամբ 1 մլրդ 360.6 մլն դրամ ներդրմամբ (754.6 մլն դրամ՝ պետբյուջեի միջոցներից, 438.8 մլն դրամ համայնքային ներդրում, մնացածը՝ այլ): Աշխատանքների մեկնարկը, բացառությամբ մի քանի օբյեկտների, հիմնականում տրված է. այսօր իրականացված շրջայցի ընթացքում մարզպետ Անդրեյ Ղուկասյանի դիտարկումներն այս փուլում՝ գոհացուցիչ էին.
Շուրջօրյա ջրամատակարարում՝ Շամուտ բնակավայրում 17.07.2020
Թումանյան խոշորացված համայնքի Շամուտ բնակավայրի դպրոցը, նախակրթարանը և թվով 51 տնային տնտեսություն այս տարի կապահովվեն շուրջօրյա ջրամատակարարմամբ. կհիմնանորոգվի խմելու ջրի արտաքին ցանցը: Նախատեսվում է բնակավայրը սնուցող ընդհանուր մոտ 3 կմ երկարությամբ պողպատե խողովակները փոխարինել պոլիէթիլենային խողովակներով:
Գուգարք համայնքում կասֆալտապատվի 365 մ ճանապարհահատված 17.07.2020
Գուգարք համայնքում սուբվենցիոն միջոցներով այս տարի կասֆալտապատվեն 1-ին փողոցի շուրջ 190 մ և 6-րդ փողոցի շուրջ 175 մ երկարությամբ հատվածները: Ծրագրի ընդհանուր բյուջեն` նախահաշվային արժեքով, ավելի քան 41 մլն դրամ է, որից շուրջ 23 մլն դրամը կֆինանսավորվի պետբյուջեից, մնացածը համայնքային ներդրումն է: Ծրագրի հիմնական շահառու է շուրջ 2000 մարդ:
