Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արամ Ռևազյանը Հ. Աբելյանի անվան թատրոնի կողմից պարգևատրվել է պատվոգրով և հոբելյանական կրծքանշանով 03.11.2021
Լոռու մարզպետարանի կրթության, մշակույթի և սպորտի վարչության մշակույթի և սպորտի բաժնի պետ Արամ Ռևազյանը Վանաձորի Հովհաննես Աբելյանի անվան պետական դրամատիկական թատրոնի 90-րդ հոբելյանական թատերաշրջանի կայացման կապակցությամբ, թատրոնի բարեկամը լինելու և մշտապես արդյունավետ համագործակցության համար պարգևատրվել է պատվոգրով և հոբելյանական կրծքանշանով: Շնորհավորում ենք:
Շարժական մամոգրաֆը դեկտեմբերի 1-ից կգործի ՀՀ Լոռու մարզի Ստեփանավան քաղաքում 01.11.2021
Ստեփանավանի տարածաշրջանում՝ մամոգրաֆիայի ազգային ծրագրի նախապատրաստական աշխատանքների մեկնարկի կապակցությամբ տեղի ունեցավ հանդիպում, ԱԱՊ օղակի բուժանձնակազմի հետ, որին մասնակցում էին ՀՀ Լոռու փոխմարզպետ Գոռ Ասրյանը, ՀՀ Լոռու մարզպետարանի առողջապահության և սոցիալական ապահովության վարչության պետ՝ Ռուզաննա Պողոսյանը, ինչպես նաև ՀՀ ԱՆ ԱԾԻԳ ՊՀ տնօրեն՝ Երվանդ Էլիբեկյանը։
Լոռու մարզի և Սամարայի շրջանի միջև համագործակցության և բարեկամության սկիզբը դրված է 29.10.2021
Հայաստանի Հանրապետությունում Ռոսհամագործակցության ներկայացուցչության առաջարկությամբ առաջիկայում կդրվի ՀՀ Լոռու մարզի և ՌԴ Սամարայի շրջանի միջև համագործակցության և բարեկամության սկիզբը: Համագործակցության հնարավոր ուղղությունների վերաբերյալ բանակցությունների անցկացման նպատակով այսօր առցանց հանդիպում անցկացվեց կողմերի ներկայացուցչությունների միջև: Լոռու մարզը ներկայացնում էին մարզպետի խորհրդական Արմեն Հարությունյանը, մարզպետարանի պատասխանատու կառուցվածքային ստորաբաժանումների ղեկավարներ, Հայաստանի Հանրապետությունում Ռոսհամագործակցության ներկայացուցչության ղեկավարի տեղակալ Անտոն Բերյանեվը, Սամարայի շրջանի նահանգապետի վարչակազմի արտաքին կապերի վարչության պետ Սերգեյ Զախարովը, նահանգապետարանի պատասխանատու պաշտոնյաներ, այլք:
Հարգանքի տուրք 28.10.2021
1999թ. հոկտեմբերի 27-ի ողբերգական իրադարձությունից անցել է 22 տարի, սակայն վերքերը չեն ամոքվում: Լոռու մարզպետարանի աշխատակազմը՝ մարզպետ Արամ Խաչատրյանի գլխավորությամբ, Վանաձորի համայնքի ղեկավարի ժամանակավոր պաշտոնակատար Վանիկ Օհանյանն այսօր այց կատարեցին Վազգեն Սարգսյանի հուշարձանին, ով նույնպես զոհ դարձավ դաժան ոճրագործությանը:
Հրատապ ծրագրի շրջանակներում Վանաձորում մինչև տարեվերջ կապիտալ կվերանորոգվեն 8 շենքերի բակեր 28.10.2021
Լոռու մարզպետ Արամ Խաչատրյանն այսօր շրջայցով Վանաձոր քաղաքի այն թաղամասերում էր, որտեղ ՀՀ կառավարության որոշմամբ, Լոռու մարզպետարանին հատկացված հրատապ ծրագրի միջոցներով, իրականացվում են շենքերի բակերի բարեկարգման աշխատանքներ: Մարզի ղեկավարը Վանաձոր համայնքի ղեկավարի ժամանակավոր պաշտոնակատար Վանիկ Օհանյանի, Լոռու մարզպետարանի քաղաքաշինության վարչության պետ Դավիթ Մանուչարյանի և ոլորտի պատասխանատումների հետ հետևեց արդեն իսկ մեկնարկած աշխատանքներին ընթացքին: Հրատապ ծրագրի շրջանակներում Վանաձորում մինչև տարեվերջ կապիտալ կվերանորոգվեն 8 շենքերի բակեր:
Իրազեկման հանդիպումներ համայնքների խոշորացման վերաբերյալ 27.10.2021
ՀՀ տարածքային կառավարման և ենթակառուցվածքների նախարարության Տեղական ինքնակառավարման քաղաքականության վարչության պետ Աշոտ Գիլոյանը, Լոռու մարզպետի տեղակալ Գոռ Ասրյանը, մարզպետարանի ՏԻ և ՀԳՄ հարցերով վարչության պետ Մհեր Խեչումյանը, ՏԻ և ՀԾ հարցերի բաժնի պետ Արեն Անանյանը, Տարածքային զարգացման հիմնադրամի ներկայացուցիչ Վարդան Աղբալյանը Փամբակ, Սպիտակ և Վանաձոր համայնքներում անցկացրեցին իրազեկման հանդիպումներ՝ համայնքների խոշորացման գործընթացի վերաբերյալ։ Ինչպես հայտնի է, Գուգարքի տարածաշրջանի 15 համայնքներ կխոշորացվեն Փամբակ կենտրոնով, Սպիտակի տարածաշրջանի բոլոր համայնքները կխոշորացվեն՝ Սպիտակ կենտրոնով և Վանաձոր խոշորացված համայնքի կազմում կընդգրկվեն Վանաձոր, Դարպաս, Գուգարք և Շահումյան բնակավայրերը:
