Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Շարժական մամոգրաֆիան ներկայում տեղակայված է Վանաձորի բժշկական կենտրոնի տարածքում, 6 ամիս անց այն կլինի նաև մարզի մյուս քաղաքներում՝ ընդհանուր առմամբ շուրջ մեկ տարի անվճար սպասարկելով մարզի համաբուժարաններին և բուժամբուլատորիաներին կցագրված 50-69 տարեկան կանանց:
Գերաշնորհ Տեր Հովնան եպիսկոպոս Հակոբյանը մատուցեց առաջնորդական իր առաջին Սուրբ Պատարագը 18.01.2021
Սուրբ Գրիգոր Նարեկացի առաջնորդանիստ եկեղեցում, Գուգարաց թեմի նորանշանակ առաջնորդ Գերաշնորհ Տեր Հովնան եպիսկոպոս Հակոբյանը մատուցեց առաջնորդական իր առաջին Սուրբ Պատարագը: Սրբազան արարողությանը ներկա էին Լոռու մարզպետ Արամ Խաչատրյանը, մարզային և համայնքային իշխանությունների ներկայացուցիչներ, ԱԺ պատգամավորներ, բարձրաստիճան հոգևորականներ, բազմաթիվ հավատացյալներ։
«Նոր աշխատատեղեր ապահովելով՝ կերտելու ենք մեր քաղաքացիների բարեկեցությունը». Ա. Խաչատրյան 15.01.2021
Լոռու մարզպետ Արամ Խաչատրյանը Վանաձորի «Գլորիա» կարի ֆաբրիկայում է. նա ծանոթանում է արտադրական գործընթացին: Մարզպետը շրջում է արտադրամասի տարածքում, զրուցում աշխատակիցների հետ: -«Գլորիա» կարի ֆաբրիկան աշխատանքով է ապահովում շուրջ 2700 քաղաքացու. վստահեցնում եմ՝ մեր որդեգրած քաղաքականությանը հավատարիմ՝ անելու ենք ամեն ինչ բիզնեսի զարգացումը խթանելու համար։ Նոր աշխատատեղեր ապահովելով՝ կերտելու ենք մեր քաղաքացիների բարեկեցությունը,-ասում է մարզի ղեկավարը:
Փորձելու ենք անել ամեն ինչ տեղական արտադրողներին աջակցելու նպատակով. Ա. Խաչատրյան 14.01.2021
Լոռու մարզպետ Արամ Խաչատրյանն այցելեց Վանաձորում գործող «Դիետ» ՍՊԸ-ի ատադրամաս: «Դիետ» ՍՊԸ-ն շուրջ 25 տարի է՝ զբաղվում է կաթնամթերքի գրեթե բոլոր տեսականիների արտադրությամբ(թթվասեր, մածուն, յոգուրտ, պանրի տեսականիներ, կաթնաշոռ և այլն): Արտադրանքը սպառում են մարզի տարածքում:
Պահպանե՛լ հակահամաճարակային կաննոները, լինե՛լ զգոն 13.01.2021
Հունվարի 13-ի դրությամբ կորոնավիրուսով վարակվածության դեպքերի ընդհանուր թիվը Լոռու մարզում 8119 է: Մինչ օրս առողջացել է 7458 քաղաքացի,մահերի ընդհանուր թիվը 135 է: Ներկա պահին բուժում է ստանում 526 վարակակիր: Լոռու մարզում կորոնավիրուսով վարակված անձանց բուժում են իրականացնում Վանաձորի ինֆեկցիոն հիվանդանոցը, որտեղ այս պահին բուժում է ստանում 3 և Սպիտակի բժշկական կենտրոնը՝ 70 հիվանդ:
Մեկնարկել է ուսումնական գործընթացը 13.01.2021
Հանրակրթական ուսումնական հաստատություններում մեկնարկել է ուսումնական գործընթացը բոլոր՝ 1-12-րդ դասարանների համար: Այս տարի գարնանային արձակուրդ կտրամադրվի միայն առաջին և երկրորդ դասարանի աշակերտներին: Առաջինդասարանցիներին երկշաբաթյա արձակուրդ կտրամադրվի՝ մարտի 22-ից մինչև ապրիլի 4-ը, երկրորդ դասարանցիներին՝ մեկշաբաթյա՝ մարտի 22-ից մինչև մարտի 28-ը: Դպրոցներում ուշադրություն է դարձվում անհրաժեշտ ջերմային ռեժիմի, ինչպես նաև՝ հակահամաճարակային կանոնների պահպանմանը:
