Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ճանապարհի սալարկում՝ Ծաղկաբեր համայնքում 10.08.2021
Այս տարի սուբվենցիոն ծրագրի շրջանակներում կհիմնանորոգվի Ծաղկաբեր համայնքի դեպի գերեզմանատուն տանող ճանապարհը: Ծրագրի ընդհանուր բյուջեն մոտ 20.3 մլն դրամ է, որից 13.2 մլն դրամը՝ պետական և 7.1 մլն դրամը` համայնքային ներդրում է: Նախատեսվում է տուֆ քարով սալարկման միջոցով վերանորոգել ընդհանուր 348 մ երկարությամբ և միջինը 4.5 մ լայնությամբ ճանապարհ: Ծրագրի շահառու է համայնքի ողջ բնակչությունը՝ 390 տնային տնտեսություն:
Աշխատանքային խորհրդակցություն 10.08.2021
Այսօր Լոռու մարզպետ Արամ Խաչատրյանը մարզպետի տեղակալ Գոռ Ասրյանի, մարզպետարանի գլխավոր քարտուղար Կամո Աշրաֆյանի, մարզպետարանի կառուցվածքային ստորաբաժանումների ղեկավարների և պատասխանատու այլ պաշտոնյաների մասնակցությամբ անցկացրեց հերթական աշխատանքային խորհրդակցությունը: Քննարկվեցին տարբեր ոլորտների առնչվող հարցեր, տրվեցին մի շարք հանձնարարականներ:
Հակակարկտային կայաններ՝ Կաթնաջուր համայնքում 06.08.2021
Կաթնաջուր համայնքում պետություն-համայնք համատեղ ներդրմամբ իրականացվող սուբվենցիոն ծրագրի շրջանակներում այս տարի ձեռք կբերվի 5 հակակարկտային կայան, որոնց շնորհիվ շուրջ 500 հա հողատարածք զերծ կպահի կարկտահարությունից: Ծրագրի ընդհանուր բյուջեն կազմում է մոտ 10.5 մլն դրամ, որից 5.25 մլն դրամը՝ պետական և 5.25 մլն դրամը` համայնքային ներդրումն է: Ծրագրի շահառու է համայնքի ողջ բնակչությունը:
Հանքավանի «Լուսաբաց» ճամբար մեկնեց դպրոցականների երկրորդ հերթափոխը 05.08.2021
Ինչպես հայտնի է, այս տարի Հանքավանի «Լուսաբաց» ճամբարում իրենց ամառային հանգիստը կանցկացնի 7-13 տարեկան շուրջ 300 դպրոցական՝ Լոռու մարզի տարբեր համայնքներից: Հանգիստը կկազմակերպվի երկու հերթափոխով՝ 20-ական օրով: Այսօր ճամբար մեկնեց երեխաների արդեն երկրորդ հերթափոխը: Նրանց Վանաձորի Հայքի հրապարակից դեպի ճամբար ճանապարհեցին և բարի հանգիստ մաղթեցին Լոռու մարզպետի տեղակալ Գոռ Ասրյանը, մարզպետարանի կրթության, մշակույթի և սպորտի բաժնի պետ Արամ Գրիգորյանը, մազպետի խորհրդական Հովհաննես Ավետիսյանը, մարզպետի օգնական Տիգրան Հովսեփյանը: Երեխաներին ճամբար էին ուղեկցում կրթության, մշակույթի և սպորտի վարչության ու ոստիկանության աշխատակիցները:
Հուշաղբյուրի բացման արարողությանը ներկա էին Լոռու մարզպետի տեղակալ Գոռ Ասրյանը, մարզպետարանի զորահավաքային նախապատրաստության բաժնի պետ Արմեն Հակոբյանը, մի խումբ պաշտոնյաներ ու համայնքի բնակիչներ: Տեր Վահան քահանա Ազարյանի ձեռամբ կատարվեց խաչքարի օծման արարողություն և հոգեհանգստյան կարգ: Ներկաները միասնական աղոթք հղեցին առ Աստված՝ հայցելով խաղաղություն ու հանգստություն զոհված տղաների հոգիների համար, ապա ծաղիկներ խոնարհեցին հուշաղբյուրին:
Ա. Խաչատրյան. «Մեր ապրած կյանքով ու գործերով պետք է արժանի լինենք մեր հերոսներին» 04.08.2021
Այսօր ՀՀ և ԱՀ նախագահների հրամանագրերով հակառակորդի սանձազերծած լայնածավալ ռազմական գործողությունների ընթացքում Արցախի Հանրապետության պետական սահմանը պաշտպանելիս ցուցաբերած արիության և խիզախության համար «Մարտական ծառայության համար» մեդալով հետմահու պարգևատրվեցին Վանաձորի բնակիչներ, զինծառայողներ՝ Վանիչկա Ռուբիկի Սարգսյանը, Հարություն Արմենի Հարությունյանը, Դավիթ Արթուրի Կոստանյանը, Սերգեյ Հովհաննեսի Մուրադյանը, Սերգեյ Սմբատի Դերձյանը, Արթուր Վոլոդյայի Շեկոյանը, Գարիկ Սամվելի Մխիթարյանը, Արմեն Վահագի Վեքիլյանը: Պարգևները հերոսների հարազատներին հանձնեց Լոռու մարզպետ Արամ Խաչատրյանը:
