Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԹԱՏՐՈՆԻ ՄԻՋԱԶԳԱՅԻՆ ՕՐԸ ԼՈՌՒ ֊ՓԱՄԲԱԿԻ ԵՐԿՐԱԳԻՏԱԿԱՆ ԹԱՆԳԱՐԱՆՈՒՄ 29.03.2021
Մարտի 27-ին, Լոռի-Փամբակի երկրագիտական թանգարանի հյուրընկալ հարկի տակ կազմակերպվել էր միջոցառում՝ նվիրված Թատրոնի միջազգային օրվան և թատրոնի հիմնադրման 90-ամյա հոբելյանին: Ներկա էր Լոռու մարզպետարանի Կրթության, մշակույթի և սպորտի վարչության մշակույթի և սպորտի բաժնի ավագ մասնագետ Մանուշակ Քոչարյանը, Հովհ. Աբելյանի անվան պետական դրամատիկական թատրոնի տնօրեն Լուսինե Սահակյանը, թատրոնի վաստակաշատ դերասաններ և աշխատակիցներ: Թանգարանի տնօրեն Արմինե Ավդալյանը ողջունեց ներկաներին և շնորհավորանքի խոսքեր ուղղեց թատրոնի հիմնադրման 90- ամյակի առթիվ: Նա շնորհավորագիր հանձնեց թատրոնի տնօրենին, իսկ վերջինս շնորհակալություն հայտնեց կազմակերպված միջոցառման և ևս մեկ անգամ թատրոնի դերն ու նշանակությունը արժևորելու համար:
Այսօր Լոռու մարզպետ Արամ Խաչատրյանը հյուրընկալեց ճանաչողական այցով մարզ ժամանած Գյումրիում Ռուսաստանի Դաշնության գլխավոր հյուպատոս Ռուսլան Կանդաուրովին, ինչպես նաև Գյումրիում Ռուսաստանի գիտության և մշակույթի կենտրոնի տնօրեն Հարություն Համբարձումյանին: Հանդիպմանը ներկա էին նաև Լոռու մարզպետի տեղակալ Գոռ Ասրյանը և խորհրդական Արմեն Հարությունյանը: Մարզի ղեկավարը շնորհավորեց հյուպատոսին կարևոր և պատասխանատու պաշտոնը ստանձնելու կապակցությամբ և հույս հայտնեց, որ համագործակցությունը երկու կառույցների միջև կշարունակվի՝ հնարավորություն տալով համատեղ իրականացնելու ավելի շատ ծրագրեր: Մարզի ղեկավարն իր խոսքում ընդգծեց հատկապես հայ և ռուս ժողովուրդների դարավոր բարեկամությունը:
Քննարկվեցին ոլորտային հարցեր, տրվեցին հանձնարարականներ 23.03.2021
Լոռու մարզպետ Արամ Խաչատրյանն այսօր անցկացրեց ընդլայնված խորհրդակցություն փոխմարզպետ Գոռ Ասրյանի, կառուցվածքային ստորաբաժանումների ղեկավարների, բաժինների պետերի, մարզպետարանի պատասխանատու այլ պաշտոնյաների մասնակցությամբ: Մարզպետարանի ոլորտային պատասխանատու պաշտոնյաները հանդես եկան կատարված աշխատանքների վերաբերյալ համառոտ հաշվետվություններով՝ ներկայացնելով նաև առկա խնդիրները, հանդես գալով մի շարք առաջարկություններով:
Դպրոցական գույքը կնվիրաբերվի Լոռու մարզի գյուղական համայնքների դպրոցներին 19.03.2021
Լոռու մարզպետ Արամ Խաչատրյանն այսօր ընդունեց սփյուռքահայ բարերար Տավրոս Ասլանյանին՝ իր երախտագիտությունը հայտնելու նրան Լոռու մարզում իրականացված բարեգործական ծրագրերի համար: Հանդիպմանը ներկա էր նաև մարզպետի տեղակալ Գոռ Ասրյանը: Արմատներով վանաձորցի, Գերմանիայում ծնված Տավրոս Ասլանյանն, ով բնակվում է Հոլանդիայի Ամստելվին քաղաքում, իր և ընկերների՝ Հոլանդիայում բնակվող գյումրեցի Սամվել Սուքիասյանի, թուրքահայ Վիգեն Տոքերի նախաձեռնությամբ բարեգործական առաքելությամբ է ժամանել հայրենիք:
Աշխատանքների ընթացքը գտնվում է Լոռու մարզպետ Արամ Խաչատրյանի ամենօրյա վերահսկողության ներքո 19.03.2021
Երկրաշարժի հետևանքով անօթևան մնացած ընտանիքներին բնակարանով ապահովելու նպատակով Լոռու մարզպետարանը շարունակում է համագործակցել «Հայաստանի Ֆուլեր տնաշինական կենտրոն» բարեգործական հասարակական կազմակերպության հետ: Լոռու մարզպետարանի և կենտրոնի հետ դեռևս նախորդ տարի կնքված համաձայնագրի շրջանակներում տների կառուցումը վստահվել է «Հայաստանի Ֆուլեր տնաշինական կենտրոնին»: Շինարարական աշխատանքները մարզի գյուղական համայնքներում ընթանում են մեծ թափով: Շինաշխատանքների ընթացքը գտնվում է Լոռու մարզպետի ամենօրյա վերահսկողության ներքո
Կարևորվեց դպրոց-ոստիկանություն-մարզպետարան-համայնք սերտ համագործակցության անհրաժեշտությունը 18.03.2021
Մարզպետարանի համապատասխան վարչությունների ներկայացուցիչների, ավագ և միջնակարգ դպրոցների տնօրենների, ուժային կառույցների ներկայացուցիչների, շահագրգիռ այլ կառույցների մասնակցությամբ այսօր կազմակերպված քննարկման նպատակը անչափահասների շրջանում հանցագործությունների կանխարգելմանն ուղղված աշխատանքների ակտիվացումն էր՝ արձանագրվող դեպքերը նվազագույնի հասցնելու համար: Քննարկումը վարում էր մարզպետի տեղակալ Գոռ Ասրյանը:
