Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Իրազեկման հանդիպում Սոցիալական աջակցության և միգրացիոն ծրագրերի վերաբերյալ 11.11.2021
Մարզի բնակիչների սոցիալական վիճակը բարելավելուն և միգրացիոն հոսքերը նվազեցնելուն ուղղված բազմաթիվ պետական և միջազգային ծրագրեր են իրականացվում, որոնց մասին հանրությունը քիչ է իրազեկված: Առաջարկվող ծրագրերը, սակայն, կարող են զգալի մեղմել վիճակը, եթե մարդիկ իրազեկ լինեն և ակտիվ մասնակցություն կամ ներգրավվածություն ունենան: Հերթական անգամ այդ ծրագրերը հանրության թիրախային շերտերին հասցնելու նպատակով Լոռու մարզպետարանում անցկացվեց իրազեկման հանդիպում, որտեղ Զարգացման ծրագրերի, զբոսաշրջության և վերլուծության բաժնի պետ Հասմիկ Մկրտչյանը և ՄՍԾ Վանաձորի տարածքային կենտրոնի ավագ մասնագետ Հերմինե Գևորգյանը համայնքների տնտեսական գծով պատասխանատուներին և սոցիալական ոլորտում գործունեություն ծավալող ՀԿ-ներին ներկայացրեցին մարզում իրականացվող միգրացիոն և պետական աջակցությամբ իրականացվող սոցիալական ծրագրերը: Հանդիպմանը ներկա էին նաև մարզպետարանի պատասխանատու պաշտոնյաներ:
Մարզպետի շնորհակալագրով պարգևատրվեց Վանաձորի թիվ 25 դպրոցը 09.11.2021
Լոռու մարզպետ Արամ Խաչատրյանն այսօր ընդունեց և շնորհակալագրերով պարգևատրեց Վանաձորի «Վիկտոր Համաբարձումյանի անվան թիվ 25 հիմնական դպրոց» ՊՈԱԿ-ի ներկայացուցիչներին՝ ուսումնական հաստատությունում կորոնավիրուսային հիվանդության կանխարգելման գործընթացը գերազանց իրականացնելու և սանիտարահիգիենիկ նորմերը լավագույնս պահպանելու համար: «Հիվանդությունների վերահսկման և կանխարգելման ազգային կենտրոնի» Լոռու մարզային մասնաճյուղը խստացված ստուգայցեր է պարբերաբար կատարում կրթական կառույցներ և արդյունքների մասին տեղեկացնում մարզային իշխանություններին: Թիվ 25 հիմնական դպրոցը ստուգումների արդյունքում ամենաօրինակելի կրթօջախն է համարվել: Կորոնավիրուսային հիվանդության տարածման կանխարգելման նպատակով դպրոցում օրինակելի կարգուկանոն հաստատելու գործում ունեցած մասնակցության համար այսօր շնորհակալագրեր տրվեցին դպրոցի գործադիր տնօրեն Անահիտ Ղազումյանին, տնօրենի տեղակալ Լուսինե Սոխակյանին, դասվար Անահիտ Ջահանգիրյանին:
Լոռու մարզպետ Արամ Խաչատրյանն այսօր շնորահակալագրեր հանձնեց «Հայաստանի Հանրապետության վարչապետի գավաթ» սիրողական կրոսավազքի և հեծանվավազքի մրցաշարի մրցանակակիրներին, ովքեր Վանաձորի «Աթլետիկայի օլիմպիական հերթափոխի մանկապատանեկան մասնագիտացված մարզադպրոց» ՀՈԱԿ-ի սաներն են: Կրոսավազքի մրցաշարի 18-35 տարեկանների պայքարում պատվավոր առաջին տեղը գրավելու համար շնորհակալագիր հանձնվեց Էլլադա Ալավերդյանին, երկրորդ և սիրողական հեծանվավազքի մրցաշարում մրցանակային երրորդ տեղը գրավելու համար՝ Լիլիթ Հարությունյանին, մրցաշարի փոքր տարիքային խմբում պատվավոր երկրորդ տեղը գրավելու համար՝ Էրիկ Սահակյանին, մեծահասակների պայքարում պատվավոր երկրորդ տեղը գրավելու համար՝ Սիրվարդ Բաղյանին: Վերջինս 58 տարեկան է և պատրաստվում է նաև մասնակցել մեծահասակների լողի մրցաշարին:
Հարգանքի տուրք՝ քաջերի հիշատակին 09.11.2021
Ուղիղ մեկ տարի առաջ այս օրը վերջ դրվեց չարաբաստիկ պատերազմին: Հանուն հայրենիքի սահմանների պաշտպանության իրենց կյանքը զոհաբերեցին մեր քաջարի զավակները: Ձեր սխրանքն անգնահատելի է, հա՛յ զինվորներ: Ձեր հերոսությունների մասին պատմությունները, որոնք լեգենդների են նմանվում, առաջնորդելու են սերունդներին՝ նրանց մեջ վառ պահելով հայրենասիրության ոգին: Մեր քա՛ջ զինվորներ, մենք ձեզ պաշտպանվա՛ծ, ծաղկու՛ն ու զարգացո՛ղ հայրենիք ենք պարտք: Հավերժ փա՛ռք ձեզ:
Սպիտակի համայնքապետարանում ևս բացվեց Քաղաքացիների սպասարկման գրասենյակ 08.11.2021
«Լավ տեղական կառավարում հանուն տեղական զարգացման Հարավային Կովկասում» ծրագրի շրջանակներում Սպիտակ համայնքում տեղի ունեցավ Քաղաքացիների սպասարկման գրասենյակի բացման պաշտոնական արարողությունը, որին ներկա էին ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը, Լոռու մարզպետի տեղակալ Գոռ Ասրյանը, Գերմանիայի տնտեսական համագործակցության և զարգացման դաշնային նախարարության Հարավարևելյան Ասիայի, Արևելյան Եվրոպայի և Հարավային Կովկասի վարչության ղեկավար Սանտիագո Ալոնսո-Ռոդրիգեզը, ՇԶՀԳ տարածաշրջանային գրասենյակի տնօրենի տեղակալ Վերներ Թութը, «Լավ տեղական կառավարում հանուն տեղական զարգացման Հարավային Կովկասում» ծրագրի հայաստանյան թիմի ղեկավար Պիեռ Բոնիֆասին, Գերմանիայի միջազգային համագործակցության ընկերության խորհրդատու Գայանե Նալբանդյանը,Սպիտակ համայնքի ղեկավար Քաջայր Նիկողոսյանը, հյուրեր:
Լոռու մարզպետ Արամ Խաչատրյանն այսօր ընդունեց ՄԱԿ-ի Պարենի և գյուղատնտեսության կազմակերպության հայաստանյան ներկայացուցիչ Ռայմունդ Յելեի գլխավորած պատվիրակությանը: Հանդիպմանը ներկա էին Լոռու մարզպետարանի գյուղատնտեսության և բնապահպանության վարչության պետ Արուս Թումանյանը, Զարգացման ծրագրերի, զբոսաշրջության և վերլուծության բաժնի պետ Հասմիկ Մկրտչյանը, ՊԳԿ ներկայացուցչի օգնական Գայանե Նասոյանը, ծրագրի ղեկավար Վարդան Բարսեղյանը, «Տեղական դերակատարների հզորացում հանուն զարգացման» (LEAD) ծրագրի ղեկավար Հասմիկ Քոչարյանը, ոլորտի մասնագետներ և փորձագետներ:
