Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Տնտեսական լրագրողների ակումբի» և «Կոնրադ Ադենաուեր» հիմնադրամի աջակցությամբ «Կոմպասս հետազոտական, կրթական և խորհրդատվական կենտրոն» ՀԿ-ն իրականացրել է Հայաստանի հյուսիսային մարզերի Ամասիա և Թումանյան համայնքների խոշորացման գործընթացի սոցիալ-ժողովրդագրական և ֆինանսատնտեսական վերլուծություն ու գնահատում։ Հաշվի առնելով այս գործընթացի ազդեցությունը երկրի տարածքային, տնտեսական և ժողովրդագրական զարգացումների վրա՝ կազմակերպվել էր կլոր սեղան՝ քննարկելու հետազոտության արդյունքում բացահայտված դրական և բացասական կողմերը։ Միջոցառմանը մասնակցել են նաև երկու մարզերի տեղական ինքնակառավարման մարմինների, հասարակական շահագրգիռ կառույցների ներկայացուցիչներ։
Վանաձորի Մ. Մաշտոցի անվան թիվ 15 դպրոցը մեծ հանդիսավորությամբ նշել է հիմնադրման 60-ամյակը 14.11.2022
Լոռու մարզպետարանի կրթության, մշակույթի և սպորտի վարչության պետ Արամ Գրիգորյանը, Լոռու մարզպետի խորհրդական Տիգրան Հովսեփյանը մարզպետարանի պատասխանատու պաշտոնյաների հետ միասին Շառլ Ազնավուրի անվան մշակույթի պալատում մասնակցել են Վանաձորի Մ. Մաշտոցի անվան թիվ 15 դպրոցի հիմնադրման 60-ամյակին նվիրված հոբելյանական միջոցառմանը: Հանդիսավոր միջոցառման ընթացքում ներկայացվել է կրթօջախի 60 տարվա պատմությունը, ձեռքբերումներն ու զարգացման նոր ծրագրերը:
Նշվել է Վանաձորի տիկնիկային թատրոնի 30-ամյակը 14.11.2022
Լոռու մարզպետի տեղակալ Գոռ Ասրյանը Լոռու մարզպետարանի պատասխանատու պաշտոնյաների հետ ներկա է գտնվել Վանաձորի Տիկնիկային թատրոնի հիմնադրման 30-ամյակին նվիրված հանդիսությանը: Նա մարզպետ Արամ Խաչատրյանի և իր անունից շնորհավորել է սիրելի թատրոնին հոբելյանի կապակցությամբ, մաղթել հաջողություններ և նորանոր ներկայացումներ, ապա շնորահակալագրերով պարգևատրել թատրոնի կայացման ու զարգացման գործում նշանակալի ավանդ ունեցող աշխատակիցներին:
Լոռու մարզպետի տեղակալ Հովհաննես Ավետիսյանը մազպետարանի պատասխանատու պաշտոնյաների ուղեկցությամբ եղավ նախկի Ախթալա և Շնող խոշորացված համայնքների, այժմ արդեն Ալավերդի խոշորացված համայնքի Ախթալա, Շնող, Շամլուղ, Ճոճկան, Նեղոց բնակավայրերում՝ ծանոթանալով պետություն-համայնք համատեղ ներդրմամբ իրականացվող սոբվենիցոն ծրագրերի ընթացքին: Նախկին Ախթալա և Շնող խոշորացված համայնքների բնակավայրերում այս տարի իրականացվել են շուրջ 900 մլն դրամի սուբվենցիոն ծրագրեր, որոնք արդեն կամ ավարտվել են կամ ավարտական փուլում են:
Լոռու մարզի Տաշիր խոշորացված համայնքի Կաթնառատ և Ալավերդի խոշորացված համայնքի Ծաթեր բնակավայրերում տեղի ունեցան նախադպրոցական կրթության այլընտրանքային ծառայությունների բացման արարողություններ: Միջոցառմանը մասնակցում էին Լոռու մարզպետի տեղակալ Հովհաննես Ավետիսյանը, ՅՈՒՆԻՍԵՖ-ի ներկայացուցիչ Սիլվիա Մեստրոնին, ՀՀ ԿԳՄՍ նախարարության, «Քայլ առ քայլ» կրթական ծրագրի, մարզպետարանի պատասխանատու պաշտոնյաներ, համայնքապետեր, գործընկերներ, ՀԿ-ների ներկայացուցիչներ, ծնողներ, հյուրեր:
Լոռու մարզում սոցիալական օգնության փաթեթ ստացավ 3 և ավելի անչափահաս ունեցող 125 ընտանիք 11.11.2022
Լոռու մարզպետարանի և «Դիակոնիա» հիմնադրամի միջև ստորագրված համագործակցության հուշագրի արդյունքում հերթական սոցիալական օգնությունը բաշխվեց Լոռու մարզի 125 ընտանիքի: Լոռու մարզպետարանի ընտանիքի, կանանց և երեխաների իրավունքների պաշտպանության բաժնի հետ քննարկման արդյունքում ընտրվել են 3 և ավելի անչափահաս ունեցող սոցիալապես անապահով ընտանիքներ՝ Ստեփանավան, Տաշիր և Վանաձոր քաղաքներից:
