Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Բնակարանների գնման վկայագրեր ստացան Ադրբեջանից բռնի տեղահանված ևս չորս ընտանիքներ 19.07.2023
Լոռու մարզպետ Արամ Խաչատրյանը մարզպետարանի մի խումբ պատասխանատու պաշտոնյաների ուղեկցությամբ Ախթալա բնակավայրում էր՝ Ադրբեջանից բռնի տեղահանված ևս 4 ընտանիքի Բնակարանների գնման վկայագրեր հանձնելու նպատակով: Այցին էին միացել Աժ պատգամավոր Արեն Մկրտչյանը, ավագանու անդամներ։ Մարզի ղեկավարը վկայագրեր հանձնեց Լամարա Միրզոյանին, Նվարդ Սիլիկովային, Յաշա Գրիգորյանին՝ մեկ սենյականոց և Մարյանյանների ընտանիքին՝ 4 սենյականոց բնակարան ձեռքբերելու նպատակով:
«Սպիտակի օրը» մեկնարկել է հարգանքի տուրքով, ապա շարունակվել տոնական միջոցառումներով 18.07.2023
Սպիտակ համայնքի օրվան նվիրված միջոցառումների շարքը մեկնարկել է հարգանքի տուրքով: Լոռու մարզպետի տեղակալ Հովհաննես Ավետիսյանը, Սպիտակ համայնքի ղեկավար Քաջայր Նիկողասյանը մարզպետարանի պաշտոնատար այլ անձանց, աշխատակազմի և տոնական օրվա հյուրերի ուղեկցությամբ եղել են Սպիտակ համայնքի Արցախյան 44-օրյա պատերազմի զոհերի հուշահամալիրում, որտեղ Գուգարաց թեմի Սպիտակի Սուրբ Հարություն եկեղեցու հոգևոր հովիվ տեր Օվսե քահանա Հովհաննիսյանը աղոթք է հնչեցրել առ Աստված՝ հայրենիքի համար նահատակված հերոսների հոգիների խաղաղության համար, ապա ներկաները զոհերի հարազատների հետ միասին խնկարկել են նրանց հիշատակը և ծաղիկներ խոնարհել ընկածների շիրիմներին:
Բնակարանների գնման վկայագրե Ադրբեջանից բռնի տեղահանված ընտանիքներինիք հերթական նիստի վերաբերյալ 13.07.2023
Ադրբեջանից բռնի տեղահանված, Լոռու մարզի Սպիտակ համայնքում բնակվող՝ 1 և Ախթալա համայնքում՝ 3 ընտանիքի համար, Բնակարանների գնման վկայագրերի տրամադրման հանձնաժողովի՝ այս տարվա մայիսի 23-ին կայացած նիստին տրված դրական եզրակացության համաձայն, հատկացվել են Բնակարաների գնման վկայագրեր(ԲԳՎ)՝ բնակարաններ ձեռքբերելու նպատակով: Եզրակացությունը հաստատվել ՀՀ ՆԳՆ միգրացիայի և քաղաքացիական ծառայության պետի համապատասխան հրամանով:
Լոռու մարզպետը շնորհակալագրերով պարգևատրեց մի խումբ մարզիկների 12.07.2023
Լոռու մարզպետ Արամ Խաչատրյանն այսօր շնորհակալագրերով պարգևատրեց 2023 թվականի ընթացքում օլիմպիական մարզաձևերի միջազգային մրցաշարերից հաղթանակով վերադարձած լոռեցի մրցանակակիրներին և նրանց մարզիչներին: Հանդիպմանը ներկա էին Լոռու մարզպետի օգնականներ Էրիկ Կոստանյանը, Տիգրան Խաչատրյանը, Լոռու մարզպետի աշխատակազմի կրթության, մշակույթի և սպորտի վարչության պատասխանատու պաշտոնյաներ: Արամ Խաչատրյանը ողջունեց մարզիկներին և նշեց, որ հպարտ է լոռեցի մարզիկների արդյունքներով և ոգևորված՝ նրանց մրցելույթներից:
Մարզում ամառային զորակոչը շարունակվում է, և այսօր պարտադիր ժամկետային ծառայության են մեկնել Տաշիր, Ստեփանավան, Լոռի Բերդ և Գյուլագարակ խոշորացված համայնքների նորակոչիկները: Նրանց ճանապարհել և բարի ծառայություն են մաղթել Լոռու մարզպետի տեղակալ Հովհաննես Ավետիսյանը, մարզային և համայնքային իշխանությունների ներկայացուցիչները, հարազատները, ընկերները։ Մարզպետի տեղակալը տղաներին մաղթել է անվտանգ ծառայություն՝ վստահ լինելով, որ հայրենիքի սահմանների անառիկությունը հուսալի ձեռքերում է։ - Հայրենիքի պաշտպանության սուրբ գործին ծառայելով՝ դուք դառնալու եք հայ զինվորականի լավագույն ավանդույթների, մեր նախնիների արդար գործի արժանի շարունակողները, և ձեր ծնողներն իրենց զավակներով հպարտանալու բազմաթիվ առիթներ են ունենալու,- ասել է նա:
Համագործակցությունն ամուր հիմքերի վրա է 11.07.2023
Այսօր Լոռու մարզպետ Արամ Խաչատրյանը հյուրընկալել էր «Հայկական Կարիտաս» ԲՀԿ գործադիր տնօրեն Գագիկ Տարասյանին, «Փոքրիկ Իշխան» Երեխաների/ երիտասարդենրի և նրանց ընտանիքների սոցիալական պաշտպանությունը Վանաձորում և Գավառում», «Անվտանգ վարքագիծ արտթերապիայի միջոցով» ծրագրերի ղեկավար Արևիկ Թումասյանին և Վանաձորի «Փոքրիկ իշխան» կենտրոնի համակարգող Նարինե Ղազարյանին: Հանդիպմանը ներկա էի նաև Վանաձոր համայնքի ղեկավարի խորհրդական Արման Բերնեցյանը, Լոռու մարզպետի աշխատակազմի ոլորտային պատասխանատու պաշտոնյաներ:
