Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ձեր սխրանքն անմահ է Հերոսների հիշատակի համար ծաղիկներ խոնարհվեցին մարզի տարբեր համայնքներում 28.09.2022
Արցախյան 44-օրյա պատերազմի տարելիցի առթիվ Սպիտակի Սուրբ Հարություն եկեղեցու բակից մեկնարկեց քայլերթ դեպի Սպիտակի գերեզմանատուն՝ 44-օրյա պատերազմի զոհերի հուշահամալիր, որտեղ կատարվեց խաչքարերի օրհնություն և հոգեհանգստյան աղոթք՝ ձեռամբ Գուգարաց թեմի առաջնորդ բարեխնամ Տեր Հովնան եպիսկոպոս Հակոբյանի և մասնակցությամբ Սպիտակի Սուրբ Հարություն եկեղեցու հոգևոր հովիվ Տեր Օվսե քահանա Հովհաննիսյանի և Տեր Վաղարշ քահանա Հակոբյանի: Ներկա էին Լոռու մարզպետի տեղակալ
Հավերժ փառք ձեզ, հերոսնե՛ր 27.09.2022
Երկու տարի է անցել Ադրբեջանի և Թուրքիայի կողմից, նաև այլ ուժերի մասնակցությամբ Արցախի ու հայ ժողովրդի դեմ սանձազերծված 44-օրյա դաժան պատերազմից: Ուզում եմ գլուխ խոնարհել մեր հերոսների հիշատակի առջև, գլուխ խոնարհել նրանց ընտանիքների առջև ու կրկին խոստանալ. մեր քաջերի հիշատակը միշտ վառ ենք պահելու, նրանց անհավատալի սխրանքների մասին սերունդներին շատ ենք պատմելու: Այդ հերոսություններն են մեզ այսօր ապրեցնում ու հավատ ներշնչում մեր երկրի ապագայի հանդեպ: Նրանք ընկան, որ մենք ապրենք, նրանք զոհեցին իրենց կյանքը հանուն Հայրենիքի:
Մենք ձեզ խաղաղ ու հզոր Հայրենիք ենք պարտք 27.09.2022
Այսօր՝ սեպտեմբերի 27-ին, Արցախյան 44-օրյա պատերազմի տարելիցի օրը, մարզային և համայնքային իշխանությունների, ուժային կառույցների և զինվորականության ներկայացուցիչներն այցելեցին Վանաձորի զինվորական պանթեոն՝ հարգանքի տուրք մատուցելով Հայրենիքի պաշտպանության համար հերոսաբար ընկած զինվորների հիշատակին: Վանաձորի Սուրբ Գրիգոր Նարեկացի առաջնորդանիստ մայր եկեղեցու հոգևոր հովիվ Տեր Վահան քահանա Ազարյանի ձեռամբ կատարվեց հոգեհանգստյան կարգ, խնկարկվեց հոգելույս զինվորների անմար հիշատակը:
Հավերժ փա՛ռք ձեզ, խորին խոնարհում 22.09.2022
Լոռու մարզպետ Արամ Խաչատրյանը փոխմարզպետներ Գոռ Ասրյանի, Հովհաննես Ավետիսյանի, Վանաձոր համայնքի ղեկավար Արկադի Փելեշյանի, մարզային և համայնքային իշխանությունների ներկայացուցիչների հետ Հայաստանի Հանրապետության անկախության 31-ամյակի առթիվ այցելել է Վանաձորի զինվորական պանթեոններ, ծաղիկներ խոնարհել Հայրենիքին իրենց կյանքը նվիրաբերած հայորդիների շիրիմներին: Հավերժ փա՛ռք ձեզ, խորին խոնարհում:
Լոռու մարզի պատվիրակությունը Լոռու մարզպետ Արամ Խաչատրյանի գլխավորությամբ այսօր մասնակցել է «Հայ-ռուսական համագործակցություն. նոր մարտահրավերներ և հնարավորություններ» խորագրով Հայ-ռուսական միջտարածաշրջանային իններորդ համաժողովին: Համաժողովն անցկացվել է ՀՀ փոխվարչապետ Մհեր Գրիգորյանի և ՌԴ փոխվարչապետ Ալեքսեյ Օվերչուկի գլխավորությամբ: Համաժողովի ընթացքում երկու երկրների փոխվարչապետները հանդես են եկել ելույթներով: Համաժողովի կազմակերպման կապակցությամբ ուղերձներ են հղել Հայաստանի Հանրապետության վարչապետ Նիկոլ Փաշինյանը և Ռուսաստանի Դաշնության նախագահ Վլադիմիր Պուտինը: «Հայաստանի և Ռուսաստանի միջև միջտարածաշրջանային համագործակցությունը կարևոր դեր ունի մեր երկրների միջև դաշնակցային ռազմավարական գործընկերության զարգացման գործում՝ նպաստելով երկկողմ համագործակցության ներուժի հետագա ընդլայնմանը»,-իր ուղերձում ընդգծել է ՀՀ վարչապետ Նիկոլ Փաշինյանը։
Կմշտադիտարկվեն պետական բյուջեի միջոցներով համայնքներում իրականացվող ծրագրերը 09.09.2022
Լոռու մարզպետ Արամ Խաչատրյանը մասնակցել է ՀՀ փոխվարչապետ Համբարձում Մաթևոսյանի գլխավորությամբ սեպտեմբերի ութին տեղի ունեցած խորհրդակցությանը, որին մասնակցել են նաև Տարածքային կառավարման և ենթակառուցվածքների նախարար Գնել Սանոսյանն ու հանրապետության մյուս մարզպետները։ Օրակարգային հարցերի շարքում եղել է մարզերում ընթացող ինչպես սուբվենցիոն, այնպես էլ՝ պետական բյուջեի միջոցներով իրականացվող ծրագրերը ստուգայցերի միջոցով մշտադիտարկելու հարցը։ Այդ համատեքստում փոխվարչապետը հանձնարարել է հատկապես ամենօրյա ուշադրության կենտրոնում պահել «300 դպրոց-500 մանկապարտեզ» կապիտալ բնույթի մեծածավալ նախաձեռնության շրջանակում իրականացվող աշխատանքները և ընթացքում անդրադառնալ արձանագրված թերությունների շտկմանը։
