Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հայրենական մեծ պատերազմի հաղթանակի 78-րդ տարեդարձը նշվեց Լոռու մարզում նշվեց հանդիսավորությամբ 10.05.2023
Հայրենական մեծ պատերազմում տարած հաղթանակի 78-րդ տարեդարձի և Խաղաղության օրվա կապակցությամբ այսօր Լոռու մարզպետ Արամ Խաչատրյանը, Գուգարաց թեմի առաջնորդ գերաշնորհ Տեր Հովնան եպիսկոպոս Հակոբյանը, Վանաձոր համայնքի ղեկավարի պաշտոնակատար Արկադի Փելեշյանը, մարզային, քաղաքային իշխանությունների ներկայացուցիչներ, ԵԿՄ անդամներ, վետերաններ ու զինվորականներ այցելել էին Մեծ Հայրենականի հաղթանակին նվիրված հուշակոթող՝ հարգանքի տուրք մատուցելու հաղթանակի կերտման գործում իրենց անուրանալի ներդրումն ունեցած հայորդիների հիշատակին։ Միջոցառումը վարում էր ասմունքող, դերասան Ջիվան Սարգսյանը: Զինվորական նվագախումբը, Վանաձորի կամերային երգչախումբը և անհատ կատարողներ հանդես էին գալիս խորհրդանշական կատարումներով:
Այսօր Լոռու մարզպետ Արամ Խաչատրյանն ընդունել է ՀՀ աշխատանքի և սոցիալական հարցերի փոխնախարար Տաթևիկ Ստեփանյանին, նախարարության պատասխանատու այլ պաշտոնայների: Հանդիպմանը ներկա են եղել նաև մարզպետի տեղակալ Գոռ Ասրյանը և մարզպետի աշխատակազմի առողջապահության և սոցիալական ապահովության վարչության պետ Ռուզաննա Պողոսյանը: Փոխնախարարը մարզի ղեկավարին է ներկայացրել այցի նպատակը՝ նշելով, որ շրջայցերի միջոցով մարզերի շահագրգիռ կառույցներին հանգամանորեն ներկայացվում են «Անձի ֆունկցիոնալության գնահատման մասին» ՀՀ օրենքը և ՀՀ կառավարության 2022թ. հուլիսի 28-ի «Անձի ֆունկցիոնալության գնահատման կարգը հաստատելու մասին» N 1180-Ն որոշման կիրարկման մեխանիզմները:
Տաշիր համայնքում անասնաֆերմայի կառուցումն ընթացքի մեջ է 08.05.2023
Մայիսի 6-ին ՀՀ էկոնոմիկայի նախարար Վահան Քերոբյանը և Լոռու մարզպետ Արամ Խաչատրյանն այցելել են Լոռու մարզի Տաշիր համայնքում նոր կառուցվող ֆերմա: «Երեմյան Փրոջեքթսի» գլխավոր տնօրեն Դավիթ Երեմյանի և ընկերության ներդրումային նախագծերի ղեկավար Ավետիք Գևորգյանի ուղեկցությամբ նրանք շրջել են անասնապահական համալիրի տարածքում, ծանոթացել բոլոր ենթակառուցվածքների ընթացիկ շինարարական և արդեն մեկնարկած մոնտաժային աշխատանքներին, կիրառվող գյուղտեխնիկային ու գյուղգործիքներին, քննարկել ֆերմայի գործունեությանը վերաբերող հարցեր։
Ոգեկոչման և խոնարհումի միջոցառում հերոսների անմահ հիշատակին 08.05.2023
Մայիսի 8-ին՝ Երկրապահի օրվա առթիվ և Արցախյան հերոսամարտում իրենց կյանքը հայրենիքին նվիրաբերած հայորդիների անմար հիշատակի համար, Լոռու մարզպետ Արամ Խաչատրյանի գլխավորությամբ Վանաձոր համայնքի ղեկավարի պաշտոնակատար Արկադի Փելեշյանը, մարզային ու քաղաքային իշխանության ներկայացուցիչները, երկրապահներն ու ազատամարտիկները, զինվորականներ, ուժային կառույցների ներկայացուցիչներ մասնակցեցին ոգեկոչման միջոցառման՝ Գուգարաց թեմի առաջնորդարանի բակում տեղադրված Շուշիի խաչքարի մոտ: Գուգարաց թեմի առաջնորդ գերաշնորհ Տեր Հովնան եպիսկոպոս Հակոբյանի ձեռամբ և հոգևոր դասի մասնակցությամբ կատարվեց հոգեհանգստի կարգ, թեմալակ առաջնորդը հանդես եկավ ոգեկոչման խոսքով: Ներկաները աղոթք հնչեցրին առ Աստված՝ նահատակների հոգիների խաղաղության համար, ապա ծաղիկներ և ծաղկեպսակներ խոնարհեցին Շուշիի խորհրդանշական խաչքարին:
Անցկացվեց «ՀՀ Վարչապետի գավաթ» դպրոցականների խճուղավազքի Լոռու մարզային փուլը 05.05.2023
Այսօր Վանաձորի աթլետիկայի մարզադպրոցում անցկացվեց «ՀՀ Վարչապետի գավաթ» խճուղավազքի Լոռու մարզային փուլը՝ մարզի տարածաշրջաններից ժամանած թիմերի միջև: Հայտագրված թիմերի պայքարում 3-րդ տեղ գրավեց Վանաձորի թիվ 16 հիմնական դպրոցի թիմը, երկրորդ տեղ գրավեց Վանաձորի թիվ 13 ավագ դպրոցի թիմը, երկրորդ տարին անընդմեջ հաղթող ճանաչվեց Վանաձորի թիվ 5 ավագ դպրոցի թիմը: Թիմերին ողջունեց և հավաստագրերով ու գավաթներով պարգևատրեց Լոռու մարզպետի աշխատակազմի կրթության, մշակույթի և սպորտի վարչության պետ Արամ Գրիգորյանը: Հաջողություն մաղթենք 5-րդցիներին 2023թ մայիսի 21-ին Պարզ լճի տարածքում անցկացվելիք եզրափակիչ փուլում:
Դսեղի առողջության կենտրոնի նոր շենքը շուտով շահագործման կհանձնվի 05.05.2023
Կբարձրանա կենտրոնի գործունեության արդյունավետությունը, կբարելավվի ծառայությունների որակը, կապահովվի բարեփոխումների շարունակական աջակցությունը: Համագործակցության ծրագրի վերաբերյալ այսօր հուշագիր է կնքվել Առողջապահության նախարարության, ՀՀ Լոռու մարզպետարանի և «Հայաստանի մանուկներ» (COAF) բարեգործական հիմնադրամի միջև: Դսեղի առողջության կենտրոնը կսպասարկի Դսեղ բնակավայրի և իրեն կցված 6 բնակավայրերի բնակչությանը և ուղիղ ազդեցություն կունենա հազարավոր շահառուների կյանքի որակի վրա։ «Պիլոտային ծրագրի մեկնարկը համարում եմ հաջողված: Շնորհակալ եմ հիմնադրամին իր գործունեության, մարզային ենթակառուցվածքների, համայնքների զարգացման մեջ տարիների, հետևողական ներդրման համար: Մարզպետ պարոն Խաչատրյանի հետ համատեղ ներդրումներով համայնքի համար կարևոր ձեռքբերում կունենանք»,-իր խոսքում նշել է Անահիտ Ավանեսյանը:
