Տեղեկատվական կենտրոն
Նորություններ
![«Աղքատության նվազեցում համայնքներում. կիրառական մոտեցումներ» ծրագրի հետազոտական աշխատանքներն ավարտվել են «Աղքատության նվազեցում համայնքներում. կիրառական մոտեցումներ» ծրագրի հետազոտական աշխատանքներն ավարտվել են](http://lori.mtad.am/files/n_pics/33518_s.jpg)
Լոռու մարզպետի տեղակալ Գոռ Ասրյանն այսօր ընդունեց Եվրոպական միության ներկայացուցիչ Րախիլյա Նուրբաևային և «Հետազոտական ռեսուրսների կովկասյան կենտրոն-Հայաստան» հիմնադրամի հետազոտությունների գծով տնօրեն Լիլիթ Եզեկյանին: Հանդիպման նպատակն էր ծանոթանալ ԵՄ ֆինանսավորմամբ իրականացվող «Աղքատության նվազեցում համայնքներում. կիրառական մոտեցումներ» եռամյա ծրագրի ընթացքին և մարզային իշխանությունների հետ քննարկել գրանցված արդյունքները:
![Լոռու մարզի 17 դպրոցներում առավել բարենպաստ պայմաններ ստեղծելու համար ՀՀ կառավարությունը հատկացրել է շուրջ 99 միլիոն դրամ Լոռու մարզի 17 դպրոցներում առավել բարենպաստ պայմաններ ստեղծելու համար ՀՀ կառավարությունը հատկացրել է շուրջ 99 միլիոն դրամ](http://lori.mtad.am/files/n_pics/33524_s.jpg)
ՀՀ կառավարության նոյեմբերի 24-ի նիստում գործադիրը Լոռու մարզի 17 հանրակրթական դպրոցների՝ շենքային պայմանների բարելավման նպատակով, 99 մլն 806 հազար դրամ հատկացնելու որոշում է կայացրել: Գումարը տրամադրվել է ՀՀ կրթության, գիտության, մշակույթի և սպորտի նախարարությանը՝ 2022 թ. պետական բյուջեով հատկացված միջոցներից կատարված վերաբաշխման արդյունքում՝ անհետաձգելի համարվող կապիտալ ծախսերի ծրագրի իրականացման համար: Կիրականացվեն ջեռուցման համակարգի կառուցման, տանիքի նորոգման, պատուհանների և դռների փոխարինման աշխատանքներ, դասասենյակների ներքին հարդարման, մարզադահլիճների բարեկարգման, սանհանգույցների նորոգման աշխատանքներ:
![Կամավոր ատեստավորմանը մասնակցած ուսուցիչներին հավելավճար տրամադրելու նպատակով հատկացվել է շուրջ 28 միլիոն դրամ Կամավոր ատեստավորմանը մասնակցած ուսուցիչներին հավելավճար տրամադրելու նպատակով հատկացվել է շուրջ 28 միլիոն դրամ](http://lori.mtad.am/files/n_pics/33529_s.jpg)
ՀՀ կառավարության որոշմամբ Լոռու մարզպետարանին հատկացվել է ևս 27 մլն 740 հազար դրամ՝ 2022թ․-ի սեպտեմբեր և հոկտեմբեր ամիսներին անցկացված կամավոր ատեստավորման՝ 70 և ավելի տոկոս արդյունք ցուցաբերած ուսուցիչների դրույքաչափի և դրան հատկացվող հավելավճարի տրամադրման նպատակով։ Գումարը տրամադրվել է ՀՀ կրթության, գիտության, մշակույթի և սպորտի նախարարությանը՝ 2022 թ.-ի պետական բյուջեով հատկացված միջոցներից կատարված վերաբաշխման արդյունքում:
Պետական աջակցություն՝ սահմանամերձ գյուղական բնակավայրերում անհատական բնակելի տուն կառուցելու համար 23.11.2022
Պետական աջակցություն՝ սահմանամերձ գյուղական բնակավայրերում անհատական բնակելի տուն կառուցելու համար։ Ծրագրի շրջանակում ֆինանսական աջակցություն է տրամադրվում հիփոթեքային վարկի մայր գումարի մինչև 16 մլն դրամի և դրա գծով մինչև 13% տոկոսադրույքի չափով հաշվեգրվող տոկոսագումարների մարման համար։ Տեսանյութը հասանելի է այս հղմամբ՝ https://youtu.be/vBVjEke6KAY
![Լոռի-Փամբակի երկրագիտական թանգարանում կազմակերպվել է Շուշիի գորգերի ցուցադրության Լոռի-Փամբակի երկրագիտական թանգարանում կազմակերպվել է Շուշիի գորգերի ցուցադրության](http://lori.mtad.am/files/n_pics/33503_s.jpg)
Լոռի-Փամբակի երկրագիտական թանգարանում կազմակերպվել է Շուշիի գորգերի ցուցադրության 23.11.2022
Լոռու մարզպետի տեղակալ Գոռ Ասրյանը ներկա է գտնվել Լոռի-Փամբակի երկրագիտական թանգարանում կազմակերպված Շուշիի գորգերի ցուցադրությանը, որտեղ ներկայացված են 2020թ.-ի 44-օրյա պատերազմի ընթացքում ոչնչացումից փրկված մշակութային ժառանգության յուրօրինակ նմուշները։ Ցուցադրությունը կազմակերպվել է թանգարանի տնօրեն Արմինե Ավդալյանի և Շուշիի գորգերի թանգարանի հիմնադիր-տնօրեն Վարդան Ասծատրյանի նախաձեռնությամբ և համատեղ աշխատանքի արդյունքում։ Թանգարանն իր հարկի տակ համախմբել էր Լոռու մարզի մշակութասեր հասարակությանը:
![Լոռու մարզի պատվիրակությունը EULEAD4LoriTavush ծրագրի շրջանակներում այցելել է Ավստրիա և Սլովենիա Լոռու մարզի պատվիրակությունը EULEAD4LoriTavush ծրագրի շրջանակներում այցելել է Ավստրիա և Սլովենիա](http://lori.mtad.am/files/n_pics/33457_s.jpg)
Լոռու մարզի պատվիրակությունը EULEAD4LoriTavush ծրագրի շրջանակներում այցելել է Ավստրիա և Սլովենիա 22.11.2022
Եվրոպական միության «Տեղական դերակատարների զորեղացում հանուն զարգացման Լոռու և Տավուշի մարզերում» (EULEAD4LoriTavush) ծրագրի շրջանակներում ՄԱԿ-ի պարենի և գյուղատնտեսության կազմակերպությունը երկու ուսումնական այց է կազմակերպել Ավստրիա և Սլովենիա։ Մասնակիցները Լոռու և Տավուշի մարզպետարանների և ծրագրի թիրախային համայնքների, ինչպես նաև ծրագիրն իրականացնող կազմակերպությունների՝ ՄԱԶԾ-ի և ՊԳԿ-ի ներկայացուցիչներն են եղել: