Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սեփական եկամուտների հավաքագրումը՝ օրախնդիր հարց 24.05.2012
Մայիսի 23-ին Վանաձորի քաղաքապետարանի նիստերի դահլիճում Լոռու մարզի համայնքների ղեկավարների մասնակցությամբ տեղի ունեցավ ընդլայնված խորհրդակցություն, որը նվիրված էր համայնքներում սեփական եկամուտների հավաքագրման հիմնախնդրին: Լոռու մարզպետ Արթուր Նալբանդյանը հակիրճ անդրադառնալով ոլորտում առկա մտահոգիչ իրավիճակին, ներկայացրեց խորհրդակցությանը մասնակցելու համար Վանաձոր ժամանած Տարածքային կառավարման նախարարի առաջին տեղակալ Վաչե Տերտերյանին ու ՏԿՆ տեղական ինքնակառավարման վարչության պետ Աշոտ Գիլոյանին և համայնքների ղեկավարներին հորդորեց անբռնազբոս երկխոսություն ծավալել խնդրին առնչվող վիճահարույց հարցերի շուրջը:
Մայիսի 21-ին մարզպետ Արթուր Նալբանդյանը անցկացրեց հերթական աշխատանքային խորհրդակցությունը 22.05.2012
Սեփական եկամուտների հավաքագրման ցուցանիշները ներկայացրեց ֆինանսական և սոցիալ-տնտեսական վարչության պետ Սևակ Հովհաննիսյանը։ Նրա տեղեկացմամբ՝ մայիսի 18-ի դրությամբ մարզում սեփական եկամուտների հավաքագրման ցուցանիշը կազմել է շուրջ 30 մլն դրամ կամ մայիս ամսվա պլանի 17,8 տոկոսը, իսկ նախորդ տարվա մայիս ամսվա փաստացիի 29,9 տոկոսը։ Գուգարքի տարածաշրջանում սեփական եկամուտների հավաքագրումը կազմել է մայիս ամսվա պլանի 19,7 տոկոսը, նախորդ տարվա նույն ժամանակահատվածի համեմատությամբ՝ 35,1 տոկոս, Սպիտակի տարածաշրջանում՝ 15,7 տոկոսը, նախորդ տարվա համեմատությամբ՝ 19,4 տոկոս...
Մարզպետի այցը համայնքներ 18.05.2012
Մարզերի համաչափ զարգացման ծրագրի շրջանակներում Լոռու մարզը պետբյուջեից ստացել է 1 մլրդ 300 միլիոն դրամ: Այդ միջոցների հաշվին մարզի 55 համայնքներում իրականցվում են քաղաքաշինական, կոմունալ-կենցաղային և այլ կարգի ծրագրեր, որոնց կատարման որակին ծանոթանալու նպատակով Լոռու մարզպետ Արթուր Նալբանդյանն օրերս հերթական շրջայցը կատարեց Սպիտակի տարածաշրջանի մի քանի համայնքներում: (Տեսանյութ)
Լոռին փառաբանում է Մեծ Հաղթանակն ու Շուշիի ազատագրման օրը 10.05.2012
Մայիսի 9-ին՝ ֆաշիզմի դեմ տարած հաղթանակի 67-րդ և Շուշիի ազատագրման 20-րդ տարելիցների կապակցությամբ հանդիսավոր միջոցառում էր կազմակերպվել Վանաձորի Հայրենական մեծ պատերազմի զոհերի հուշակոթողի մոտ։ Վաղ առավոտից հնչում էր տոնական երաժշտություն և բազմաթիվ վանաձորցիներ ծաղիկներ էին դնում հուշակոթողին։
ՀՀ վարչապետը ծանոթացավ նոր կառուցվելիք բժշկական կենտրոն համար հատկացված տարածքին 02.05.2012
Ապրիլի 30-ին ՀՀ վարչապետ Տիգրան Սարգսյանը ՀՀ առողջապահության փոխնախարար Սերգեյ Խաչատրյանի և մի խումբ պաշտոնատար անձանց հետ Վանաձորում էր: Նա Լոռու մարզպետ Արթուր Նալբանդյանի, փոխմարզպետ Արսեն Դարբինյանի, Վանաձորի քաղաքապետ Սամվել Դարբինյանի և ՙՎանաձորի բժշկական կենտրոն՚ ՓԲԸ տնօրեն Մհեր Մարգարյանի ուղեկցությամբ ծանոթացավ նոր կառուցվելիք բժշկական կենտրոնի համար հատկացված Նժդեհի փողոցի թիվ 2/42 հասցեում գտնվող 31 720 քառ.մետր մակերեսով տարածքին: (Դիտել տեսանյութը)
ՀՀ նախագահ Սերժ Սարգսյանը աշխատանքային այցով ապրիլի 27-ին Լոռու մարզում էր: 28.04.2012
Հանրապետության ղեկավարի աշխատանքային այցը մեկնարկել է Վանաձորի «Գլորիա-Սարտիս» կարի ֆաբրիկա այցելությամբ: Նախագահը ծանոթացել է ֆաբրիկայում իրականացված աշխատանքներին ու զարգացման ծրագրերին: Դեռևս 2009թ. Հանրապետության ղեկավարի նախորդ այցի ժամանակ իտալական «SARTIS» և հայկական «Գլորիա» ընկերությունները ներկայացրել էին համատեղ ծրագիր՝ ուղղված համագործակցության շրջանակների ընդլայնմանը, արտադրության ծավալների և աշխատատեղերի քանակի ավելացմանը:
