Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Աջակցություն՝ արցախցի ընտանիքներին 18.11.2020
Լոռու մարզպետարանի օրակարգային առաջնահերթ խնդիրներից է՝ պատերազմական գործողությունների հետևանքով ժամանակավորապես մեր մարզ տեղափոխված արցախցի ընտանիքներին ապահովել անհրաժեշտ պարագաներով: Օգնության տրամադրումը շարունակվում է՝ սննդի, տնտեսական ապրանքների, առաջնային անհրաժեշտության պարագաների հատկացմամբ: Խնդրի լուծումը Լոռու համակարգման թիմի՝ մարզի ղեկավարի և տեղակալի անմիջական հսկողության ու համակարգման ներքո է:
Կրթական միջավայրի բարելավում՝ Հագվի և Մեդովկա համայնքներում 17.11.2020
ՀՀ պետական բյուջեի ֆինանսական միջոցներով նախատեսվում է իրականացնել մոդուլային դպրոցների շինարարություն: Նախաձեռնությունը կյանքի կկոչվի «Ապահով դպրոց» ծրագրի շրջանակներում: Դպրոցների մոդուլային շենքերի կառուցման 2019 թվականի ծրագրում Լոռու մարզից ընդգրկվել են Հագվու և Մեդովկայի դպրոցները, իսկ 2020-2021 թթ. ծրագրում մարզպետարանն առաջարկել է ընդգրկել ևս 4՝ Մղարթ, Բլագադարնոյե, Ջիլիզա և Կաթնառատ համայնքների դպրոցները: Նոր կառուցվող դպրոցները կծառայեն նաև որպես նախակրթարաններ ու մշակութային կենտրոններ:
Արցախցիները վերադառնում են՝ շենացնելու հայրենի բնօրրանը 17.11.2020
Լոռու մարզում ժամանակավորապես ապաստանած արցախցիները, պատերազմական գործողությունների դադարեցման ավարտից հետո սկսել են վերադառնալ հայրենի օջախներ՝ միասնական ուժերով լծվելու Արցախը շենացնելու գործին. -Բոլոր ջանքերը պիտի գործադրենք՝ հետպատերազմյան իրավիճակում հնարավորինս արագ ու սահուն կերպով անցնելու մեր բնականոն կյանքին, միասնական ջանքերով կրկին կենդանացնելու ենք Արցախը: Շնորհակալ ենք Լոռու մարզում ավելի քան 40 օր մեզ հյուրընկալելու և անշահախնդիր աջակցության համար,-ասում են նրանք:
Խնդրում և հորդորում ենք զգոնությունը ո՛չ մի դեպքում չկորցնել 17.11.2020
Լոռու մարզում այսօրվա դրությամբ Covid 19-ով վարակվածության ընդհանուր դեպքերի թիվը 5918 է, մահվան դեպքերը՝ 66-ն են, առողջացել է 4518 քաղաքացի, բուժում է ստանում 1334 հիվանդ: Հարգելի՛ լոռեցիներ, ևս մեկ անգամ կոչ ենք անում խստագույնս հետևել հակահամաճարակային կանոններին. կորոնավիրուսային հիվանդության՝ օր օրի ավելացող ցուցանիշները մեծացնում են առողջապահական համակարգի ծանրաբեռնվածությունը: Կրկին խնդրում և հորդորում ենք զգոնությունը ո՛չ մի դեպքում չկորցնել:
Ստեղծված իրավիճակում և համավարակի պայմաններում Լոռու մարզում «Երկրաշարժի հետևանքով անօթևան մնացած ընտանիքների բնակարանային ապահովում» ծրագրի շրջանակներում իրականացվող աշխատանքները ոչ մի օր չեն դադարեցվել: 2019թ. մեկնարկած և 2020թ. ընթացքում ավարտին հասցված ծրագրերի արդյունքում բնակարանամուտ է տոնել ընդհանուր առմամբ 184 ընտանիք:
Վերակենդանացնենք ու շենացնենք Արցախը օ՛ր առաջ 16.11.2020
Լոռու մարզում ժամանակավորապես ապաստանած հարգելի՛ արցախցիներ, պատերազմական գործողությունների դադարեցման ավարտից հետո Արցախի Հանրապետության և Հայաստանի Հանրապետության կառավարությունների՝ Արցախ վերադառնալու կոչին արձագանքել են բազմաթիվ արցախցիներ, և արդեն իսկ մայրաքաղաք Ստեփանակերտ է ուղևորվել 11 ավտոբուս, որոնք տեղափոխել են Երևանում և ՀՀ մարզերում ապաստանած քաղաքացիներին: Լոռիում ապաստան գտած արցախցիների տեղափոխումը կիրականացվի ինչպես մայրաքաղաքից, այնպես էլ՝ Լոռու մարզից: Լոռու մարզպետարանի կողմից տրանսպորտային աջակցություն կտրամադրվի՝ քաղաքացիների անվտանգ ու ապահով տեղափոխումը կազմակերպելու համար:
