Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր Լոռու մարզպետի տեղակալ Գոռ Ասրյանի գլխավորությամբ և մարզպետարանի կառուցվածքային ստորաբաժանումների ղեկավարների և այլ պատասխանատու պաշտոնյաների մասնակցությամբ խորհրդակցություն էր հրավիրվել՝ մարզում կորոնավիրուսի դեմ իրականացվող պատվաստումների ցուցանիշների քննարկման նպատակով: Մարզպետի տեղակալն իր խոսքում նշեց, որ մարզում պատվաստումների տեմպերը չեն գոհացնում: Նա կարևորեց բացատրական աշխատանքներն առավել ակտիվացնելու անհրաժեշտությունը՝ պետական հիմնարկներում, մասնավոր օղակներում, ինչպես նաև մարզպետարանի աշխատակազմի կողմից այս առումով՝ որպես օրինակ ծառայելը:
Ռուսաց լեզվի անվճար դասընթացներ, ինտերակտիվ քննարկումներ, կինոդիտումներ, ռուս գրականություն, կրթական տարբեր նյութեր. Վանաձորի Շառլ Ազնավուրի անվան մշակույթի պալատում նորաբաց «Ռուսական կենտրոնը» հնարավորություն կտա առավել սերտացնել մշակութային կապերը հայ և ռուս ժողովուրդների միջև: Ռուսական կենտրոնի բացման պաշտոնական արարողությանը ներկա էին ՀՀ ԿԳՄՍ նախարարի տեղակալ Ժաննա Անդրեասյանը, Լոռու մարզպետարանի կրթության, մշակույթի և սպորտի վարչության մշակույթի և սպորտի բաժնի պետ Արամ Ռևազյանը, Վանաձորի քաղաքապետ Մամիկոն Ասլանյանը, Գյումրիում` Ռուսաստանի Դաշնության գլխավոր հյուպատոս Ռուսլան Կանդաուրովը, դեսպանության և գլխավոր հյուպատոսության ներկայացուցիչներ, Հայաստանում Ռուսաստանի Դաշնության Անվտանգության դաշնային ծառայության սահմանային վարչության և ռուսական կազմակերպությունների ներկայացուցիչներ, Երևանի «Մոսկվայի տան» գլխավոր տնօրեն Վահրամ Կարապետյանը, կենտրոնի բացման հովանավոր Արսեն Մնացականյանը, մարզպետարանի և քաղաքապետարանի ներկայացուցիչներ, մտավորականներ, հյուրեր:
Շնորհակալագրեր՝ Անգելինա Մկրտչյանին և Ջիվան Սարգսյանին 09.06.2021
Լոռու մարզպետի տեղակալ Գոռ Ասրյանը շնորհակալագրով պարգևատրեց Վանաձորի պոեզիայի թատրոնի սան Անգելինա Մկրտչյանին Գյումրիում կայացած Գիտության և մշակույթի ռուսական կենտրոնի տարածաշրջանային փառատոնին «Բանաստեղծություն Հայաստանի մասին» անվանակարգում առաջին պատվավոր տեղն զբաղեցնելու համար: Հանդիպմանը ներկա էին նաև մարզպետարանի կրթության, մշակույթի և սպորտի վարչության մշակույթի և սպորտի բաժնի պետ Արամ Ռևազյանը, Գյումրիում Գիտության և մշակույթի ռուսական կենտրոնի Լոռու մարզի ներկայացուցիչ Վախթանգ Մելիքսեթյանը, պատասխանատու այլ պաշտոնյաներ: Փոխմարզպետը իր և մարզի ղեկավարի անունից շնորհակալություն հայտնեց մարզի անունը բարձր պահելու համար, միևնույն ժամանակ կարևորեց նաև Գիտության և մշակույթի ռուսական կենտրոնի հետ համագործակցությունն ու համատեղ միջոցառումների անցկացումը, որոնք նպաստում են 2 ժողովուրդների մշակութային արժեքների պահպանությանը, մշակութային կյանքի ակտիվացմանը: Վախթանգ Մելիքսեթյանն իր հերթին բարձր գնահ
184 միլիոն 631 հազար դրամի ներդրում Վանաձորում 08.06.2021
ՏԿԵՆ Հայաստանի տարածքային զարգացման հիմնադրամի կողմից իրականացվող Սոցիալական ներդրումների և տեղական զարգացման ծրագրի շրջանակներում Վանաձորում կվերակառուցվի թիվ 11 մանկապարտեզի երկրորդ մասնաշենքը։ Նույն ծրագրի շրջանակում արդեն կառուցվել և շահագործման է հանձնվել մանկապարտեզի առաջին մասնաշենքը, երկրորդը վերակառուցելու որոշումը կայացվել է 2018 թվականի դեկտեմբերի 7-ին, ՀՀ վարչապետի պաշտոնակատար Նիկոլ Փաշինյանի` Վանաձոր կատարած այցի շրջանակում։ Նիկոլ Փաշինյանը և ՏԿԵ նախարար Սուրեն Պապիկյանը, շրջելով վերակառուցված մասնաշենքում՝ քննարկել էին երկրորդի վերակառուցման հնարավորությունը։ Երկրորդ մասնաշենքի վերակառուցման աշխատանքներն արդեն սկսվել են։
Տեղի ունեցավ «Կանաչ համայնք, դիմակայուն ապագա» ծրագրի պաշտոնական բացման արարողությունը 07.06.2021
Շրջակա միջավայրի համաշխարհային օրվա շրջանակներում Լոռու մարզի Մարգահովիտ համայնքի «Էյ Թի Փի» բարեգործական հիմնադրամի Միրաք ընտանիքի անվան անտառվերականգնման տնկարանում տեղի ունեցավ «Կանաչ համայնք, դիմակայուն ապագա» ծրագրի պաշտոնական բացման արարողությունը: Միջոցառմանը ներկա էին Հայաստանում Եվրոպական միության պատվիրակության դեսպան Անդրեա Վիկտորինը, Լոռու մարզպետի տեղակալ Գոռ Ասրյանը, մարզպետարանի համապատասխան վարչության աշխատակիցներ, պատասխանատու այլ պաշտոնյաներ: Փոխմարզպետը և դեսպանը, հանդես գալով ողջույնի խոսքով, երկուստեք շեշտեցին շրջակա միջավայրի պահպանությանն ուղղված ծրագրերի կարևորությունը, միջազգային փորձի վրա հիմնված «կանաչ» քաղաքաշինության լայնորեն կիրառելի մոդելը Հայաստանում հասանելի դարձնելու, ինչպես նաև «կանաչ» ապրելակերպի գաղափարը խթանելու անհրաժեշտությունը:
Արամ Խաչատրյանի ուշադրության կենտրոնում մեր հաղթանակած մարզիկներն էին 04.06.2021
Լոռու մարզպետ Արամ Խաչատրյանն այսօր ընդունեց Վանաձորի օլիմպիական հերթափոխի մենապայքարային մարզաձևերի մարզադպրոցի սաներ Գագիկ Ղազարյանին, Արեն Սերոբյանին, Վլադիմիր Ազարյանին, նրանց մարզիչներ Ժորա և Ժիրայր Հովհաննիսյաններին, ինչպես նաև մարզիկ Մհեր Մերջանյանին հերթական մարզական նվաճման առթիվ շնորհավորելու նպատակով: Բուլղարիայի մայրաքաղաք Սոֆիայում կայացած դպրոցականների ազատ ըմբշամարտի Եվրոպայի առաջնությունում Արեն Սերոբյանը գրավել է երկրորդ տեղը, իսկ Գագիկ Ղազարյանը և Վլադիմիր Ազարյանը՝ երրորդ: Մհեր Մերջանյանը Կիպրոսում կայացած Եվրոպայի մեծահասակների մարտական սամբոյի առաջնությունում գրավել է 2-րդ պատվավոր տեղը:
