Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վարչապետը և Լոռու մարզպետը հարգանքի տուրք մատուցեցին 1988-ի երկրաշարժի զոհերի հիշատակին 07.12.2020
1988 թվականի ավերիչ երկրաշարժի տարելիցի կապակցությամբ աշխատանքային այցով Լոռու մարզում էր ՀՀ վարչապետ Նիկոլ Փաշինյանը: Նրան ուղեկցում էին Լոռու մարզպետ Անդրեյ Ղուկասյանը, ԱԺ պատգամավորներ, ՀՀ կառավարության ներկայացուցիչներ, մարզպետարանի պաշտոնյաներ: Առաջին կանգառը 1988 թվականի ավերիչ երկրաշարժի էպիկենտրոն՝ Լոռու մարզի Շիրակամուտ (Նալբանդ) համայնքն է, որտեղ Նիկոլ Փաշինյանը, Անդրեյ Ղուկասյանը, մյուս ներկաները հարգանքի տուրք մատուցեցին՝ ծաղիկներ խոնարհելով ավերիչ երկրաշարժի զոհերի հիշատակը հավերժացնող հուշարձանին: Նիկոլ Փաշինյանը կարճատև զրույց ունեցավ համայնքի բնակիչների հետ, ովքեր իրենց զորակցությունը հայտնեցին երկրի վարչապետին: Հարջորդ կանգառը Սպիտակ համայնքում էր. ՀՀ վարչապետը, մարզի ղեկավարը, պաշտոնատար անձինք ծաղկեպսակներ և ծաղիկներ դրեցին երկրաշարժի զոհերի հիշատակը հավերժացնող հուշակոթողին: Այցի վերջին կանգառը Վանաձորում էր. այստեղ նրանք ծաղիկներ և ծաղկեպսակներ խոնարհեցին Սուրբ Մարիամ Աստվածածին եկեղեցու Նահատակաց պուրակում երկրաշարժի զոհերի հիշատակին նվիրված խաչքար-հուշարձանին:
Ի գիտություն զանգվածային լրատվության միջոցների 04.12.2020
Առաջնորդվելով «Զանգվածային լրատվության մասին» ՀՀ օրենքով և հիմք ընդունելով ՀՀ կառավարության 2004թ. մարտի 4-ի N 333-Ն որոշման 2-րդ կետը, ինչպես նաև ՀՀ Լոռու մարզպետի նոյեմբերի 9-ի 2011թ., թիվ 373-Ն որոշումը Լոռու մարզպետարանում լրագրողների հավատարմագրման կարգը հաստատելու մասին Լոռու մարզպետարանի տեղեկատվության և հասարակայնության հետ կապերի բաժինը մինչև ս.թ. դեկտեմբերի 25-ն իրականացնում է Լոռու մարզպետարանի գործունեությունը լուսաբանող լրագրողների հավատարմագրում։
Աշխատանքային այցով մարզպետը եղավ Արջուտ, Սպիտակ, Լեռնավան և Ջրաշեն համայնքներում 04.12.2020
Լոռու մարզպետ Անդրեյ Ղուկասյանի աշխատանքային այցերը մարզի համայնքներում՝ սուբվեցիոն ծրագրերով իրականացվող աշխատանքներին ծանոթանալու նպատակով շարունակվում են: Մարզպետը եղել է Արջուտ, Սպիտակ, Լեռնավան և Ջրաշեն համայնքներում: Առաջին կանգառը Արջուտ համայնքում էր: Այստեղ այս տարի իրականացվել է 2 ծրագիր ` ընդհանուր շուրջ 50.46 մլն դրամ պայմանագրային արժեքով, որից 28.12 մլն դրամը պետբյուջեի ներդրումն է, մնացածը՝ համայնքային: Տուֆ քարով հիմնանորոգվում է համայնքի մոտ 1200 մետր երկարությամբ կենտրոնական փողոցը: Ընթացքի մեջ են համայնքում ֆոտովոլտային կայանի կառուցման աշխատանքները:
Մարզպետ Անդրեյ Ղուկասյանը, փոխմարզպետ Գայանե Մարկոսյանը, Լոռու մարզպետարանի զարգացման ծրագրերի և զբոսաշրջության բաժնի պետ Հերմինե Գասպարյանը, ՏԻ և ՀԳՄ հարցերով վարչության պետ Կամո Աշրաֆյանը տեսակապի միջոցով հանդիպում- քննարկում ունեցան ՄԱԿ-ի Զարգացման ծրագրի (ՄԱԶԾ) մշտական ներկայացուցիչ Դմիտրի Մարիյասինի, ՄԱԶԾ և այլ շահագրգիռ կառույցների ներկայացուցիչների հետ: Հանդիպման նպատակը ՄԱԶԾ կողմից եվրամիության ֆինանսավորմամբ Լոռու և Տավուշի մարզերում մեկնարկելիք «Տեղական դերակատարների զորեղացումը Լոռու և Տավուշի մարզերում հանուն զարգացման»(LEAD) ծրագրի քննարկումն էր: Ծրագրի նպատակը շահագրգիռ կողմերի լայն շրջանակի (տեղական ինքնակառավարման և տարածքային կառավարման մարմիններ, բիզնես կառույցներ և քաղաքացիական հասարակության կազմակերպություններ) ներգրավվածությունն է իրենց համայնքների սոցիալ-տնտեսական զարգացման գործընթացում:
Մարզի ղեկավարը ծանոթացավ սուբվենցիոն ծրագրերի ընթացքին 02.12.2020
Լոռու մարզպետ Անդրեյ Ղուկասյանն աշխատանքային այցով Դարպաս, Բազում և Լոռի Բերդ խոշորացված համայնքներում էր՝ ծանոթանալու սուբվենցիոն միջոցներով իրականացվող աշխատանքներին: Առաջին կանգառը Դարպաս համայնքում էր: Այստեղ ասֆալտապատվել է Վանաձորին միացնող գլխավոր ճանապարհը՝ ընդհանուր 334 մ երկարությամբ և 5 մ լայնությամբ: Պայմանագրային արժեքը կազմել է 15.46 մլն դրամ, որից 8.5 մլն` պետական և 6.96 մլն` համայնքային ներդրումն է:
Լոռու մարզպետ Անդրեյ Ղուկասյանի կողմից անցկացված աշխատանքային խորհրդակցության կարևորագույն հարցերն էին. 2021թ. ՀՀ պետական բյուջեի նախագծով նախատեսվում է մարզի համայնքներին տրամադրվող դոտացիայի գումարը ավելացնել շուրջ 1.166 մլն դրամով՝ կազմելով 6 մլրդ 590 մլն դրամ, ինչը լուրջ աջակցություն կարող է հանդիսանալ համայնքների համար: Մարզի ղեկավարը կարևորում է այդ գումարների մեծ մասը սուբվենցիոն ծրագրերին ուղղելու անհրաժեշտությունը: Մարզում սուբվենցիոն ծրագրերի իրականացման ուղղությամբ տարվող աշխատանքները շարունակվում են:
