Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հաջողությունների հասնելու միակ ճանապարհը որակյալ կրթության ապահովումն է. Ա. Ղուկասյան 15.12.2020
Լոռու մարզպետ Անդրեյ Ղուկասյանը շնորհակալագրեր հանձնեց նոյեմբերի 22-29-ը մի շարք առարկաներից(հայ գրականություն, հայոց լեզու և գերմաներեն, ֆրանսերեն և անգլերեն, ռուսաց լեզու, հայոց եկեղեցու պատմություն և քիմիա) անցկացված 2019-2020 ուսումնական տարվա դպրոցական առարկայական օլիմպիադաների հանրապետական փուլի 6 մրցանակակիրներին. Հովհաննես Իգիթխանյան (Շիրակամուտի թիվ 1 հիմն. դպրոց, առաջին կարգի դիպլոմ, հայոց եկեղեցու պատմություն) Միլենա Կիրակոսյան (Վանաձորի մաթ. և բնագ. առ, հտ/դ, երկրորդ կարգի դիպլոմ, հայոց լեզու) Անահիտ Ասլանյան (Վանաձորի թիվ 11 ավագ դպրոց, երկրորդ կարգի դիպլոմ, հայ գրականություն) Սոնա Եղշատյան (ՎՊՀ հենակետային վարժարան, երկրորդ կարգի դիպլոմ, ռուսաց լեզու) Նարե Աքուլյան (Վանաձորի թիվ 5 հիմն. դպրոց, երրորդ կարգի դիպլոմ, անգլերեն) Անահիտ Ներսիսյան (Վանաձորի թիվ 24 միջն. դպրոց, երրորդ կարգի դիպլոմ, անգլերեն)
Լոռու մարզպետարանում այսօր հյուրընկալվել էին պատերազմի առաջին իսկ օրերից մարզում ձևավորված համակարգման կենտրոնի անդամները և վերջինիս հետ սերտորեն համագործակցած ավելի քան 60 կառույցի ներկայացուցիչներ և անհատներ, ովքեր, երկրի համար այս ծանր օրերին անշահախնդիր կերպով համախմբվելով և մեկ բռունցք դառնալով, արցախցի ընտանիքներին ապահովել են նաև սննդով, առաջին անհրաժեշտության պարագաներով, իրերով, նրանց ցուցաբերվել է սոցիալ-հոգեբանական աջակցություն, կազմակերպվել է երեխաների ժամանցը:
Կամավորական աշխատանքը այն շնորհակալ աշխատանքն է, որն արժանի է մեծագույն հարգանքի. Ա. Ղուկասյան 14.12.2020
Լոռու մարզպետ Անդրեյ Ղուկասյանը և մարզպետի տեղակալ Գայանե Մարկոսյանը հանդիպում ունեցան կամավորական աշխատանքներում ներգրավված երիտասարդների հետ՝ շնորհակալագրեր հանձնելու և ևս մեկ անգամ կարևորելու կատարված մեծածավալ աշխատանքը: Կամավորները պատերազմի առաջին օրերից լծվեցին Լոռու համակարգման կենտրոնի աշխատանքներին՝ առաջնագծին ու արցախցիներին ուղղված աջակցության ծրագրերը կյանքի կոչելու համար: Մարզի ղեկավարը և տեղակալը շեշտեցին՝ հանրօգուտ, անվարձահատույց աշխատանք կատարելը, անշուշտ, գնահատելի և հարգանքի արժանի գործ է:
Մարզի ղեկավարը Արմեն Ասրյանին պարգևատրեց շնորհակալագրով և անձամբ հանձնեց ոսկե մեդալը 10.12.2020
Լոռու մազպետ Անդրեյ Ղուկասյանն այսօր հյուրընկալել էր Ստեփանավանի Վահան Թեքեյանի անվան թիվ 6 միջնակարգ դպրոցի 2019-2020 ուստարվա շրջանավարտ, ոսկե մեդալակիր Արմեն Ասրյանին: Հանդիպմանը ներկա էր նաև մարզպետարանի կրթության, մշակույթի և սպորտի վարչության պետ Ռաֆայել Հարությունյանը: Մարզի ղեկավարը Արմենին պարգևատրեց շնորհակալագրով և անձամբ հանձնեց ոսկե մեդալը: Նա երիտասարդին շնորհակալություն հայտնեց գերազանց առաջադիմություն ցուցաբերելու և մարզի պատիվը բարձր պահելու համար:
Կիրականացվի «Դբա Սմարթ Դեբետ» ծրագիրը՝ զարգացման լուրջ հեռանկարներ ստեղծելով համայնքի համար 09.12.2020
«Հայաստանի մանուկներ» բարեգործական հիմնադրամը Լոռու մարզի Դեբեդ համայնքում կիրականացնի գյուղական համայնքների զարգացմանն ուղղված «Դբա Սմարթ Դեբետ» մեծածավալ ներդրումային ծրագիրը՝ նպատակ ունենալով առաջիկա հինգ տարիների ընթացքում համայնքը վերածել բարեկարգ, առաջատար, սմարթ լուծումներով հագեցած բնակավայրի՝ զարգացման լուրջ հեռանկարներով: Լոռու մարզպետ Անդրեյ Ղուկասյանի, մարզպետի տեղակալ Գայանե Մարկոսյանի, մարզպետարանի ոլորտային պատասխանատու պաշտոնյաների, հիմնադրամի գործադիր տնօրեն Կորյուն Խաչատուրյանի և կազմակերպության ներկայացուցիչների մասնակցությամբ այսօր Լոռու մարզպետարանում քննարկվեցին ծրագրի մանրամասները: Կորյուն Խաչատուրյանի ներկայացմամբ՝ ծրագրի շրջանակներում նախատեսվում է ասֆալտապատել ամբողջ համայնքը՝ փողոցները և նրբանցքները, լուսավորել, միաոճ կերպով նորոգել տների տանիքները՝ կոլորիտային միջավայր ապահովելու նպատակով, ստեղծել նաև բիզնես միջավայր՝ ապահովելով նոր աշխատատեղեր:
Կայուն զարգացման հայկական հիմնադրամը ՀՀ կրթության, գիտության, մշակույթի և սպորտի նախարարության հետ համագործակցությամբ և ՈւԵՖԱ-ի «Երեխաների համար» հիմնադրամի համաֆինանսավորմամբ իրականացնում է «Սպորտային սերունդ» ծրագիրը, որի նպատակը հայ երիտասարդության շրջանում սպորտային մշակույթի խթանումն է:Ծրագրի շրջանակում տեղի է ունեցել Հայաստանի հանրակրթական դպրոցներին 1 մլն-ական դրամ արժողությամբ նոր մարզագույքի տրամադրման մրցույթ, որին մասնակցել է 69 դպրոց՝ հանրապետության բոլոր մարզերից: Աշակերտները պատրաստել են 10 րոպեն չգերազանցող տեսահոլովակներ՝ պատմելով դպրոցական կյանքի, սպորտի կարևորության, իրենց մարզական նվաճումների, ինչպես նաև համայնքում և շրջակա միջավայրի պահպանման գործում ներգրավվածության մասին։ Մրցութային հանձնաժովողի որոշմամբ հաղթող է ճանաչվել թվով 16 դպրոց, այդ թվում Վահանգի համայնքի դպրոցը:
