Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հայտարարություն 13.08.2021
2021թ. օգոստոսի 13-ի հրավիրված Լոռու մարզի խորհրդի նիստը հետաձգվել է: Մարզի խորհրդի նիստի կայացման օրի, ժամի և վայրի մասին տեղեկատվությունը լրացուցիչ կտրամադրվի:
Ոռոգման համակարգ՝ Ծաղկաբեր համայնքում 13.08.2021
Այս տարվա սուբվենցիոն ծրագրով նախատեսվում է կառուցել ոռոգման համակարգ Ծաղկաբեր համայնքում: Ծրագրի արդյունքում կապահովվի 30 հա տնամերձ հողամասերի ոռոգումը: Համակարգը կունենա ընդհանուր 1400 մ երկարություն և կկառուցվի երկաթ-բետոնե հավաքովի վաքերի միջոցով: Ծրագրի ընդհանուր բյուջեն մոտ 33.4 մլն դրամ է, որից 21.7 մլն դրամը՝ պետական և 11.7 մլն դրամը` համայնքային ներդրում է: Շահառու է մոտ 900 բնակիչ:
Մարզահրապարակ և խաղահրապարակ՝ Մարգահովիտ համայնքում 11.08.2021
ՀՀ ճապոնիայի դեսպանատան ֆինանսական ներդրմամբ ՀՀ ԿԳՄՍ նախարարության, Լոռու մարզպետարանի և «Մարգահովիտի երիտասարդական կենտրոն» հասարակական կազմակերպության հետ համագործակցությամբ Մարգահովիտ համայնքում կառուցվել է մարզահրապարակ և խաղահրապարակ՝ նպատակ ունենալով ապահովել ավելի լավ կրթական միջավայր և խրախուսել առողջ ապրելակերպը համայնքում: Աշխատանքներն իրականացվել են Մարդկության անվտանգության Grassuoots ծրագրի շրջանակներում: Ներդրումը կազմել է ավելի քան 19 հազար ԱՄՆ դոլար:
Ճանապարհի սալարկում՝ Ծաղկաբեր համայնքում 10.08.2021
Այս տարի սուբվենցիոն ծրագրի շրջանակներում կհիմնանորոգվի Ծաղկաբեր համայնքի դեպի գերեզմանատուն տանող ճանապարհը: Ծրագրի ընդհանուր բյուջեն մոտ 20.3 մլն դրամ է, որից 13.2 մլն դրամը՝ պետական և 7.1 մլն դրամը` համայնքային ներդրում է: Նախատեսվում է տուֆ քարով սալարկման միջոցով վերանորոգել ընդհանուր 348 մ երկարությամբ և միջինը 4.5 մ լայնությամբ ճանապարհ: Ծրագրի շահառու է համայնքի ողջ բնակչությունը՝ 390 տնային տնտեսություն:
Աշխատանքային խորհրդակցություն 10.08.2021
Այսօր Լոռու մարզպետ Արամ Խաչատրյանը մարզպետի տեղակալ Գոռ Ասրյանի, մարզպետարանի գլխավոր քարտուղար Կամո Աշրաֆյանի, մարզպետարանի կառուցվածքային ստորաբաժանումների ղեկավարների և պատասխանատու այլ պաշտոնյաների մասնակցությամբ անցկացրեց հերթական աշխատանքային խորհրդակցությունը: Քննարկվեցին տարբեր ոլորտների առնչվող հարցեր, տրվեցին մի շարք հանձնարարականներ:
Հակակարկտային կայաններ՝ Կաթնաջուր համայնքում 06.08.2021
Կաթնաջուր համայնքում պետություն-համայնք համատեղ ներդրմամբ իրականացվող սուբվենցիոն ծրագրի շրջանակներում այս տարի ձեռք կբերվի 5 հակակարկտային կայան, որոնց շնորհիվ շուրջ 500 հա հողատարածք զերծ կպահի կարկտահարությունից: Ծրագրի ընդհանուր բյուջեն կազմում է մոտ 10.5 մլն դրամ, որից 5.25 մլն դրամը՝ պետական և 5.25 մլն դրամը` համայնքային ներդրումն է: Ծրագրի շահառու է համայնքի ողջ բնակչությունը:
