Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Մարտական ծառայության մեդալ»՝ արցախյան 44-օրյա պատերազմում անմահացած Արամ Ավագյանին 25.03.2022
Լոռու մարզպետի տեղակալ Գոռ Ասրյանը և մարզպետարանի զորահավաքային նախապատրաստության բաժնի պետ Արմեն Հակոբյանն այսօր Արցախյան երկրորդ պատերազմում անմահացած կամավորական Արամ Ավագյանի կնոջն են հանձնել հերոսին հետմահու շնորհված պետական պարգևը: ՀՀ նախագահի հրամանագրով՝ Արամ Գաբրիելի Ավագյանը հայրենիքի պաշտպանության և անվտանգության ապահովման գործում ներդրած ավանդի, մարտական գործողությունների ընթացքում ցուցաբերած խիզախության և նվիրումի համար հետմահու պարգևատրվել է «Մարտական ծառայության մեդալով»։ Լոռու մարզպետ Արամ Խաչատրյանի և իր անունից Գոռ Ասրյանը ցավակցություն ու զորակցություն է հայտնել հերոսի կնոջն ու հարազատներին:
Լոռու մարզում Քովիդ-19 համավարակի դեմ պատվաստվել է բնակչության 45 տոկոսը 22.03.2022
Լոռու մարզպետի տեղակալ Գոռ Ասրյանն այսօր ընդունեց Առողջապահության համաշխարհային կազմակերպության «Task Force for Global Health» ծրագրի խորհրդատու Իհաբ Բուշային։ Հանդիպման նպատակն էր քննարկել Քովիդ-19 համավարակի դեմ պատվաստումների Լոռու մարզի ցուցանիշները, գնահատել համաճարակի կանխարգելմանն ուղղված համալիր միջոցառումների արդյունքները։ Հանդիպմանը ներկա էին Լոռու մարզպետարանի առողջապահության և սոցիալական ապահովության վարչության պետ Ռուզաննա Պողոսյանը, «Հիվանդությունների վերահսկման և կանխարգելման ազգային կենտրոն» ՊՈԱԿ-ի մասնագետները և համաբուժարանների ղեկավարներ։
Չնայած չդադարող մաքրման աշխատանքներին՝ Լոռու մարզում դեռևս կան դժվարանցանելի ճանապարհներ 21.03.2022
Լոռու մարզում այսօր ևս շարունակվում են միջպետական, հանրապետական, մարզային և համայնքային նշանակության ճանապարհների մաքրման աշխատանքները։ Սպասարկող ընկերություններն աշխատում են արտակարգ ռեժիմով, սակայն առատ ձյան պատճառով մարզում դեռ կան փակ և դժվարանցանելի ճանապարհներ, որոշ հատվածներում առկա է նաև մերկասառույց։ Լոռու մարզպետ Արամ Խաչատրյանի գլխավորությամբ, արդեն 3-րդ օրն է փոխմարզպետներ Գոռ Ասրյանը, Հովհաննես Ավետիսյանը, մարզպետարանի պատասխանատու այլ պաշտոնյաներ, համայնքների ղեկավարներ, «Ճանապարհային դեպարտամենտ» հիմնադրամի, ԱԻՆ փրկարար ծառայության Լոռու մարզի փրկարարական վարչության, ոստիկանության Լոռու մարզային վարչության և Ճանապարհային ոստիկանության ծառայողներ, հսկում և աջակցում են ճանապարհների երթևեկելի հատվածների ձյան մաքրման և աղ- ավազով մշակման աշխատանքներին, օգնում վարորդներին դուրս գալ խցանումներից և արգելափակումից։
«Լավագույն ուսանող» Միհրան Սիսակյանը պարգևատրվեց Լոռու մարզպետի շնորհավորագրով 18.03.2022
Լոռու մարզպետ Արամ Խաչատրյանն այսօր հյուրընկալեց ՀՀ կրթության, գիտության, մշակույթի և սպորտի նախարարության կողմից կազմակերպված «Լավագույն ուսանող-2021» մրցույթում հաղթող ճանաչված ԵՊՀ 3-րդ կուրսի ուսանող, Սպիտակի բնակիչ Միհրան Սիսակյանին։ Բակալավրի կրթական ծրագրով «Լավագույն ուսանող» հանրապետական մրցույթում՝ հասարակագիտության ոլորտում, Միհրան Սիսակյանը գրավել է առաջին տեղը։ Մարզի ղեկավարը, շնորհավորագիր հանձնելով ուսանողին, նշեց, որ առանձնակի հպարտություն է «Լավագույն ուսանող» մրցույթում տեսնել մեծ թվով լոռեցի ուսանողների։
«Ժողովրդական քաղաքացիության ուսուցում․ առաջին անգամ ընտրող» իրազեկման ծրագրի մասնակիցներին այսօր հյուրընկալեց Լոռու մարզպետ Արամ Խաչատրյանը։ Նրանք Վանաձորի թիվ 5, 10, 11 և Գուգարքի ավագ դպրոցների սաներն էին, ովքեր, հաղթելով ներդպրոցական ընտրություններում, հնարավորություն են ստացել ընդգրկվելու ծրագրի շրջանակներում իրականացվող դասընթացներում և միջոցառումներում։ Հանդիպմանը մասնակցում էին նաև կրթության, մշակույթի և սպորտի վարչության պետ Արամ Գրիգորյանը և նշված ծրագրի փորձագետ, Լոռու մարզային համակարգող Նաիրա Բարիկյանը։
Վանաձորի աթլետիկայի մարզադպրոցի վերանորոգված մարզասրահին տրամադրվեցին մարզասարքեր 17.03.2022
Լոռու մարզպետ Արամ Խաչատրյանը մարտի 16-ին ներկա է գտնվել Վանաձորի «Աթլետիկայի օլիմպիական հերթափոխի մանկապատանեկան մասնագիտացված մարզադպրոցի» վերանորոգված մարզասրահի բացման և վարժասարքերի նվիրաբերման արարողությանը։ Ներկա էին նաև Վանաձորի համայնքապետարանի աշխատակազմի քարտուղարի ժամանակավոր պաշտոնակատար Դավիթ Հակոբյանը, ավագանու անդամներ, Լոռու մարզի աթլետիկայի ֆեդերացիայի նախագահ Ադիկ Արդարյանը, «Աթլետիկայի օլիմպիական հերթափոխի մանկապատանեկան մասնագիտացված մարզադպրոցի» տնօրեն Սուրեն Վեքիլյանը, ոլորտի մասնագետներ։ Մարզասենյակի վերանորոգման աշխատանքները կատարվել են 2021թ․ պետություն-համայնք համատեղ ներդրմամբ իրականացվող սուբվենցիոն ծրագրի շրջանակներում։ Այժմ ամերիկաբնակ հայ բարերար Ժորժ Ղարիբյանի և մոտ երկու տասնյակ բարերարների ֆինանսավորմամբ սրահը հագեցվել է նոր, ժամանակակից վարժասարքերով։
